السلام عليكم اولا
أنا بحس دايماً اني تايهه ومعنديش هدف في حياتي أنا آخر سنه في حياتي الجامعيه وخايفه جدا من الحياة بعد التخرج حتى معملتش صحاب ولا حاسة اني استفدت من دراستي في حاجة ازاي اتخلص من الإحساس دا ؟
السلام عليكم ورحمه الله وبركاته نتخلص ازاي من الاحساس ده نتخلص منه بان احنا نسيب كل اللي فات خلاص ده فات وخلص وايامه عدت ونخلينا في النهارده ايه اللي احنا محتاجين نعمله النهارده مش هنعرف ايه اللي احنا محتاجين نعمله النهارده الا لما نعرف احنا عايزين نوصل لايه أصلا يعني انا اهدافي ايه ما ينفعش اهدافي تكون عامه ما ينفعش تكون زي كل الناس ما ينفعش يكون اهدافي اللي هي لكل المجتمع بيتكلم عنها اللي هو اكيد يعني طالما اتخرجت يبقى هحتاج اشتغل تمام دي اسمها اهداف اجتماعيه عامه يعني تطورات كل الناس بتقولها لكن مش ضروري تكون هي دي اهداف كل الاشخاص انا ممكن اكون بعد التخرج لا عامل حسابي واهدافي اني اخذ مثلا درجه علميه زيادة او اني اروح اتعلم حاجه مختلفه خالص عنها درسته في الكليه او اني هبدأ في شغل من نوعيه ملهاش علاقات بكليتي او لا ده انا هبدأ في شغل او هدور على حاجه ليها علاقات كليتي يعني كل واحد بيكون له هدف خاص بيه ويكون له اسباب فانا هاحط الهدف لنفسي عشان اشوف انا محتاج اعمل ايه النهارده ومسأله بقى الصحابه على فكره مسأله صحاب الجامعه دي يعني مش مش قصه يعني ضروريه كده خالص إن أنا اعمل صحاب الموضوع لا هو مرتبط بمرحله دراسيه معينه ولا هو مرتبط بمرحلة معينة في الحياة انا ممكن بعد ما أخلص جامعه وبعد ما اشتغل اعمل صحاب حقيقيين وممكن اعمل صحاب حقيقيين من اول الابتدائي وممكن وممكن وممكن الاحتمالات كثير فالموضوع مش متوقف هنا خالص اللي عدى عدى خلينا في النهارده هنعرف نرتب النهارده لما نبقى باصين على بكره وعارفين عاوزين نوصل فيه لإيه ان شاء الله.
تم النشر الثلاثاء، ١٨ مارس ٢٠٢٥
وعليكم السلام ورحمة الله وبركاته، أشكرك على مشاركتك مشاعرك ومخاوفك. من الطبيعي جداً أن تشعر بالتوتر والقلق في هذه المرحلة من حياتك، فهي فترة انتقالية مهمة. إليك بعض الخطوات التي قد تساعدك في التغلب على هذا الإحساس: تحديد الأهداف : حاولي أخذ بعض الوقت لتحديد ما تريدين تحقيقه بعد التخرج. يمكنك كتابة قائمة بأهدافك القصيرة والطويلة الأمد، فهذا سيساعدك في رؤية مستقبل أكثر وضوحاً. استكشاف اهتماماتك : حاولي التفكير في مجالات تحبينها أو تثير شغفك، حتى لو كانت بعيدة عن مجالك الدراسي. قد يساعدك ذلك في اكتشاف مهارات جديدة أو حتى خيارات مهنية. التواصل مع الآخرين : حتى وإن لم تكوني قد كونت صداقات قوية في الجامعة، يمكنك بداية التعرف على زملائك وفتح حوارات معهم. قد تجدين أن الكثير منهم يواجهون نفس المخاوف. التوجيه والمشورة : لا تترددي في البحث عن مشورة من قد تكون لهم خبرة في مجال عملك المحتمل بعد التخرج. هذا يمكن أن يعطيك رؤية أوسع حول الفرص المتاحة. الاعتناء بنفسك : الحفاظ على نمط حياة صحي يمكن أن يؤثر إيجابياً على مشاعرك. حاولي ممارسة النشاط البدني وتناول الطعام الصحي. تذكري أن هذه المشاعر طبيعية وأن الكثير من الأشخاص يمرون بمثلها. كوني صبورة مع نفسك وحاولي اتخاذ خطوات صغيرة ولكن فعالة نحو الأفضل. الله يوفقك في مابعد التخرج وييسر لك الأمور.
تم النشر الاثنين، ١٧ مارس ٢٠٢٥
شوفى هقولك على حاجه واحده بس هتخليكى مرتاحة ومتقلقيش من اى حاجه بعد كده طالما انتى جيتى الدنيا دى ثقى تماما إن حياتك كلها مكتوبة عند ربنا بكامل خطوتها وطريقك كله مرسوم وأنتى بتنفذى بس رزقك واجلك وحياتك كله خلاص فى اللوح المحفوظ متسجل عيشي حياتك واطمنى إن انسب وأحسن وافضل طريق هو اللى ربنا كاتبه ليكى حتى لو كان قدامك صعب أو سيء خالص تحياتي 🌸 🌸
تم النشر الاثنين، ١٧ مارس ٢٠٢٥
الصحاب هتلاقيهم جمبك يوم ماتتوفقى فى حياتك وتنجحى وممكن تكون الشخصيات مش متقاربة فقولى الحمد لله حتى لو عندك صديقة واحدة لان كل واحد مندمج فى حياته وانتى مش تشبهى ليهم وماتخافيش من بعد كدة انتى تشوفى مكان تتوظفى فيه وتنجحى وهتلاقى صحاب وكل حاجة كويسة بجد المهم انك تحطى هدف
تم النشر الاثنين، ١٧ مارس ٢٠٢٥
بصى يا مريم .. انصحك بالركون إلى الله بالتوكل عليه .. لكى تختلطى بالمجتمع عليك أن تبنى درع حماية وهذا الدرع لن يمنحك إياه الا الله من خلال المحافظة على صلواتك والاذكار والدعاء والانس بالله .. هذا درع شديد الوقاية من كل ذى شر ظاهر أو باطن بإذن الله .. من هنا يبدأ الطريق وسيلهمك الله الرشد بإذن الله ... هذه نصيحة عن تجربة حية لأشخاص وجدوا ملاذهم الآمن مع الله بعد رحلة طويله .من المعاناه .. حفظك الله وكل بنات المسلمين
تم النشر الاثنين، ١٧ مارس ٢٠٢٥
اعمل اللي عليك ومتعولش هم المستقبل لانه في يد الله وحاول تدرب نفسك وتشغلها جدا وخد كورسات وطور من نفسك اتعلم لغات جديدة والبرمجة خد الحياة واحدة واحدة اعمل اللي بتحبه ودايما رينا هيكافئك لان الخوف ممنوش فايدة وهيمنعك من تحقيق اي نجاح هيخليك متاخر جدا ودايما اسعي وربنا هيكمل طريقك بالخير والنجاح.
تم النشر السبت، ٢٢ مارس ٢٠٢٥
صلي على النبي كتير جدا بنية تفريج همك
تم النشر الثلاثاء، ١٨ مارس ٢٠٢٥
متخافيش لسه الايام الكويسه هتيجي وربنا هيكرمك فحياتك باذن الله
تم النشر الثلاثاء، ١٨ مارس ٢٠٢٥
وعليكم السلام ورحمة الله وبركاته مش، هتعملي حاجه غير انك ترتبي افكارك وانتي حابة تشتغلي اي وتتوكلي علي الله يعني لو مجالك مش عاجبك شوفي اي مجال من الانترنت واشتغلي علي نفسك فيه وكده هيبقي عندك هدف اما الصحاب فهتلقيهم وتكتسبيهم بنفسك بس ابقي شوفي اي مواصفات الشخص اللي تحبي يكون صديقك الاول عشان مترجعيش تندمي علي الصداقة
تم النشر الثلاثاء، ١٨ مارس ٢٠٢٥
احمدى ربك انك بنت ومسيرك مسؤوله من زوج ، انا فى نفس شعورك وشب يعنى مشكلتى اضخم ربنا ييسر لك وييسرلى الامور
تم النشر السبت، ٢٢ مارس ٢٠٢٥
من الطبيعي جدا في نهاية المرحله الجامعيه الشعور بالقلق من المستقبل لكن لازم تحدد هدفك ومجال تشتغل فيه وتبدأ تنمي نفسك وتشتغل عليها وتتبع الخطوات اللي توصلك لهدفك ووقتك اللي هتشغله في تحقيقه هدفك هتكون فيه مركز مش محتاج صحاب
تم النشر السبت، ٢٢ مارس ٢٠٢٥
كليتك تخصص اي يمكن عشان اخترتي تخصص مش حباه ؟
تم النشر السبت، ٢٢ مارس ٢٠٢٥
اللي رزقك انهارده وامبارح هيرزقك بكره وبعده
تم النشر الخميس، ٢٠ مارس ٢٠٢٥
توكلي على الله وصلي
تم النشر الثلاثاء، ١٨ مارس ٢٠٢٥
يبنتي شايله الهم لي بس م،ڪلنا بنمر بظروف وحشه بس ڪل واحد فينا بيتختلف ع التاني ممكن تحكيلي اي حساس حاسه بيي اساعدك
تم النشر الاثنين، ١٧ مارس ٢٠٢٥
لعرض السؤال في فدني اضغط هنا