أنا كنت عامل عملية استئصال للخصيه اليمني عشان كان فيها ورم وأنا خاطب أعرف خطيبتي ولا لأ وكنت عامل تحليل سائل منوي وطلع تمام بس عملتت تحليل هرمونات طلع عندي نسبة عالية من هرمون البرولاكتين 15,9فهل كدا في ضرر علي العلاقة الزوجية
افضل شيء انك تاخدها للدكتور اللي انت عملت عنده العمليه وتعترف لها بالموضوع ده هناك والدكتور يحاول يوضحها لها مدى خطوره الموضوع هل هو خطر فعلا ولا هو امر طبيعي وهي ليها كامل الحريه انها تكمل او لا وما تلومهاش لو رفضت لانها اكيد لازم تخاف على نفسها هي هتعيش مع مين وهل الموضوع ده هيعود عليها بالضرر ولا لا بس اعتقد ان الموضوع هيتحل بكل بساطه ان استئصال الخصيه لا يضر ابدا ابدا ابدا في اي شيء سواء العلاقه او الانجاب
تم النشر الأربعاء، ٣١ يناير ٢٠٢٤
والله يا صاحبي انا شايف لازم تقولها وقبل ما تقولها تسأل دكتور تشوف الموضوع دا هيأثر ولا لأ وادعي ربنا وان شاء الله لو فيه خير ربنا يتمم علي خير
تم النشر الاثنين، ٢٩ يناير ٢٠٢٤
اه المفروض تقولها .. وطبعا موضوع زيادة الهرمون ده، لازم تستشير فيه الطبيب المعالج وهو طبعا اللي هيقولك اذا كان الموضوع ده هيأثر فيما بعد او لا .. وايه هو حجم التأثير.
تم النشر الاثنين، ٢٩ يناير ٢٠٢٤
محتاج تسأل طبيب الاول ، واذا كان فيه ضرر للعلاقة الزوجية او ضرر في الانجاب او اي شئ ممكن يؤثر على حياتك بعد الزواج او يأثر عليها ، فالمفروض تقولها على الحاجة دي قبل الزواج ، ولكن لو سألت الطبيب وطلع مفيش اي ضرر تماماً ولا أي حاجه ، فممكن تقولها وممكن لا ،زي م انت عاوز ، بس دا لو مفيش ضرر ، انما لو فيه ضرر لازم تعرفها قبل الزواج.. ، وربنا يتمم لك بخير ويبارك فيكم ويبارك عليكم
تم النشر الاثنين، ٢٩ يناير ٢٠٢٤
من حقها تعرف ولازم تقول ده للي حترتبط بيها وتروح معاك للدكتور لتتفهم الوضع..لو بتحبك..اكيد ختقدر ده..ومن حقها القرار
تم النشر الأربعاء، ٣١ يناير ٢٠٢٤
لعرض السؤال في فدني اضغط هنا