خطيبي طيب اوي مع أصحابه ومع قرايبه وبحسهم بيضحكو عليها مره يقولوا له تعال اقعد معانا ويبقى بينقلوا من الشقه ويخلوه يعمل معاهم حاجات والمفروض انو رايح يقعد معاهم
وصحابه بيشوفوا الحاجه معاه بيبقى مستكترينها عليه ومن كتر البجاحة بيطلبوها منه وان هم عايزنها
في حاجات كتير سواء فلوس أو لبس او ساعه او اي حاجه وكمان بيطلبوا منه لو رايحين في حتة او شافوه في حتة إنه يوصلهم وانا تعبت من كده وحاسة انه كده ضعيف الشخصيه ومش قادره اتكلم معاه
وكمان في حاجه تانية
مفيش لغة حوار بيني وبينه، هو مكنش له علاقات سابقة وانا اول حد في حياته بس انا بحكمة اني اصغر وحده في اخواتي فعارفة حاجات في امور الحب والمطالبات المعنويه بس هو ميعرفش ولما بحاول اتكلم معاه او أشرح له حاجه مش بيرضى يسمع لي
اعمل ايه؟ هو بيعتذر وخلاص ولما بسأله انت المفروض تقول لي ايه السبب اللي مزعلك بيقول لي اصل انا بخاف تكوني زعلانة مني فاعتذر
عزيزتي سما، أفهم مشاعرك تمامًا وأقدر قلقك تجاه علاقتك بخطيبك. من الواضح أن هناك بعض الأمور التي تؤثر على علاقتكما وتحتاج إلى مناقشة. إليك بعض النقاط التي يمكنك التفكير فيها: التواصل : من الضروري أن يكون هناك فتح لحوار صريح بينكما. يمكنك اختيار الوقت المناسب لمناقشة مشاعرك وأفكارك، والتعبير عن قلقك بشأن تصرفات أصدقائه. اجعلي الحديث إيجابيًا، وتركزي على تعزيز العلاقة بدلاً من انتقاد تصرفاته. تحديد الحدود : اشرح له كيف تشعرين حيال طلبات أصدقائه وكيف تؤثر عليك. قد يكون من المفيد توضيح حدود معينة، مثل ما هو مقبول وما هو غير مقبول بالنسبة لك في علاقتكما. التعامل مع ضعف الشخصية : قد يكون خطيبك يحتاج إلى دعمك في تطوير ثقته بنفسه. إذا كنت تشعرين بأنه يتأثر بآراء الآخرين بشكل زائد، فربما يمكنك مساعدته في بناء شخصية أكثر استقلالية. تعليم العلاقات : بما أنه ليس لديه خبرة سابقة في العلاقات، اجعلي من نفسك مصدر دعم له. يمكنك تقديم نصائحه بطريقة لطيفة ومشجعة، مما سيساعده على فهم الأمور بشكل أفضل. الإجابة على المخاوف : إذا كان يخاف من زعلك، يمكنك طمأنته بأنك تفضلين الحوار المفتوح على معتقداته. ساعديه في فهم أن العلاقات تحتاج إلى توضيح وفهم متبادل. تذكري، كل علاقة تواجه تحديات، ولكن الحوار والتفاهم يمكن أن يساعدا كثيرًا في تجاوزها. إذا استمرت الأمور في التضارب، قد يكون من المفيد التفكير في استشارة مختص في العلاقات لمساعدتكما. أتمنى لكما التوفيق والثبات في علاقتكما.
تم النشر الأحد، ٢٢ ديسمبر ٢٠٢٤
السلام عليكم ورحمة الله، الحل الوحيد إنك تقولي له عاوزة تتناقشي معه في كم نقطة مضايقاكِ وتفهميها منه عشان تكون بداية حياتكم صح ومن غير أي مشاكل فيما بعد. بالنسبة لأصحابه فهو ممكن مش شايف أي مشكلة في طلباتهم وممكن يكون شايف إنهم استغلاليين بس مش بيفرق معه... اسأليه عن الموضوع ببساطة وقولي له مش حابة تحسي إنهم بيستغلوه وده مش كويس. لو حاول يعتذر كالعادة من غير ما يسمع المشكلة اللي مضايقاكِ قولي له إن النقطة دي بتضايقك وإنك مش عاوزة اعتذاره، أنتِ عاوزة تفهمي وتتناقشي معه عشان مستقبلكم. عادي إنه مش عنده علاقات سابقة ودي مش حاجة حلوة أصلا عشان تفتقديها في خطيبك. الشخص اللي له علاقات سابقة غالبًا ما بيتعب شريكة حياته سواء بمقارنات أو نظر لغيرها أو ملل بعد ما تعود يكون على علاقات تانية أو غيرها من مشاكل. والشاب اللي مش عنده علاقات مش معنى ده إنه ساذج أو مش بيفهم... ممكن مشكلة خطيبك حاجة تانية غير صعوبة التعامل معك كبنت. افهمي منه تطلعاته المستقبلية بخصوص زواجكم ونظرته للزواج عمومًا وهل هو مستعد تقعدوا سوا تظبطوا النقاط اللي ممكن فيها لبس ومشاكل بينكم حاليًا وممكن تأثر عليكم مستقبلًا. بالتوفيق إن شاء الله.
تم النشر الأحد، ٢٢ ديسمبر ٢٠٢٤
مش شرط يكون ضعيف الشخصية ممكن يكون كريم مع أصحابه وأهله و بيديهم حاجات ك هديه عادي ،، خطيبك متربي وبيحافظ عليكي بلاش تخسريه !
تم النشر الأحد، ٢٢ ديسمبر ٢٠٢٤
النقطة التانيه .. هيا ايه معلش امور الحب الى بتدرورى عليها ! الراجل ممكن يتكلم ويقول شعر وكلام حلو جدا من هنا للصبح بس هو بيحاول يحافظ على حدود وقواعد الخطوبة الى هو شرعا حضرتك غير صحيحة ! تقوم انتى تضايقى انى بيحافظ عليكى .. وكون ان انتى اول تجربة ليه عادى .. بس سورى يعنى ماتتعامليش من منطلق ان انتى الى انتى عارفة كل حاجة وهو لا
تم النشر الأحد، ٢٢ ديسمبر ٢٠٢٤
انتى اكتر واحدة المفروض تحددى اذا كان دا طبعة مع كلة انه كريم وجدع ولا هو مش كدا عموما وهما بيستغلوة ؟ + اتناقشى معاة بطريقة غير مباشرة ف النقطة دى بانك تقولى مثلا صحبتى طلبت منى كذا وكذا اى رئيك هل كدا هيا بتستغلنى وخلية يقول الى ف دماغة .. وحددى النقطة دى من الاول عشان مش حاجه لطيفة لو هتكملى وانتى عارف ان دى نقطة ضعفة - بتكلم مستقبلا - ...
تم النشر الأحد، ٢٢ ديسمبر ٢٠٢٤
لا دي مش بتكون هدايا انا بحبه ومش عايز اخسره بس كده مينفعش حضرتك هم صحابه بيشوفوا الحاجه معاه بيقولوا له هات البسها وساعات لما بيكون لابس الحاجه سواء كانت ساعة أو كوتش او لبس او فلوس او اي حاجه بيقولوا له هات البسها هات اخرج بيها او سلفني فلوس يومين وادهملك وكده يعني وهو بصراحه بيجيب حاجات غاليه وبرندات
تم النشر الأحد، ٢٢ ديسمبر ٢٠٢٤
انا مش بقول انه يقولي كلام حب او كده بس انا اقصد اني لما بحاول اتعرف عليه أو علي شخصيته مش بيتكلم وكمان حتة انو بيعتذر وخلاص كمان مش بيقولي طب اي اللي مزعلك او اي السبب وكمان هو مبيسالنيش انا بحب اي او بكره اي عمومآ في اي حاجه وكمان انا دايما اللي بفتح كلام نتكلم فيه وانا كده حاسه انو مش مهتم بي بس لما بتكلم مع حد يعرفني ويعرفه بقلي لا انو بيحبني بس هو مش بيعرف يعبر
تم النشر الأحد، ٢٢ ديسمبر ٢٠٢٤
النقطة التانيه اتكلمى معاة وناقشيه انة بيعمل كدا بزيادة افهميه .. العادى بينا كشباب ممكن نسلف بعضنا بس مش بزيادة اوى كدا
تم النشر الأحد، ٢٢ ديسمبر ٢٠٢٤
نقطة الاهتمام دى انا معاكى فيها لازم تفهمو بعض وتتعرفو على بعض بشكل اكبر وتدخلو فى حياه بعض .. بس ممكن هو يكون كلامة محدود عشان كدا حاسة بدا .. خليه ياخد راحتة ف الكلام معاكى ع الاخر ومتضغطيش علية فى حتة فتح المواضيع والكلام .. واتناقشى فى معاة فى اى حاجة تخليه يتكلم .. ولو فضل يعتذر هو كدا مش عاوز يزعلك فعلا فانتى طمنية وقربية منك وقليلة عادى...
تم النشر الأحد، ٢٢ ديسمبر ٢٠٢٤
لعرض السؤال في فدني اضغط هنا