ازاي اوقف التخيلات الجنسيه من دماغي انا مدمن اباحية لاخمس سنوات متوقف عندها في اليوم السابع بعد انتكاسة الرقم قبلها كان خمسه وعشرين يوم
التخيلات دى هى صور كتيره متخزنة فى عقلك من المشاهدات .....هات صور تانيه طبيعية مصاحب ليها صوت واسمعها فى الوقت اللى يجيلك فيه التخيلات دى واجبر نفسك على التركيز فى الصورة دى . صور وصوت البحر صور وصوت المطر صور وصوت الاطفال الصغيرين صور وصوت الطيور صورة الكعبة وصوت القرآن مع الوقت هيحصل ازاحة للصور السيئة بالصور الجديدة وصوت الفطرة والطبيعة ده طبعا مش هيتحقق الا بانك توقف دخول اى صور جديدة ...يعنى بتوقف المشاهدة نهائى ....عارفه ان فى انتكاسات لكن حاول ان لو حصل انتكاسه انها متكونش ايام ...وتبقي مجرد ساعه او يوم وترجع للطريق تانى باذن الله.
تم النشر السبت، ١٨ فبراير ٢٠٢٣
اول حاجه امنع اي محتوى يغذيها يعني افلام قصص امنع اي حاجه من دي والافكار عموما بنتعامل معاها بطريقتين انك تواجههم وده انك تخاطب عقلك انا مش عايز افكر فيكي لانك فكره سيئه وانا قدرت اتوقف عنك سبع ايام ف اقدر اتوقف عنك اكتر كمان ده مش وقتك في وقت الحجات دي فيه حلال لما اتجوز وده مش وقتك خالص وقتي لحجات تانيه زي صحابي زي مستقبلي زي اهلي والرياضه والعبادات دي انت بتناقش الفكره ف دماغك عشان تساعدك انك تقاوم بعد كده التخيلات جات تاني ابدأ شتتها ازاي؟ بأنك تخلي مسبحه ف ايدك اول متجيلك التخيلات تبدأ تسبح ١٠٠ مره جات تاني تستغفر ١٠٠مره وهكذا او انك تشتتها بدندنه نغمه بتحبها او انك تكلم حد من صحابك ف اي نوضوع او انك تعمل رياضه ١٠ ضغط مثلا وع الجانب الاخر الرياضه خليعا اساسيه ف يومك وخلي يومك فيه مهام وانشطه كتير انشطه علميه وعمليه ورياضيه ودينيه وترفيهيه نوع بينهم طول اليوم والاهم علاقتك بربنا خليها قوي لان ربنا بيحفظك ويحميك من اي حاجه غلط ممكن تحصل
تم النشر السبت، ١٨ فبراير ٢٠٢٣
اعمل ارتباط شرطي .. كل اما تفكر في حاجه ه زي دي افتكر فوراً ان فيه ملائكة حفظة واقفين معاك طول الوقت بيكتبوا كل شيء ، او افتكر دايما ان ربنا شايفك طول الوقت ، او لما تفكر في افكار زي دي صلي علي سيدنا محمد عشر مرات او استغفر رينا عشر مرات ، بالطريقة دي كل اما هتلاقي نفسك سرحت و بتفكر في اي فكرة مش تمام هتبقي مضطر تصلي الي النبي غشر مرات و الصلاة علي النبي او الاستغفار هيجنبك التفكير في الموضوع ده لانك لازم تستحي انك تفكر في افكار جنسية و انت بتصلي علي النبي و تستغفر .
تم النشر السبت، ١٨ فبراير ٢٠٢٣
اتبع وصية النبي صلى الله عليه وسلم وصم يومين في الأسبوع الا ان تنفرج عنك الكربة
تم النشر الأحد، ١٩ فبراير ٢٠٢٣
لعرض السؤال في فدني اضغط هنا