ازيكم
بكتب الكلام دا بعد تفكير طويل بس انا امي بتدعي عليا من وانا طفله،!!!!!
حاليا انا عندي حاجه وعشرين سنه ومهما تلقت نصايح بدون اي فايده مازالت مستمره وانا صغيره ربنا ابتلاني بمرض مزمن والحمد لله منَّ عليا بالشفاء بس امي بتعايرني بمرضي وتعبها معايا الي الان اكتر من حاجه وعشرين سنه بتدعي عليا بالسكته القلبيه او حاجه تخبطني وبتقولي الدعاء ليه مش عايز يستجاب !!!!!
حرفيا ع اقل حركه اعملها بقصد او بدون قصد بتدعي عليا ف كل وقت حتي وقت الاذان وكمان في رمضان وانا تعبت مش عارفه أراضيها ومش عارفه عملت اي او ذنبي دا غير اني بسمع أفظع الكلام ومقدرش اذكره طبعا نفسيتي ادمرت بقي عندي وسواس قهري بقيت مستنيه استجابه دعاها اي وقت والله العظيم انا كل يوم ما بنام من التفكير والقهر .
روحى كدا في جنب هادىء كل يوم و فرغى كل الضغوط بأنك تكلمى ربنا بكل اللى جواك و افضلى ادعى أن ربنا يهدي والدتك . و اعملى الكلام دا كل يوم . ميقلش عن ربع ساعة . و دا اسمه تدريب الطمأنينة . حيفرق جدا فى نفسيتك . و التزمى بالصلاة و قراءة القرآن. و حاولى فعلا تبعدى شوية . لو معندكيش إمكانية لدا . قللي التعامل لأقل درجة . بحيث ما يبقاش فى احتكاك معاها . و فعلا زى ما فى عقوق للوالدين. فى عقوق للأبناء. اعملى اللى عليكى و أرمى كل همومك على الله . فما لا يقضى بالتفكير و التدبير يقضى بكثرة ذكر الله. و اكثرى من لا حول ولا قوه الا بالله. فأنها تدفع مائة صنف من البلاء اقلها الفقر و المرض . و أنها كنز من كنوز الجنة.
تم النشر الاثنين، ٢٣ سبتمبر ٢٠٢٤
لا حول و لا قوة إلا بالله. معلش أنا مقدر وضعك النفسي و إن شاء الله ربنا يحنن قبل أمك عليكي. طبعا هذي مشكلة كبيرة و لكن أختي الكريمة يبدوا أن أمك تحتاج أن تدعي لها بالهداية و أن يرق قلبها تجاهك. للعلم أنه كما يوجد عقوق والدين يوحد أيضا عقوق أبناء لأن للأبناء على الوالدين حق و منه اختيار الأم المناسبة، اختيار اسم مناسب، تعليم الابناء القرآن و بالتأكيد التربية الصالحه. تأكدي أنك لا تقومي بأي عمل يغضب أمك التي أسأل الله أن يهديها لأنها لم تقم بحقوقك عليها، هي المفروض أن تكون أختك و صديقتك و القلب الحنون الذي تلجأي اليه. الحل هو أن تصبري و تدعي لها بالهداية و لا تخافي من دعواتها لأنها إن شاء الله لا تستجاب اذا كانت بدون سبب.
تم النشر الاثنين، ٢٣ سبتمبر ٢٠٢٤
طيب هل انتي بتطيعها او انتي بمعنى يعني بتحسني إليها بتعامليها كويس او انتي مثلا زعلتيها في مره علشان كدا هي زعلت منك بس خليكي فاكره مفيش أم بتدعي على عيالها هي ممكن اه وقت الغضب تدعي لكن قلبها بيتوجع حاولي تتفاهمي معاها
تم النشر الاثنين، ٢٣ سبتمبر ٢٠٢٤
أختي العزيزة، أشعر بألمك ومعاناتك، وأنت بالفعل تخوضين تجربة صعبة. قد تكون العلاقة مع الأم معقدة أحيانًا، خصوصًا عندما تتداخل مشاعر الألم والغضب والحب. دعيني أقدم لك بعض الأفكار التي قد تساعدك في التعامل مع هذه الوضعية. التواصل : حاولي التحدث مع والدتك بصدق حول مشاعرك. ربما لا تدرك كيف تؤثر كلماتها ودعواتها عليك. يمكن أن يكون الحوار الصادق أداة قوية لتخفيف التوتر بينكما. التفكر في الدعوات : تذكري أن استجابة الدعاء بيد الله سبحانه وتعالى. ركزي على تحسين علاقتك بالله من خلال الطاعات والأعمال الصالحة، وكوني مطمئنة إلى أن رحمة الله واسعة. التحصين الذاتي : يمكنك الاستماع إلى القرآن الكريم وقراءة الأذكار التي تحصنك من أي أثر سلبي. الإكثار من الاستغفار والدعاء لنفسك بالشفاء والعافية. البحث عن الدعم : إن كنت تجدين صعوبة في التعامل مع هذه المشاعر بمفردك، فقد يكون من المفيد التحدث مع شخص موثوق أو مختص في الاستشارة النفسية لمساعدتك في تجاوز هذا الوضع. السكينة النفسية : حاولي التركيز على الأمور الإيجابية في حياتك وطمأنينة قلبك، وتذكري أن قوتك تكمن في إرادتك وعلاقتك بالله. أخيرًا، تذكري أن رحمة الله واسعة، وأن لكل شخص تجاربه وتحدياته في الحياة. تحلي بالصبر وكوني قوية، وثقي بأن الله معك. أسأل الله أن يفرج همك وينزل السكينة على قلبك.
تم النشر الاثنين، ٢٣ سبتمبر ٢٠٢٤
انا لو مكانك هبعد شويه.. عندما سالو أعرابي عن اعز أولادها قالت الغائب حتى يعود... فا ابعدي وعرفيها انتي بعدتي ليه وزوريها كل مده شوفيها عايزه ايه عشان تهدي شويه لان طبعها ناري وادعي ليها ربنا يهديها عليكي
تم النشر الاثنين، ٢٣ سبتمبر ٢٠٢٤
هو الموضوع ده ليه أبعاد تانيه يعني هل انتي عصبيه معاها أو عنيده طيب هل ده نفس التعامل معاكي و مع اخواتك طب فيه ضغوط نفسية ف البيت او مشاكل او في ضغط كبير عليها و ده مش مبرر بردو انها تدعي عليكي مفيش مبرر اصلا للدعاء ع الأبناء لأنه حرام مهما عمل بس انتي بردو حاولي انك تصلحي علاقتك بيها هي ف الاخر امك و لو مفيش حبحل معاها انتي بريها لكن مش لازم يكون فيه مشاعر قويه يعني تكوني بتحبيها جدا عشان تعملي كده
تم النشر الاثنين، ٢٣ سبتمبر ٢٠٢٤
بعدين حاولي تتجاهلي كلامها الوحش عليكي و متركزيش فيه و قربي من ربنا
تم النشر الاثنين، ٢٣ سبتمبر ٢٠٢٤
حاولي انك تقربي منها وتساليها هي بتعمل كده ليه وقربي من ربنا كمان وادعي ان الدعاء ده ما يستجابش ولو نفسيتك تعبانه حاولي انك تتواصلي مع دكتور نفسي وبس ربنا يسهل لك حياتك
تم النشر الاثنين، ٢٣ سبتمبر ٢٠٢٤
يعني اي طبعها ناري حتت اني ابعد بره البيت صعبه
تم النشر الثلاثاء، ٢٤ سبتمبر ٢٠٢٤
لعرض السؤال في فدني اضغط هنا