السلام عليكم انا بنت عندي 22 سنه عايزه استشيركم في حاجه هقول لكم باختصار انا عندي صديق كان معايا في ابتدائي واحنا صغيرين يعني وكنت يعني وانا صغيره زي ما يكون كده بكراش عليه حاجات اطفال وكده يعني كان بيطلع الاول على المدرسه حافظ قران مشهور فكده يعني فايه المهم ان احنا انا دلوقتي في رابعه في سنه اولى بعت له ادد على الفيس وتكلمنا وافتكرني وكده وكنا بنتكلم كاصدقاء في قمه الاحترام لان هو محترم جدا ومتدين وبعدين انا اتخطبت في سنه اولى ورجعت فسخت وهو كان بيلمح لي فتره ان هو يعني معجب بيه وبعدين نوقف الكلام دوت وقفنا نتكلم اصلا عشان انا اتخطبت وكده وبعدين لما فسخنا قال لي كنا بنتكلمش اصلا يعتبر الفتره دي بقى زودنا كلام لما بقينا في رابعه اهو وهو في صيدله فاضل له سنتين وجيش وحاسس ان هو وراه وقت لحد ما يقرر ان هو يخطب وكده بس يعني هو قال لي ان هو ممكن لو حب بنت قوي يقرر ان هو يغير رايه علشانها وحارب عشانها المهم ان انا بكرش عليه ايوه احنا ما تقابلناش خالص من ساعه ما كبرنا يعني اخر مره حرفيا وتقابلنا فيها كنا في ابتدائي وحاسه ان هو كمان بيكراش عليا يعني هو محترم ومش بيبين قوي ولا بيقول كلام يدل على كده لكن ساعات بحس ان هو بيرد عليا بيمدحني كثير قوي وانا بصراحه يعني معجبه بشخصيته وبتفكيره وباحترامه هو ما شاء الله حافظ قران وفي صيدله وكده المهم ان احنا كده مره نتفق ان احنا نتقابل في مجمع الكليات عادي لكن كل ما بنتفق المقابله بتبوظ بسبب ظروف عنده او عندي وبعد كده جاء لنا زي حاله من فقدان شغف ان احنا نتقابل وخلاص ما بقيناش بنتكلم في الموضوع ده بس بجد انا نفسي ان احنا نتقابل ونتعرف على بعض اكثر انا بصلي استخاره كذا يعني بصلي ربنا كذا مره استخاره لو هو نصيبي وكده خلينا نتقابل حتى لو صدفه احنا لسه ما تقابلنيش ساعات بحسه ان ربنا ماجل الموضوع وصحيت بحسه انه لا مش نصيبي وساعات بحسه ونصيبي المهم يعني ان انا كنت بشوف ساعات الفيديوهات اني وانت ممكن تعملي خطه لواحد علشان مش يعجب بيا بس خطه يعني اللي هي شوف اللي هو مثلا اكتب ان انا تعبانه اشوف هو هيجي لي او اعرف هو مهتم بيا ولا لا الكلام اللي بيعملوه ده والخطه دي هتبين اذا كان هو فعلا معجب بيا وعايزها مني ولا لا وهتخلينا نتقابل وكده بس ما اعرفش ليه ساعات بحس انه حرام اعمل كده اللي هو لو هو نصيبي خلاص ربنا هو اللي يقول هو نصيبي ولا لا مش انا اللي اعمل خطه واخليه نصيبي او مش نصيبي مش عارفه انا بفكر صح ولا غلط فانتم رايكم ايه فانتم رايكم ايه هل اعمل خطه واشوف هيهتم بيا وهيخاف عليا ويقرر يقابلني وزي ما بيقولوا اوقعه في حبي ولا اسيبها على ربنا هو انا في الحالتين سايباها على ربنا بس بقول يعني اجرب يمكن فاعمل ايه
بصي حبيبتي اكتر حاجة تخلي اي حد يحبك انك تكوني علي طبيعتك وبتحبيها ومتشغليش نفسك هو من نصيبك أو لا خلي الدنيا تمشي زي ما هي ده غير أن موضوع الصداقة بين الولد والبنت حرام
تم النشر السبت، ١٣ أبريل ٢٠٢٤
دايما يا حببتي لازم تكوني انتي من جوه قلبك متكونش حد تاني علشان حد يحبك
تم النشر الاثنين، ١٥ أبريل ٢٠٢٤
ارجوكي كوني علي طبيعتك متتصنعيش عشان حد كوني دايما انتي
تم النشر الاثنين، ١٥ أبريل ٢٠٢٤
حرام يجميل كل اللي حصل ده حرام ممكن لو بتحبي اوي تقوليلوا وتبطلي تكلمي وهو لو بيحبك او عاوزك هيجي يخطبك
تم النشر الأحد، ١٤ أبريل ٢٠٢٤
وعليكم السلام ورحمه الله وبركاته. طيب انت بتتكلمي على النصيب النصيب هو احنا بنقولها الكلمه عاميه ولكن المقصود بها هو القدر اللي ربنا كتبه فتفتكري خططنا هيكون لها علاقه بالقدر اللي ربنا كاتبه يعني احنا نقدر ان احنا اللي نرسم الخطه اللي هي اصلا مكتوبه بصراحه لا يعني هو يعني اكيد فهمتي من كلامي ان هو لا فالنصيب وقدر خططنا مش هتغير فيه حاجه ده مبدئي لكن هو في حاجه هي اللي بتغير الدعاء طيب لما في حد بيعجب حد ويدعي ربنا به برضو مش دي من الحاجات المحببه ولا اللي بينصح بها اهل العلم ان احنا ندعي بشخص معين لان احنا مانعرفش اذا كان الشخص ده فيه خير لينا ولا لا ممكن كويس جدا ما شافوش خير لنا عادي فحتى لو شخص معين مش بندعي به اللي هي دي الحاجه الوحيده فعلا تبقى خطه وممكن تغير القدر او النصيب. فان كان يعني الافكار بتاعت ان الواحد ازاي يتاكد ان حد معجب بيه او بيحبه او الكلام ده كله مش هتغير حاجه. طيب انا ليه مجهود في حاجه هي مش هتغير حاجه في الواقع يعني هي مش هتعمل لي حاجه غير انها هتزود عندي حاله معينه والله انا اتاكدت من الحركه اللي انا عملتها ان هو معجب بك عندي حاله الشغف تجاه الشخص ده وانا كده كده محبوسه اصلا في الحاله دي ولانه ما فيش خطوات هتتعمل تقربني للشخص خطوات صح؟ طيب لا عملت الحركه واثبتت لي ان هو مش معجب به فهخش اتسجن بحاله تانيه اللي هو ياه وازاي انا كنت واهمه نفسي طب في الحالتين انت هتبتدي في حاله ملهاش لازمه ايه بقى الحاله الافضل ان انا يعني اشوف كل الكلام ده مجرد بوادر لحاجه ممكن تكون كويسه شخص كويس اذا قدر الله وفعلا كانت فيه نصيب فبعد السنه والسنتين او الثلاثه لو الشخص عايزني هيجيلك هيجي لي بيت اهلي وهيبقى الحاجه اللي هو بيقولها لي انا عايزاك تقدم لك وهتكون دي اكبر اثبات وبدون خطط وبدون حركات وبدون اي حاجه خالص تثبت لك ان الشخص ده شخص كويس وان شاء الله يكون نصيبك انه ان شاء الله يكون خير لك لان هيكون ربنا ييسر الامور ان هو يكون من
تم النشر السبت، ١٣ أبريل ٢٠٢٤
من قلبي بقولك بلاش تاخدى اي خطوات من جهتك لانها مش بس مش هتكون في صالحك انما هتبقى ضاره ليكي بمعنى متقابلهوش يا غاليه حتى لو هو اللى اصر وهيموت يقابلك انتى دوسي على قلبك وقولي لنفسك لأ لو شايف فيكي الصفات والحجات اللى بيتمناها في زوجته فهو نفسه قالك ممكن يغير خططه عشانها فليه لحد دلوقت مغيرش خطته ولا اخد خطوه تجاهك ولا صارحك حتى وكمان صفه جميله وغاليه انه يكون حافظ للقرآن بس الاغلى والاجمل انه يعمل بيه انا مش بقول انه وحش لا خالص بس كمان الصفات اللى قلتيها عنه مش مقياس انه هو الانفع والافضل ليكي ولا انه هيبقى زوج صالح ومربي وله قوامه وغيره انتى اختى في الله عشان كده فكرى وراجعي نفسك اكتر وتانى وتالت ورابع واسالي نفسك هل انا كده بعمل في حياتى الصح ؟ ومعلومه الاستخاره مينفعش تبقى في حاجه امرها باين بمعنى مينفعش اصلي استخاره اشرب سجاره او خمره مثلا ولا لا لان دول حكمهم واضح انه لا وحرام فبستخير ازاى يعنى ما ربنا قالنا حكمهم وحكم الشئ ده فانتى بتستخيري تقابليه ولا لا؟ انتى برايك ايه مثلا ؟ وما بني على حرام فهو.....حرام وبتضيع بركة الحاجه وجمال الحاجه لما بتيجي مش بطريقتها الصح
تم النشر السبت، ١٣ أبريل ٢٠٢٤
ركزي في دراستك يا حبييتي وشيليه من دماغك وبطلي تكلميه ما حدش بيأخذ رزق أحد لو مكتوب لك تتزوجيه هتتزوجيه ولو عايشة تحت الأرض ولو مش مكتوب مش هتتزوجيه ولو كل الظروف معكم فأنتِ ادخلي قولي له أنا عرفت أن كدا حرام وما ينفعش تمدحني لأنك أجنبي عني لو هو ما يعرفش أن دا حرام عرفيه وبطلوا تتكلموا وهو لو عاوزك ييجي يقول لك هاتي رقم بابا آجي أتقدم لك بعد ما يكون عرف أن دا حرام مش عشان أنتِ مش حابة كدا مافيش حاجة اسمها بنتكلم باحترام يا حبيبتي ما تخليش أحد يصحك على قلبك ولو فيه الخير لكِ ربنا يجعله من نصيبك
تم النشر السبت، ١٣ أبريل ٢٠٢٤
تعليقاتكم جميلة ..ربنا ينفع بيكم
تم النشر السبت، ١٣ أبريل ٢٠٢٤
شيلي الموضوع من دماغك واقطعي التواصل معاه احمدي ربنا ان ربنا بيعقد الأمور علشان متتقابلوش وخليكي متأكدة حتى لو الشخص كان محترم ومجرد ما يحس إنك متساهلة معاه متتخيليش هتنزلي من نظره ازاي سيبيه لله ولو ربنا كاتبهولك هييجي في الحلال
تم النشر السبت، ١٣ أبريل ٢٠٢٤
السلام عليكم ورحمة الله وبركاته اسأل الله لك زوجا صالحا نقيا تقيا وان يرضيك كلامك صريح وواضح ودا جميل انك تكوني واضحه مع نفسك وتعليق الأخوات اللهم بارك بجد استفدت منه ولو كنت هزود فمش هيكون غير من تجربه حقيقه شفتها . اولا نقطه انو محترم وملتزم لو حافظ قرآن حفظ القرآن والصلاه مش عصمه له من الغلط والحرام حتي الإمام بيخطأ فمش اله يعني مش بيغلي اذا كان الراهب زني وقتل وكفر بالله ومات ساجد للشيطان كل دا من غلطه واحده انو دخل اجنبيه عنده ودا بسبب جهلنا بالشريعة فما زال شاب عادي ركزي في دينك ابدا اتعلمي عن ربنا واقراى عن القدر والدار الاخره إقرار عن السلف الناس دا مكنتش فاضيه للدلع صدقني كل اللى انت بتقوليه والكارزما هتروح بعد الزواج لان الزواج مش مجرد شخواحد وواحده ده بيت وماني فأتعلمي أكثر الحاجه التانيه ربنا مقدرش لليكم لقاء لعل في منكم خير في قلوبكم فربنا بحفظه عارفه لما واحد بيحاول يعمل حراام فربنا يحميه لان الغلط دا هيوده لغلط اكبر ودا اللى حصل معاك احسبك واحسبه على خير وان كان ورد خطأ الرسول مكنش بيسمع معازف فى مره كان هيسمع راح نام في الوقت اللى اتفقوا عليه مش فاكره تفاصيل القصه بس ربنا حفظه لولا اسم الله الحفيظ كلنا كنا ضعنا فالواحد من القصه متقاوحيش لما تلاقي باب اتسد في وشك ده مش رزقك وحتي لو رزقك وقته لسه مجاش والقصه اللى اعرفها اخت كانت ملتزمه احسبها على خير اتعرفت على زميل في العمل وراسلها وقتها قلت لها متكتليش واقطعي معاه ولو نصيبك هيرجع وفعلا رجه بعد مده وحاليا متزوجين بس بعد طريق من المعافره فصدقني لو الشخص دا زوجك المكتوب هتاخديه ولو مش هو لو عملته سحر مش هتاخديه لو ربنا مكتبش ده واتذكر قصه لسيده أعجبت بشاب وعملت له سحر واتزوجته حصلت مشاكل فبعدها استشارت حد من العلماء والدين انو هي لو معلمتش السحر مكنتش هتتزوجه قالها دا زوجك المكتوب بس انت اختارت الطريق الأسرع رزقك مكتوب ودا ثابت عن حديث عن الرسول فمتحاوليش بس الفكره انو نفس الرزق ليه طريقين طريق حرام وطريق حلال بس النتيجه واحده انصحك بسماع سلسله معوقات الطريق إلى الله لعلاء حامد كان بيحكي في دروس عن هذا الموضوع وجزاك الله خير واسأل الله ان يرزقك بمن يكرمك
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا