السلام عليكم
مشكله ظهرت من شهرين بنسا كتيير جدا وفى صعوبه ف الحفظ وصعوبه كبيىره ف التذكر مع العلم انى ممارس للعاده السريه منذ اكتر من 10 سنوات ومحتاج حل واقعى بالله عليكم بحاول ابطل العاده لكن مشكله النسيان والتركيز مأثره عليا ف شغلى اعمل اي فيدونى بحل اتمني يكون عن تجربه لشخص منكم 😪
السلام عليكم، سواء كانت هي السبب أو لأ، محتاج توقف العادة عشان حرمتها وأضرارها الكتير. هتلاقي هنا أسئلة كتير في قسم العادة السرية وفيها نصائح حاول الالتزام بها... التخلص منها يعتمد على رغبتك في التغيير من جواك وتخلصك من أي شيء بيسبب وقوعك فيها وعدم اليأس من نفسك في حالة وقعت أثناء محاولتك التوقف. ** النسيان وقلة التركيز ممكن كمان يكون نتيجة لسبب صحي زي الأنيميا ونقص الفيتامينات فهتحتاج تتابع مع طبيب باطنة عشان تتأكد من فحوصاتك وممكن يكون بسبب إدمانك للسوشيال ميديا لأنها بتأثر على معدل التركيز وبتؤدي لتشتتك باستمرار، ممكن كمان يكون بسبب قلة النوم أو عدم جودته. فعالج أي سبب من دول إذا موجود وحسن نظام حياتك ومارس رياضة وجاهد نفسك للتوقف عن العادة وإن شاء الله حالتك تتحسن للأفضل. بالتوفيق.
تم النشر الاثنين، ١٠ فبراير ٢٠٢٥
وعليكم السلام ورحمة الله وبركاته، أسأل الله أن يوفقك ويمنحك العافية. ما تمر به من مشكلات مثل النسيان وصعوبة التركيز قد يكون نتيجة عدة عوامل، بما في ذلك العادة السرية، التي يُعتقد أنها قد تؤثر على القدرة العقلية والتحصيل الدراسي أو العملي. إليك بعض الخطوات التي قد تساعدك على التغلب على هذه المشكلة: التقليل من ممارسة العادة السرية : حاول أن تقلل من تكرارها تدريجياً. قد تجد أن تقليل هذه الممارسة سيساعد في تحسين مستوى تركيزك وذاكرتك. تنظيم وقتك : حاول وضع جدول يومي لتنظيم وقتك بحيث تخصص أوقات محددة للعمل والدراسة واستراحة قصيرة. تحسين التغذية : تناول طعام صحي ومتوازن، حيث إن التغذية الجيدة تلعب دوراً مهماً في صحة الدماغ والذاكرة. النوم الجيد : احرص على الحصول على قسط كاف من النوم، حيث إن قلة النوم تؤثر سلباً على التركيز والذاكرة. ممارسة النشاطات الذهنية : حاول ممارسة ألعاب ذهنية، مثل الألغاز أو الشطرنج، فهذه الأشياء تعزز الذاكرة وتنشط العقل. الدعاء والاستغفار : لا تنس الصلاة والدعاء لله تعالى بأن يساعدك ويعينك على التغلب على هذه المعضلة. فالإيمان والدعم الروحي لهما أثرٌ كبيرٌ على النفس. إذا استمرت مشكلات النسيان والتركيز رغم هذه التغييرات، فقد يكون من المفيد استشارة مختص في الصحة النفسية لمساعدتك في التغلب على هذه التحديات. أسأل الله لك التوفيق والنجاح في إحداث التغيير المطلوب في حياتك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ١٠ فبراير ٢٠٢٥
هكلمك في الحل مش عن أضرارها أو الحلال والحرام لانك اكيد عارف هو حل واحد، تشتغل طول اليوم لغايه ما تروح تنام من التعب وتصحى تاني يوم على الشغل وهكذا متسبش اي وقت تقعد فيه لوحدك كان في واحد صاحبي وقع في الموضوع ده خليته يشتغل في ورشه عمي تحت بيتنا وكنت براقبه كنت بخليه يجي الصبح 7 ويروح 12 وكان بينام لما يروح فضلت اتابعه شهرين لغايه ما اتعود لوحده وفي نفس الوقت الميزه عندنا في الورشه أننا بنشغل قرآن ودروس فكان يومه مليان بسماع الدين و كلنا بنروح نصلي وقت الصلاه يعني عاش في بيئه جميله ودلوقتي والله العظيم بقى احسن مني الف مره وبقى ينصحني في الدين وبقى تقي جدا عمل تحول انا مكنتش مصدقه وربنا كرمه واتجوز وخلف 2 وشغال شغلانه جامده جدا بس هو تعب في أول فتره حكتلك قصه واقعيه عاوز تتغير اتعلم منه ولو منك ابيع الموبيل وأمسك موبيل قديم والكمبيوتر اشيله امتنع اي مؤثر يخليك ترجع إلى الإباحيه و قضي معظم وقتك في الجامع والدروس عشر سنوات انت محتاج وقت كبير جدا عشان جسمك يرجع كويس وربنا بيغفر بس توب انت
تم النشر الثلاثاء، ١١ فبراير ٢٠٢٥
انا اشوف ان العاده ما لها دخل بالنسيان يمكن الفتره ذي نومك مو كويس او تمارس عادات ثانيه سيئه ما اتوقع المشكله من العاده بس نصيحه اترك العاده لانها تضر في اشياء كثير وهذا واحنا ما قلنا عن الجانب الشرعي ف هي حرام وربي ما يحرم شي الا لسبب ف نصيحه حاول تتركها وصدقني انت تقدر وبتتركها ان شاء الله وعدل نومك ممكن هو يكون السبب💙
تم النشر الثلاثاء، ١١ فبراير ٢٠٢٥
ابعد عن الطࢪيق ده لأن ده احد اسباب وصولك للنسيان غير روتينك جاهد نفسك وقرب لربنا مش تنعزل مع نفسك مده طويلة جدد علاقتك مع الله وقرب لي فكر ازاي هتقابل ربنا وانت في الطريق ده دايما خلي احتمالات انك الله أعلى واعلم هتموت على الطريق ده ولا هتموت على عمل صالح العمر ليك بس فكر ازي آخر الطريق هتمشي في ربنا يهديك ويغفرلك يارب
تم النشر الثلاثاء، ١١ فبراير ٢٠٢٥
بطل العاده علشان هي احد الاسباب، ومارس اي رياضه في يومك وابتعد عن أي شاشات تجلس عليها لفتره كبيره، نام عدد ساعات كافي، كل اكل صحي وقلل من السكر، وخد مكملات غذائية اوميجا وزنك وغيره، وحافظ على صلاتك ووردك اذكارك نظم وقتك بين العمل والاسره ووقت لربك هتلاقي حياتك اقل ما يقال عليها انها حياه ترضي الله اولا ثم ترضيك ولا تنسي السبب الأساسي لوجودنا هنا اخي وكلما نسيت ذكر نفسك، ولما تعمل الحجات ال قولتلك عليها ان شاء الله بنسبه 99% هتلاقي نفسك كويس، اسأل الله ان يهديك ويهدينا واياك 😊🙏
تم النشر الاثنين، ١٠ فبراير ٢٠٢٥
لعرض السؤال في فدني اضغط هنا