أرجو الإفادة في تعامل مع هذا الموقف ضروري
دلوقتي أنا بيحصل معايا موقف مع والدتي معرفش مفروض اتعامل معاه ازاي.
وهو إني لما بساعدها بتطلب مني كذا طلب في نفس الوقت وأنا معنديش مشكلة مع ده وببقا عندي نية إني أخلصلها طلباتها كلهم.
بس المشكلة بقا إني لو روحت أعمل أول طلب طلبته مني تنده عليا مراراً وتكراراً علشان أعمل الطلب تاني، في حين لو سمعت كلامها وروحت عملت الطلب التاني، تنده عليا تاني مراراً وتكراراً علشان أروح أعمل الطلب الأولاني.
وده بيحط عليا ضغط رهيييب والمشكلة اني للأسف بتعصب والله غصب عني أنا مش ببقا عايزه اتعصب بس غصب عني بنهار علشان أنا بطبيعتي شخص مبعرفش اركز نهائي نهائي في أكتر من حاجه في نفس الوقت، ولو ركزت في اكتر من حاجه في نفس الوقت بيؤدي إني مش بنتهي من ولا طلب فيهم، ولما بتحط الضغط ده بيوصل بيا لدرجة إني بعيط، دماغي مش بتستوعب أكتر من طلب اعمله في نفس الوقت.
وهي بتزعل مني وبتقعد تقولي خلاص مش عايزه حاجه منك ومتساعدنيش وألخ.
ومهما فهمتها إن أنا هعمل كل الي عايزاه بس هي متحطنيش في ضغط وتقعد تخليني أروح من طلب لطلب لأني مش ببقا عارفه هي عايزه ايه الأول ولا أرضيها ازاي، بتقولي إنه هي كده وهي بتعرف تعمل كل حاجه في نفس الوقت ومش بتحب تقعد كده متعملش حاجه وبتبقا عايزه تنجز كل حاجه في نفس الوقت.
فلاحظت إن ممكن تكون بتمر ب ADHD، أو يمكن أنا الي عندي مشكلة.
الموقف يبان صغير وتافه ولكن بينتهي بإني بعيط من كتر الضغط الي اتحطيت فيه وبنشد مع بعض وهي بتزعل مني.
أرجوكم قولوا لي اتصرف ازاي ازاي أخلي دماغي متحسش بالضغط ده ولا إني اوصل للعصبية، عايزه أعرف مفروض اتصرف ازاي بظبط لما يحصل موقف ده لأنه بيتكرر شبه يومياً لما بساعدها في أعمال المنزل أو في طبخ أو في أي شيء.
علي فكره نفس المشكله بس ان شاءالله حلها بسيط ممكن تسأليها عاوزه اعمل ايه الاول وممكن تقوليها هخلص اللي في أيدي وهعمله حاضر وحاولي تستعيذي بالله من الشيطان لانه بيشتغل المواقف اللي زي دي وتذكري ان ممكن لو عملتي الحاجه لأهلك غصب عنك وانت متضايقه ممكن يعتبر عقوق فخلي بالك وربنا يعينك ويعينا جميعا
تم النشر الثلاثاء، ٥ نوفمبر ٢٠٢٤
أنا من رايي أن المشكله مش طريقة والدتك ولا تقصير منك ..هو المشكله ف نظرتك للموقف نفسه ..فى نظرك أنهم عباره عن كذا طلب بتعمليهم والدتك تشتتك فبتتعصبي وهي بتزعل بالرغم انك بتعملي طلباتها ..فبتوصلي ف نفسك لمرحله انك بتبقي من جواكي كرهتي الموقف عشان فالاخر نتيجته زعل والدتك منك ... عندي وجهه نظر والله اعلم أن والدتك بتزعل لما بيوصلها فكره انك بتعملي الطلبات غصب عني فعدم رضاكي بيزعلها وده حقها فازاي تبيني ليها رضاكي .. باختصار أنك لازم تغير مصطلح بساعد ماما ..ف دماغك لمطصلح برضي ماما ... فممكن اقعد نص ساعه من الطلب الاولاني للطلب التاني للطلب التالت من غير تركيز عشان أراضيها .. وممكن اقعد ساعتين مركز ف طلب وبردو مش هترضيها .. فلازم تغيري طريقه تفكيرك .. أن ده وقت انتي بترضيها فيه بصرف النظر عن مدي كفاءة تنفيذك
تم النشر الثلاثاء، ٥ نوفمبر ٢٠٢٤
عزيزتي، في البداية، أود أن أشيد بشجاعتك وحرصك على مساعدة والدتك، فهذا سلوك نبيل يدل على حبك واهتمامك بها. لكن من الواضح أن الوضع الحالي يسبب لك ضغطًا نفسيًا وعصبية، وهذا أمر طبيعي عندما يكون لديك الكثير من المهام في نفس الوقت. للتعامل مع هذا الموقف بشكل أفضل، يمكنك اتباع الخطوات التالية: التواصل الصريح: تحدثي مع والدتك حول مشاعرك. اشرحي لها أنك تجدين صعوبة في التعامل مع طلباتها المتعددة في نفس الوقت. يمكنك اقتراح تخصيص مهمة واحدة في كل مرة، وهذا سيساعدك على التركيز. وضع قائمة بالمهام: قومي بكتابة الطلبات التي تريد والدتك منك القيام بها. اجعليها قائمة مرتبة حسب الأولوية. هذا سيساعدك على معرفة ما يجب القيام به أولاً، ويمنحك أيضًا إحساسًا بالإنجاز عندما تقومي بإكمال المهام. تحديد وقت مخصص للمساعدة: يمكن أن يكون من المفيد تحديد أوقات معينة لتقديم المساعدة، مما يمنحك فرصة للراحة والتراجع بين المهام دون الشعور بالضغط. طلب المساعدة عند الحاجة: إذا شعرت بأن الوضع يثقل عليك، لا تترددي في إخبار والدتك أنك بحاجة إلى استراحة أو أن تطلبي منها أن تشرح لك الأولويات بشكل أوضح. التدريب على التحكم في القلق: يمكنك تجربة تقنيات بسيطة مثل استراحة قصيرة بين كل مهمة وأخرى، حتى لو كانت دقيقة أو دقيقتين، لتحسين تركيزك وتهدئة أعصابك. البحث عن الدعم: إذا استمر الضغط والشعور بالعصبية، قد يكون من الجيد التحدث مع مختص في الصحة النفسية. يمكن أن يساعدك في فهم كيفية التعامل مع الضغوط بشكل أفضل. تذكري أن كل شخص لديه قدرة مختلفة على التعامل مع المهام، وهذا لا يعني أنك أقل من والدتك، بل يعني أنك تجيدين التعامل مع الأمور بطريقتك الخاصة. قد يتطلب الأمر بعض الوقت والصبر للوصول إلى حل يناسبكما، ولكن بالتواصل الجيد وتخصيص المهام يمكن أن يتحسن الوضع تدريجياً. أعدك بأنك قادرة على تجاوز هذه التحديات.
تم النشر الثلاثاء، ٥ نوفمبر ٢٠٢٤
اول حاجة حابة اقول لك أن كل واحد فينا له طريقته وأسلوبه اللي بيفضله ويحب يتعامل به، فكونك بتحبي تركزي على شيء واحد لحد ما يخلص وبعدين تتنقلي التاني مش عيب فيكي أو "غلط" دا بكل بساطة الطريقة اللي بتريحك وبتعرفي تتعاملي بها، ونفس الشيء لوالدتك، وكون طريقة والدتك بتضغطك فدا ممكن يرجع لإنك مش بتحبي الأسلوب دا في التعامل مع مهامك وان حد يتدخل في كل تفصيلة وازاي تعمليها، وبتفضلي اكتر تعرفي الهدف النهائي وتنفذيه بطريقتك، ممكن تحاولي توصلي لوالدتك الفكرة دي بطريقة لطيفة " انتي عرفيني بس عايزة ايه وسيبي الباقي عليا" " متقلقيش هخلص كل حاجة متفضليش دائما شايلة هم انك تفكريني" " اصبري عليا بس هخلص كل حاجة وهبهرك بالنتيجة"، اذا كان تغيير سلوك والدتك مش متاح، وعايزة تتحكمي في انفعالاتك فأنصحك بتمارين الاسترخاء عامة والسيطرة على الغضب بتمارسيها مش بس في الموقف، دا على مدار اليوم وتواظبي عليها، بحيث تقدري تستدعيها بسهولة في الموقف.
تم النشر الجمعة، ٨ نوفمبر ٢٠٢٤
لعرض السؤال في فدني اضغط هنا