انا عندي ١٩ سنه مخطوبه من وانا عندي ١٥ سنه بحبو اووي ومقدرش اعيش من غيرو فاضلنا شهور ونتجوز، ف البدايه كنت بقول حاضر وماشي ونعم ع كل حاجه كنت عيله صغيره وكنت فاهمه لما اعمل كده هنجح العلاقه ما بينا وهخليه يحبيني.
وفعلا فضلت مكمله ع نفس النمط لمده سنتين يزعل مني أصالحه يغلط فيا ارضيه لما اجي اقوله انا استحملت واستحملت يقولي وانتي ايه الي غصبك ويقولي قلبك اسود وبتشيلي فجأة اسلوبي اتغير مش هقدر انكر انو بيحبني وعمره ما استخسر فيه حاجه وطيب معايا اوووي بس فجأة حسيت اني مش قادره اكمل وان مش مستحمله طريقته معايا ولما يعمل حاجه بقيت برد غصب عني.
حسيت اللي هو لا انا عايزة اخد حقي عايزة ارتاح بس مش عارفه لو نزلت يومين وره بعض يفضل يقولي بطلي تنطيط انا مبحبش النزول كتير، انا بحبو وهو كمان بس احنا حاليا محدش فينا طايق التاني مش عارفه ارجع زي زمان وله احاول اغير طريقتي معاه
شوفي أول حاجة أنتي كنت غلطانة فيها من حق نفسك أنك كنتي بتتنازلي عن حقوقك زي أنا زعلانة بس مش وهم زعلي لكن لو هو زعل حتي لو كان هو الغلطان أروح أصالحه وتاني حاجة أنه يغلط فيكي وتروحي ترضيه لأ مش ينفع أنتي دلوقتي لو غلطي فيه هو هيروح يراضيك لأ طبعاً هو آه حبوا بعض لكن فيه عتاب عاتبيه لما يزعلك قولي له آه أنا زعلانة منك شوفي أعمل كل حاجة له زي شغل البيت وأطبخي له وعادي جداً لكن مش تكلميه عشان يحس أنه زعلك فيجاي يعتذر ليكي وكذلك لو غلط فيكي لكن أنتي كده كنتي أكتر طرف بيضحي ويقدم تضحيات عشانه هو آه كويس ومش بيحرمك من حاجة بس لازم أنتم الأتنين تقدموا تضحيات لأن أنتي كده عودتيه أن يغلط فيكي بعد كده هيغلط فيكي علي طول عوديته يزعلك ومش يراضيك بعد كده عمره ما يجاي ليكي عشان يراضيك لازم مش تسكتي علي حقوقك زي ما هو كده وصلي وأدعي أن قلبه يلين عليكي ويحن وأن المشاكل تنتهي وبالنسبة للمشاكل عايزة أقولك أن مفيش جواز يخلو من المشاكل بس فيه زوج وزوجة متماسكين في بعض يعني مهما تكتر المشاكل تكتر آه لكن عمرهم ما يقدروا ينفصلوا عن بعض وربنا يسعدك ويجبر بخاطرك ويفرحك
تم النشر الاثنين، ٢١ أكتوبر ٢٠٢٤
عزيزتي، أشعر بمعاناتك وأتفهم الحالة التي تمرين بها. يبدو أن علاقتكما قد مرت بتوترات وصعوبات بعد سنوات من التفاهم والمحبة. من المهم أن تدركي أن العلاقات تحتاج إلى توازن واحترام متبادل. من الجيد أنكِ تعترفين بمشاعرك، وتدركين أن هناك حاجة للتغيير في طريقة تعاملكما. من المهم أن تتحدثي معه بصراحة حول المشاعر التي تشعرين بها والتحديات التي تواجهينها. حاولي أن تشرحي له كيف تؤثر تصرفاته عليكِ، وكوني مستعدة للاستماع لوجهة نظره أيضًا. إذا كنت تودين استعادة العلاقة كالسابق، قد تحتاجين إلى العمل على تحسين التواصل بينكما وتحديد ما هو غير مريح لكِ في سلوكه. يمكنكما تحديد وقت للتجاذب حول الأمور التي تسبب الضغوط، ومناقشة الحلول بشكل هادئ ومتبادل. تذكري أنه من المهم الاهتمام بنفسك وبمشاعرك أيضاً. إن كنتِ تشعرين أنه من الصعب أن تستمري بهذه الطريقة، قد يكون من المفيد التفكير في الاستشارة العائلية أو المساعدة من مختصين. جوانب التغيير تكون صعبة أحيانًا، ولكنها ممكنة بتحقيق التفاهم والرغبة من الطرفين. أخيرًا، كوني صادقة مع نفسك، وفكري في ما تحتاجين إليه من هذه العلاقة من أجل سعادتك واستقرارك النفسي. أتمنى لكِ التوفيق والراحة في اتخاذ القرارات المناسبة لكِ.
تم النشر الأحد، ٢٠ أكتوبر ٢٠٢٤
مثل ما حكت الاخت دينا مفضل تقعدو وتحكو بالموضوع هاد... يعني هو ضل معك وحدّك من ٤ سنين، لو ما بحبك شو الي بخليه كل هاد الوقت؟ كان من الاول يتجوز واحدة جاهزة للزواج... بس هو بحبك وبدو يكون معك، والطلعات الي بيقلك ما بحب تطلعي كتير هاد لأنه خايف عليكِ، بس برضه انت خدي الوسط دائما... يعني خلي يكون في بينكو تشاور وهيك ، بس كمان مش تمرد "وبس بدي اعمل الي براسي وبدي اثبت اني صح.".. برأيي ما تتسرعي بقصة "محدش فينا طايق الثاني" بالعكس بادري للصلح والله يتمملك على خير🌷
تم النشر الاثنين، ٢١ أكتوبر ٢٠٢٤
وصحيح طالما قال جملة ايه غصبك فهو في الأساس مش مقدر حبك ولا هو شايفك اصلا ، وكل اللي بتعمليه في ده كله في البحر ، لاان مفيش راجل بيقول الجمله دى لو مقدر ومحترم اللي معاه وبيحبها وبتحبه ، ولو اتجوزتي وضربك وعرفتي اهلك هيقولك استحملي وعيشي ، وطالما في اهانه في الضرب مش بعيد ولا صعب عليه ويكون انتى اللي اخترتي وساعتها الغلط كله عليكي لاانه ايه كان غصبك قبل الجواز فعلا ؟ وازاي تسمحي بالإهانة ومخدتيش موقف وبتصالحيه كمان ؟؟؟؟؟؟؟؟؟ ازاي قبلتي حاجه زى دى بجد ؟ اعرفي قيمة نفسك وان كرامتك واحترامك اغلي من اي حاجه سواء هو ولا عشره غيره
تم النشر الاثنين، ٢١ أكتوبر ٢٠٢٤
مينفعش انتى اللي تدي وأراضي طول وقت اصل عشان العلاقه تنجح العلاقه مبنيه علي طرفين والتقديم لنجاح العلاقه بيكون علي الطرفين ، وموضوع أنه يشتمك وتراضيه دى اهانه كبيره ليكي جدا وميتسكتش عليها نهائي ولا عشان اصلي بحبه ولا غيره انتي كده مش مقدره قيمه نفسك وده بيكون تقليل لكرامه ومن جهه هو مقصرش معاكي في دا اصلا واجبه اتجاهك في انك ميقصرش دا مش إنجاز أو خارق عن الطبيعه دا واجبه أنه ميقصرش ، والتنازلات الكتيره اللي كانت بتحصل زمان في دا عشان صغيره أما دلوقتي بما انك كبيره ف اكيد عارفه أن التنازلات والحاضر والنعم عالفاضي عشان ترضي الطرف التاني ملهاش اي لازمه غير انك بتخسري حقك في انك بتتنازلي وضحي بحقك وطلباتكم مقابل الطرف التاني ودا غلط ، والتضحيه للخرفات وانتي مش خروف العيد 😒، حددي اي هي طلباتك أولوياتك وحدودك في العلاقه وعرفيه بيها ، والطبيعي منه هيستغرب ويقولك اصلك اتغيرتي ومعرفش ايه ، عرفيه انك كنتي صغيره ومتعرفش الموضوع كان بيمشي ازاي في العلاقه وايه هي حقوقك وطلباتك وايه المفروض تقبلي بيه ومتقلبيش بيه واظن هو لو واعي كفاية هيعرف دا من غير ما يقول حاجه علي كلامك ويتفهم ، أما لو عارض فهو مش قابل فكره أنه يبقي ليكي راي وانه عايزك دائما اللي بيقدم في العلاقه ، تقبل دا اهلا وسهلا متقبلش تقدري تفسخي الخطوبه حتي لو قعدتي ٦؛ ٧ سنين ، لسه علي البر وكرامتك واحترامك في العلاقه اهم بكتير من الحب + الحب مش هيفضل بعد الجواز اللي هيفضل التقدير والاحترام والموده لا اكتر ولا غيره ، فكري وحطي حدودك في العلاقه واوعك تقبلي بالقليل لاانك لو قلتي مره هيبقي ملكيش لا شخصيه ولا وجود ، والعلاقه أساسها الشراكه مش مين يعلي علي التاني هتدخلؤ في مناهده ووجع قلب اللهم بلغت اللهم فاشهد وفي الاول والاخر قرارك واختيارك وبردو فكري من كل الجوانب
تم النشر الاثنين، ٢١ أكتوبر ٢٠٢٤
لازم تقعدوا تتكلمو بتفاهم واستخرى ربنا واقرى سوره البقره فيها بركه ونور لعلها سبب فيه تسير مشكلكم،،،
تم النشر الاثنين، ٢١ أكتوبر ٢٠٢٤
لعرض السؤال في فدني اضغط هنا