ياريت مدرس او اي حد عنده معلومه أكيده يفيدني انا طالب تالته ثانوي وهعيد السنه وناجح في مادتين الفيزياء والفرنساوي بدرجات الرأفه والوزير نزل قرار إن الفرنساوي هيتحول لماده لا تضاف للمجموع وأنا كنت هشيل درجات الرأفه منها دلوقتي أنا مش عارف هل هتتحسب ليا ماده اساسيه زي السنه اللي فاتت ولا هتتحسب ماده غير مضافه للمجوع فماشلش منها درجات الرأفه ياريت حد يفيدني لإن موقع التظلم هيقفل وأنا تايه جدا.
بص يا صديقي امتحانك زي 2024 مجموعك 410 في النظام القديم يعني مش هتتلغي فما تقلق ان شاء الله خير
تم النشر الخميس، ١٥ أغسطس ٢٠٢٤
زي ما استاذ سلمان وضح لك كده التعامل بيكون مع اي حد كان على النظام القديم بيفضل على حسابات النظام القديم بتاعه واللي بيتعامل بالقرارات الجديده هو اللي لسه بادئ السنه من اول وجديد فده دايما في اي قرار بينزل في اي تجديد او تغيير فما تقلقش ان شاء الله.
تم النشر الخميس، ١٥ أغسطس ٢٠٢٤
أهلا بيك! بص، بالنسبة لمادة الفرنسي، من الواضح إن القرار الجديد يعني إن المادة مش هتضاف للمجموع. يعني لو هتنجح في المادة دي، مش هيأثر على مجموعك النهائي. لكن بالنسبة لدرجات الرأفة، الأفضل إنك تراجع وزارة التربية والتعليم أو الإدارة التعليمية عندكم عشان تأكد من التفاصيل. مش عايزك تتوه أو تضيع فرصة التظلم لو عندك حق. حاول تكلم حد من الإدارة أو أستاذك، هم هيكونوا أقدر على مساعدتك في الموقف ده. _ركز على المواد الأساسية اللي هتحتاجها في امتحانات السنة الجاية، وحاول تخطط لدراستك بطريقة مرتبة. لو محتاج نصيحة عن المذاكرة أو إدارة الوقت، أنا هنا!
تم النشر الأربعاء، ١٤ أغسطس ٢٠٢٤
انا لسه شايفة على الفيس مدرسين رادين على أسئلة وقالو ان انتو تبع النظام القديم كمواد ومجموع
تم النشر الجمعة، ١٦ أغسطس ٢٠٢٤
نزل سؤالك في جروب qs
تم النشر الجمعة، ١٦ أغسطس ٢٠٢٤
اعتقد انو لا هتبق علي النظام القديم مش الجديد
تم النشر الجمعة، ١٦ أغسطس ٢٠٢٤
هوا انا ماعنديش معلومه اكيده بس انت ممكن تنزل سؤالك فيس هيترد عليه ويجيب ريتش
تم النشر الجمعة، ١٦ أغسطس ٢٠٢٤
لعرض السؤال في فدني اضغط هنا