انا حاليا فى علاقه حرفيا دمرتني نفسيا كدب العلاقه كلها عباره عن كدب حاليا انا تميت 9 شهور معاه وهو مستحيل يسيبني لاي سبب كان كدب عليا فى شكله وسنه والمبرر اى الثقه بالنفس معندوش ثقه بنفسه فده خلاه يكدب عليا فى شكله رغم انى ولله مكدبتش عليه ابدا من اول ما دخلت العلاقه دي أهله طبعا عرفوا بيا وهما متشددين ومنعوه عني طبعا وكذلك هيبقى الوضع لو أهلي عرفوا بردو وهو نيته جواز وكذلك انا ولكن ده قبل ما اكتشف كدبه وانا مش قادره انسى ان هو كدب عليا 6 شهور وواهمني بشكل وسن وحياه تانيه خالص بحاول أتخطى اللي حصل حاولت انفصل عنه بدل المره مليون هو رافض تماما وانا كمان م قادره اسيبه م عارفه اعمل اي معلومه هو من دوله وانا من دوله وكمان 5 أو 6 شهور وهينزل دولتي عشان ياخد خطوه رسميه بس انا م عارفه اتخطى اعمل اي؟؟
السلام عليكم ورحمه الله وبركاته واضح جدا ان العلاقه دي بدات سوشيال ميديا وتقابلنا بس كده على الشات وقعدنا نكلم في شخصيه احنا مش متاكدين منها اصلا عشان خاطر اعتدنا الموضوع فتعودنا اتعلقنا شوفنا ان في مشاعر طلعت وارتبطنا بالحاله كلها اكثر ما احنا ارتبطنا بالشخص لانه احنا هنا مرتبطناش بالشخص احنا مرتبطنا بشخصيه هي مش موجوده اصلا فهنا احنا بقى بنتكلم على مين احنا بنتكلم على الشخص اللي هو كان موجود كوهم مش موجود حقيقه طب خلاص مش الشخص ده مش موجود اصلا فمين ده اللي هينزل يتقدم اللي هينزل يتقدم ده شخص ثاني فحاليا انعدام الثقه بيقول إنه انت دلوقتي قدام شخص ثاني لو الشخص ده ان شاء الله جه وصل عندكم البيت وتقدم ابقي قيميه من اول وجديد ابقي شوفي الشخص ده فعلا شخص تقبليه كزوج ولا لا المهم انه يكون الشخص ده عنده ثقه في نفسه ولا لا ويكون قد المسؤوليه ولا لا اللي انت بتقوليه بقى هنا في النص يعني انه اهله عرفوا الموضوع متشددين ومنعوه عني بصراحه الجمله دي لوحدها تقول حاجات صعبه جدا تقول انه انتوا الاتنين صغيرين. تقول انه الشخص ده يعني أهله هم اللي هيقرروا له. تقول انه ولا حد فيكم ينفع يدخل في علاقه حتى ولو كانت خطوبه رسميه بلاش بلاش بلاش بلاش لما تكبروا شويه وتنضجوا شويه وتعرفوا يعني ايه مسؤوليه تعرفوه يعني ايه اصلا علاقات اجتماعيه يعني ايه شخص يبقى عارف الصح غلط ويمشي بيه ويقدر يقف يتكلم به مش يبقى خايف أهله يشوفوا ده فيعاقبوه أو يمنعوه ساعتها يقدر يدخل في علاقة جدية، غير كده أنا آسفة هو هيكون لعب عيال بس، منصحكيش به أبدا.
تم النشر الأربعاء، ٥ مارس ٢٠٢٥
السلام عليكم، للأسف الثقة انعدمت ما بينكما وستظلين في شك طوال الوقت، والمشكلة أيضًا ليست في الكذب فقط بل هناك مشكلة انعدام ثقته بنفسه، لا تعرفين كيف يمكن أن تنعكس هذه المشكلة على حياتكما فيما بعد. ومشكلة كونه من دولة أخرى.. هل تعرفين كيف هي حياته هناك أصلا؟ هل أنتِ متأكدة من معلوماتك عن عائلته ومحيطه الاجتماعي؟ هناك فتيات تعرفن على شباب من جنسيات أخرى وعندما تقدموا للخطبة وقام الأهل بالسؤال في السفارة وبحثوا خلفهم اكتشفوا مشاكل وبعضهم كان لديه سجل جنائي. ** ربما لا تستطيعين تركه لأنكِ متعلقة به لا أكثر وأنتِ في حاجة للتخلص من هذا التعلق. حتى لو كنتِ تحبينه بالفعل وليس تعلقًا مرضيًا، أعتقد أنكِ ستعانين لو أكملتِ أكثر من معاناتك لو قطعتِ هذه العلاقة الآن. أنتِ تقولين أصلا أن العلاقة دمرتكِ نفسيًا، هذا وأنتِ ما زلتِ على البر.. ماذا سيحدث إذا واصلتِ وطورتِ الأمر إلى زواج؟ كوني حاسمة وفكري في مصلحتكِ أولًا... الحب ليس كل شيء. الحب يموت بعد الزواج إن سارت الأمور عكس ما تخيلنا وربما حتى ينقلب إلى كراهية، ففكري في نفسك وما تريدينه لحياتك مستقبلًا وهل تستطيعين احتمال العيوب التي عرفتِها والعواقب الذي ستترتب عليها؟ وعمومًا، صلي استخارة في موضوع الزواج منه واركني مشاعركِ جانبًا واسألي الله أن يختر لكِ ما فيه الخير. بالتوفيق.
تم النشر الأربعاء، ٥ مارس ٢٠٢٥
لو كدب يبقى مش بيثق في نفسه وضايع من الأخر بيتسلى الجواز بين عيلتين ومش بين شخصين فكره الطباع وهل هو مسئول أو لا فكره الاخلاق والدين فكره الالتزام... دي كلها حاجات مهمه عشان تقولي جواز... لكن اللي حضرتك فيه علاقة محرمه غالبا بتنتهي بخداع وربنا مش بيبارك فيها وما ينفع تقولي على أهله متشددين لان اللي بتعمليه اصلا غلط مش هما.... وافتكري انه لو عنده اخت وانت عندك حد سواء قريبك او اخوك اتوسط ليه عشان يرتبط باخته فهو ياما يرفض معنى كده انك اقل منها ياما يقبل ويبقى واحد ديوث وما تأمني على نفسك معاه.... حابب اقولك ان اللي فيه تعلق مش اكتر وبينتهي مع الزمن لان الالم اللي هتعيشي لو كملتي أكبر من الم الفراق
تم النشر الأربعاء، ٥ مارس ٢٠٢٥
اولا لازم نتفق في حرمانية العلاقة دي من الأول و انتي اكيد عارفة كدا، ثانيا دي هتبقي علاقة صعبة اوي و الله انتي عارفة يعني ايه حد يكدب في الحاجات ال basic الشكل او السن او الوظيفة مثلا طب ده تقدري تثقي فيه ازاي قدام مثلا ده بالكذب اللي كذبه ده كله واثقة منين ان ٥ او ٦ شهور هينزل فعلا ما يمكن كدبة برضو و لو نزل هياخد خطوة ولا بيكدب برضو تقعدي كل حاجة تسألي نفسك السؤال ده هيبقي في انعدام ثقة رهيب ده هو مش واثق في نفسه هتثقي فيه انتي ازاي، طب هو كدب في السن و الشكل ليه مالهم يعني شكله فيه ايه غلط طب و سنه كبير اوي يعني ولا ايه و كمان كدب في الحياة اللي قعد يوهمك بيها هتتعبي اوي بجد لان الكدب اصلا في حاجات زي دي لا تغتفر و بعدين كدبه في ده اصلا هو كدا غير متصالح مع نفسه و غير راضي عن حياته و شكله دي حاجات هتبرز اوي في شخصيته حتى بعد الجواز
تم النشر الأربعاء، ٥ مارس ٢٠٢٥
طبيعي تفقدي الثقة فيه بعد كذبه وهو غلط انه كذب من البدايه ولكن هنا لازم تعرفي اي كان الدافع ورا كذبه هل مثلا عشان بيحبك ومش عاوز يخسرك ولا عشان هو عاوز يبان انه شكله وسنه مناسبين ليكي ولا كان غرضه الكذب وانه مش هيكمل يعني هنا بتختلف فلو كان غرضه انه مش عاوز يخسرك وان نيته خير وحابب يكمل معاكي وحقيقي صادق في مشاعره ليكي فحتته السن دي ممكن تتخطيها ولو عالشكل فلو الحب حقيقي ما بينكو صدقيني مش هيفرق ما بينكو حاجه زي دي بس لازم تحددي هل هتقدري تثقي فيه بعد كده او لا وهل مشاعره حقيقه او لا هل هتتأقلمي مع شكله و سنه او لا عشان ميكونش عائق لبعدين وربنا يكتبلك اللي فيه الخير باذن الله ♥
تم النشر الأربعاء، ٥ مارس ٢٠٢٥
ما بني على باطل فهو باطل اولا ده ذنب راجعي نفسك اذا كنتي لسه هتستمري، 9شهور كثير و 6 شهور هتستنيه ده ظلم لنفسك لو فعلا هيبقى فيه حاجه رسمية قوليلو خليها لوقتها و فكري و خدي قرارك
تم النشر السبت، ٨ مارس ٢٠٢٥
لعرض السؤال في فدني اضغط هنا