انا الحمد لله ربنا تاب عليا وبقيت منتظمه في الصلاه وبحفظ قرآن وبقرأ الأذكار وبقوم وبعمل كل حاجه ترضي ربنا بس بقت بتجيلي افكار وحشه وبتحاول تبعدني عن ديني بس بفضل الله كنت بتغلب عليها لكن الفتره دي لما باجي افكر في حاجه بلاقيه محرمه عليا يعني مثلا افكر اني اسافر بلاقي اني حرام اسافر من غير محرم مع اني بقنع نفسي انوا ربنا قال كدا خوفا وحمايه علي بنات ونساء المسلمين ومثلا دي آخر جمعه في شهر شعبان لقيتهم بيقولولي في البيت أن دي آخر جمعه هنروح نزور المقابر ومعانا لبعد رمضان فلما بسأل ليه مينفعش نروح في رمضان لقيتهم بيقولولي النساء حرام تروح في رمضان وكذا حاجه ذي دي فأنا لما باقي اصلي ببقي عايزه ادعي واقول ليه ياربي خلقتني بنت مش ولد وليه كل حاجه حرام مع اني عارفه الجواب واكيد في أسباب مقنعه بس انا مش قادره اقبل الأسباب دي وانا حاسه اني بقيت بعترض علي ديني واستغفر الله العظيم والأفكار دي مش راضيه تسيبني لو حد عندو جواب ارجو انو يفدني لاني مش عايزه ابعد عن ربي او اعمل حاجه تغضبو
أول حاجة لازم تعرفيها أن ربنا أحكم الحاكمين يعني لما ربنا يقول علي ده حرام او حلال فأحنا علينا نطيع ربنا في الأمر ده من غير ما نسئل فيه هوه عارف مصلحتنا فين فأحنا بنستسلم لأمر ربنا عشان كده اسمنا مسلمين يعني مستسلمين لأمر ربنا سيدنا ابراهيم لما ساب سيدة هاجر في وسط صحراء كان من أمر ربنا ومسألش ايه الحكمة ولما سيدنا ابراهيم لما أُمر بذبح ابنه إسماعيل ،،ده سيدنا نوح لما لمح بس لربنا وقال وَنَادَىٰ نُوحٌ رَّبَّهُ فَقَالَ رَبِّ إِنَّ ابْنِي مِنْ أَهْلِي وَإِنَّ وَعْدَكَ الْحَقُّ وَأَنتَ أَحْكَمُ الْحَاكِمِينَ بيلمح علي الحكمة كأنه بيسأل ربنا عاتبه وقال قَالَ يَا نُوحُ إِنَّهُ لَيْسَ مِنْ أَهْلِكَ ۖ إِنَّهُ عَمَلٌ غَيْرُ صَالِحٍ ۖ فَلَا تَسْأَلْنِ مَا لَيْسَ لَكَ بِهِ عِلْمٌ ۖ إِنِّي أَعِظُكَ أَن تَكُونَ مِنَ الْجَاهِلِينَ فأحنا لينا مولي وهوه الله عز وجل مستسلمين لأمره اي حاجة حرام مفروض منعملهاش مش هنعملها اي حاجة فرض مفروض نعملها هنعملها من غير ما نسئل ممكن تسمعي دروس عن سير نبوية زي سيدنا ابراهيم مثلا هتفهمي اقصد ايه اكتر
تم النشر الجمعة، ٥ أبريل ٢٠٢٤
ومين قال ان فى مشكلة من الافكار الافكار والاسئلة مش حرام ...انك تروحى ورا الافكار بدون بحث وتأكيد هو اللى حرام وغلط حتى لو كلمتى ربنا وقولتى ليه ..ربنا مش هينكر عليكى الاسئلة ولا هينزل عليكى عقاب عشان سألتى ....الانبياء كان بيبقى نازلهم وحى وكانوا بيسألوا ويطلبوا تأكيدات كمان فانتى لما تلاقى الاسئلة لسه عندك رغم ان عندك اجابه ..روحى ابحثى عن عمق اخر للاجابة وادعى ربنا انه يلهمك الاجابه اللى تطمن قلبك وتغلبى بيها شيطانك التفكر عبادة مهمة جدا جدا ..ولولا ان سيدنا ابراهيم كان بيتفكر فى الكواكب والشمس لولا انه تأكد ان دول مينفعوش يكونوا الهه بلاش تأنبى نفسك على مجرد ان فى اسئلة وانوى عبادة التفكر فى البحث عن اجابات الاسئلة
تم النشر الأحد، ١٠ مارس ٢٠٢٤
اولا انك تحاربي افكارك فهذا يعتبر جهاد النفس اجر جهاد النفس اجر عظيم وهو الجنه إن شاء الله يقول الله في كتابه العزيز : (وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى* فَإِنَّ الْجَنَّةَ هِيَ الْمَأْوَى). خوفك من ربك ومحاربتك لافكارك فهذا يدل علي إن ايمانك قوي واسال الله ان يثبتك ويثبتنا أما عن وجود محرم في السفر فده زي ما سبق قولتي علشان ربنا ليعزز نساء وبنات المسلمين وللحفاظ عليهم من اهل الفجور وليس الغرض من المحرم التضييق عليها ابدا لو فكرنا بس شويه هنلاقي أن ربنا بيحطلنا ظوابط لمصلحتها احنا وبالنسبة لزياره النساء القبور فهذا محرم لأن النساء غالبا ما يكونوا قليلات صبر وقد يحدث صياح وبكاء وقد يحدث أيضا بعض اختلاط بين النساء والرجال وهذا لا يجوز لذلك حرم الله زياده النساءللقبور فانتي حاولي تهذبي نفسك بقراءه القرآن قراءه تفسيره قراءه سيره الرسول والصحابه فيه كتاب حلو اوي اسمه كوني صحابيه إن شاء الله يعجبك وتستفيدي منه اتمني أكون أفدتك وقدرت ارد علي اسالتك
تم النشر الجمعة، ٨ مارس ٢٠٢٤
فقد اختلف أهل العلم في زيارة القبور للنساء، فذهب الجمهور إلى الكراهة واحتجوا بأدلة منها حديث أبي هريرة عند أحمد، قال قال رسول الله صلى الله عليه وسلم: لعن الله زوارات القبور. صححه الألباني. ولأن النساء فيهن رقة قلب وكثرة جزع وقلة احتمال للمصائب، وهذا مظنه لبكائهن ورفع أصواتهن. وذهب الحنفية في الأصح إلى أنه يندب للنساء زيارة القبور كما يندب للرجال، لقول النبي صلى الله عليه وسلم: كنت نهيتكم عن زيارة القبور فزوروها فإنها تذكر بالآخرة. رواه مسلم عن بريدة، قال الخير الرملي: إن كان ذلك لتجدد الحزن والبكاء وما جرت به عادتهن فلا تجوز، وعليه حمل حديث: لعن الله زوارت القبور. وإن كان للاعتبار والترحم من غير بكاء فلا بأس. اهـ. راجع الموسوعة الفقهية. وذهب الإمام أحمد في رواية عنه حكاها ابن قدامة إلى عدم الكراهة لعموم حديث ثوبان السابق، وهو وجه عند الشافعية حكاه الروياني في البحر وصححه. إذا أمن الافتتان كما في المجموع للنووي، والقول بعدم الكراهة هو الراجح إن شاء الله لحديث ثوبان ( فزوروها ) فإنه خطاب يعم الرجال والنساء لتساويهم في علة الزيارة وهو تذكر الآخرة. ولما أخرجه الأثرم والحاكم عن عبد الله بن أبي ملكية أن عائشة أقبلت ذات يوم من المقابر فقلت لها يا أم المؤمنين من أين أقبلت؟ قالت: من قبر أخي عبد الرحمن بن أبي بكر، فقلت لها: أليس كان رسول الله صلى الله عليه وسلم نهى عن زيارة القبور. قالت: نعم. ثم أمر بزيارتها. صححه العراقي والألباني في الإرواء. ولحديث عائشة عن مسلم أنها قالت يا رسول الله: كيف أقول إذا زرت المقابر، قال:قولي السلام على أهل الديار من المؤمنين والمسلمين ويرحم الله المستقدمين منا والمستأخرين. وأما حديث لعن الله زوارات القبور. فتوجيهه كما قال القرطبي: اللعن المذكور في الحديث إنما هو للمكثرات من الزيارة لما تقتضيه الصيغة من المبالغة. اهـ.أما زيارة القبور للفتيات فلا يختلف حكمهن عن العجائز لعموم أدلة الجواز ولأن عائشة كانت تزور البقيع وقد مات النبي صلى الله عليه وسلم وهي في شرخ الشباب. وفرق الرملي وابن عابدين من الحنفية بين الشواب والعجائز وكذلك صاحب المستظهري من الشافعية أباح الزيارة للعجوز التي لا تشتهى وكرهها للشواب قال النووي: وهو جمع حسن. أما الحائض والجنب فلا يختلف حكمهما عن غيرهما في شأن زيارة القبور لعدم ورود دليل للتفرقة. والله أعلم
تم النشر الخميس، ٧ مارس ٢٠٢٤
يعني أنا هقولك مثل تاني انتي شايفه معظم الرجال دلوقت ومش هقول الرجال هقولك الاولاد بيتمنوا أن ينصرف عليهم فالبيوت بس لولا العيله فحقهم. لأنهم طفشواو من العمل تلاقي معظمهم مش عايز يدور عايز تحيه الحاجه عالجاهز كده يعني زي ممنك بيتسال ليه بقيت كده هما كمان. مفيش حد راضي عن خالو. بس انتي تفكري في خلق الله
تم النشر الجمعة، ٨ مارس ٢٠٢٤
متخكميش بالظاهر. تحكمي بالمضمون. ربك زي مداه اداك. ي انتي كمان. بس انتي حكمي عقلك حبيبتي 🌹🌹🤍
تم النشر الجمعة، ٨ مارس ٢٠٢٤
حبيبتي. متزعليش كده. وافهمي الموضوع صح. يعني مثلا في حكايه مثلا مثلا السفر طيب ماشي اهيمي مقتنعه أن ربك خايف عليكي. بالعكس انتي تفرحي بنفسك لأن ربك زي الاب الحنون باصصلك نظرة رعايه. كانك فرقبه وانا بخصوص أن ليه مخلقتنيش ولد وكده. فالله سبحانه وتعالي لازم هيخلق البنت والولد لعمارة الأرض وكون ربك اداكي خظ الانثي فمش معني كده أن انتي قليله لا ابدا. الولد ثخيح بقوامتو وعضلاته لاكن البنت بالحكمه والذكاء. يعني زي مهو فرد عضلاتو وماشي فالدنيا براحتو. انت كمان ادامي دماغ. تمشي مصالحك حتي لو حد اعترض. انتي مش ملاحظه ان أغلب المتفوقين من البنات ليه بقا. لان اصلا المرأه اداها الذكاء ده. عشان هراعي حياتها وتكون ربه منزل يعتمد عليها صح ولا لاةثم مش ملاحظه ان معلش فدي الكلمه أن أغلب الشباب دلوقت استغفر الله عيزين يبقوا بنات. يعني هما كمان مش رضيين عن وصعهم
تم النشر الجمعة، ٨ مارس ٢٠٢٤
العفو ، ربنا يريح قلبك
تم النشر الخميس، ٧ مارس ٢٠٢٤
ده اللينك و حقيقي بيشرحها بمنتهي الهدوء و بجد حتفيدك جدا
تم النشر الخميس، ٧ مارس ٢٠٢٤
https://youtube.com/playlist?list=PLSSxr3Rf2_X2oKwiy4UhzIdj4ACzB6dee&feature=shared
تم النشر الخميس، ٧ مارس ٢٠٢٤
ربنا يوفقك يارب و يرزقك راحة القلب دائما ، ابدأي في السيرة النهاردة و ان شاء الله مع الوقت قلبك حرتاح بقربك لربنا اكتر و اكتر
تم النشر الخميس، ٧ مارس ٢٠٢٤
نزلي السيرة و اسمع عن تفسير القران و تفسير الايات التي ذكرت بها المرأة و صدقيني مع الوقت حتحمدي ربنا انك بنت
تم النشر الخميس، ٧ مارس ٢٠٢٤
عشان كدا انا بقولك اعرفي دينك صح و انتي حتتقبلي كل شيء
تم النشر الخميس، ٧ مارس ٢٠٢٤
و متعتمديش علي حد في معلومات الدين ، ابحثي بنفسك
تم النشر الخميس، ٧ مارس ٢٠٢٤
صلي و ادعي ربنا ان يريح قلبك و ابدأي اتعلمي الدين و كل حاجه في و اسباب كل شيء
تم النشر الخميس، ٧ مارس ٢٠٢٤
حقولك حاجه واحدة بس اتعملي الدين الصح من الاول و اسمعي السيرة النبوية بتاعه أحمد عامر و تابعي بودكاست وعي و شوفي الدين بجد مش القشور و فقط و صدقيني حتحمدي ربنا انك بنت 💜
تم النشر الخميس، ٧ مارس ٢٠٢٤
شكرا ليكي بس انا اللي مدايقني ان اهلي هما اللي بيصرفوا عليا انا عايزه اردلهم الجميل ده ومش عايزه اتعبهم في مصاريفي وعايزه اعتمد علي نفسي وكنت عايزه اشتغل وانا اصلا عايزه اكمل تعليمي فبيقولوا ماينفعش تشتغلي في سنك ده خلصي تعليمك وادخلي كليه واتوظفي بس انا مش عايزه استني لما ادخل كليه واتوظف كده هما اللي هيصرفوا عليا عقبال ما اخلص وانا مش عايزه ابقي تقيله عليهم في مصاريف المدرسه والدروس
تم النشر الجمعة، ٨ مارس ٢٠٢٤
شكرا ليكي وجزاكي الله خيرا
تم النشر الخميس، ٧ مارس ٢٠٢٤
شكرا ليكي وانا هبحث ان شاء الله وشكرا لأنك ريحتيلي قلبي شويه 😘💖
تم النشر الخميس، ٧ مارس ٢٠٢٤
اوك انا الكلام ده عرفاه بس انا بقالي يومين والأفكار دي مش راضيه تسبني
تم النشر الخميس، ٧ مارس ٢٠٢٤
لعرض السؤال في فدني اضغط هنا