نا بنت بس ديما صوتي عالي وتصرفاتي مش تصرفات انسه كدا بشوف بنات كتير شكلهم بيبقا رقيق كدا وباين عليهم الانوثه لاكن نا ديما شايفه شكلي وحش وصوتي وحش وتخين كدا وتصرفاتي عايزه ابقا زي بنات الرقيقه وكيوت الهاديه دي وتصرفاتي وصوتي يبقوا حلوين اعمل اي ؟!
اهتمامك باصول اللباقة والشياكة هيخليكى احلى من اى بنت البسى فضفاض والوان مش مبهرجة اعتمدى على البساطة خليكى بشوشه مبتسمه استخدمى كلمات لطيفة دايما خلى ايديكى قريبة لجسمك متتحركيش حركات مفاجئة خدى نفسك بشكل هادى اشربى ينسون هيهدى من اى حاجة فى صوتك كونى بشخصيتك بس جوه حدود اللباقة والشياكة
تم النشر الأربعاء، ١٥ مارس ٢٠٢٣
حلو جدا إنك متابعه نفسك وتطوري منها للاحسن.. اهتمي بنظافتك الشخصيه و مظهرك ولبسك وتيقني إن فعلا ربنا خلقنا فأحسن صوره، سعات كتير بيبقي في توأم وحد مهتم بنفسه ومروحه حلوه ونفس الشكل أهو بس طبعه صعب ومش مهتم بنفسه الأول حلو و التاني لا.. دربي نفسك تتكلمي بهدوء واشربي ينسون وكاموميل يهدي أعصابك ويلطف من حنجرتك.. انزلي جيم حصص مثلا زومبا أو شرقي تنظمي بيها جسمك وتعلي عندك إحساس الانوثه.. خصصي يوم فالاسبوع سكين كير وماسك لشعرك ورطبي جسمك.. والثقة بالنفس مش بس مظهر حببتي حبي نفسك وروحك وإنجازاتك وكافئيها وسمعيها كلام حلو
تم النشر الثلاثاء، ١٤ مارس ٢٠٢٣
اول حاجه ابدأي بنفسك من البيت يعني تتفقي معاهم ف البيت كل مصوتك يعلى ينبهوكي توطيه وبعدين متقوليش ع نفسك صفات زي دي انتي بنت جميله ورقيقه بس ممكن مجتش المواقف الي تستخدمي فيها الرقه البنت مش محتاجه غير انها تكون نضيفه ولبيها مرتب ومهذبه وعندها حياء وخجل عشان تكون كيوته ورقيقه بس طبيعه صوتك وارد انتي حساها كده او من خلال تنمر حد عليكي او هي فعليا كده ودي خلقه ربنا او بتبقا حاده لما صوتك بيعلى ف توطي صوتك وتهتمي بنضافتك وان لبسك دايما مرتب نضيف ومكوي وانك تكوني خجوله هتبقي اجمل بنت ف الدنيا ومتتأثريش بكلام اي حد
تم النشر الأربعاء، ١٥ مارس ٢٠٢٣
أولاً، يجب أن تعلمي أن الجمال ليس فقط في المظهر الخارجي ولكنه يأتي من الداخل أيضًا، فلا يجب أن تشعري بالقلق بشأن شكلك ولا صوتك فقط. ثانيًا، من المهم أن تحافظي على صحتك ولياقتك البدنية من خلال النظام الغذائي الصحي وممارسة التمارين الرياضية بشكل منتظم، وهذا سيساعدك على الشعور بالثقة في نفسك والتحكم في تصرفاتك. ثالثًا، لا تحاولي تغيير شخصيتك بالكامل لتبدوي كبعض النساء الأخريات. كل شخص فريد ومميز بطريقته الخاصة، ولذلك يجب أن تحافظي على هويتك الشخصية وتتقبلي نفسك كما أنتِ. وأخيرًا، يمكنك أن تتعلمي من النساء الرقيقات والهادئات كيفية التعامل مع الآخرين والتحدث بلطف، ولكن لا تحاولي التقليد بشكل كامل. قومي بتحديد بعض الصفات التي تريدين تحسينها في نفسك وتعملي على تحسينها ببطء عبر الوقت.
تم النشر الأربعاء، ١٥ مارس ٢٠٢٣
لعرض السؤال في فدني اضغط هنا