السلام عليكم
انا الحمد لله دايما خدومه مع الناس وبساعد الكل
بس احيانا بضغط علي نفسي او بعمل حاجه انا مش عاوزاها لمجرد ان اللي قدامي مش يزعل مني
انا ف مرحله معينه بتعب من كدا
مثلا شخص قالي لازم تيجي عارفه اني عندي حاجه ومش هيناسب معايا
بحاول اضغط علي نفسي عشان اعمل الاتنين
...وللأسف بستني من الطرف التاني كدا
بس انا عارفه ان محدش بيعمل ولا حد هيعمل كدا
دايما امي تقولي مش تيجي علي نفسك عشان خاطر حد
بس مش فاهمه امتي اقول اه وامتي اقول لا
حاولت بس حسيت اني بقيت عنيده و بقول لا علي اي حاجه وخلاص
ايه سبب دا
وايه الحل ؟
يا قلبي ببساطه وقت ما تبقي مش مرتاحه أو مش عايزه تعملي حاجه معينه قولي لا عادي مفيش مشكله و علشان لو فضلتي كدا مره في مره هيبقى بالنسبه للي قدامك دا حق مكتسب اصلا و أن الحاجه دي واجب عليكي و مينفعش تقولي لا ف حاولي بالتدريج انك تتعودي تقولي لا ل اي وضع مش عاجبك عادي مفيش مشكله علشان صدقيني بجد محدش هيتعب غيرك
تم النشر الأحد، ١٤ يوليو ٢٠٢٤
يعتبر نفس اللي كان بيحصل معايا بالظبط. السبب اننا مش عايزين نزعل حد مننا ودايما جابرين بخواطرهم وهما مش بيقدروا. فانا قعدت فتره كدا تعبان جامد بسبب شخص كنت بحبو جامد بعد عني. فانا زعلت فبعد كدا ادركت ان مفيش حد هينفعني ولا بقيت بزعل ع حاجه اللي يقعد يقعد واللي يمشي يمشي واهم حاجه راح بالي واعمل انو كمان كدا ودايما قول لأ للحاجه اللي انت مش مستريحه ليها اهم حاجه حابتك النفسيه ومحدش بينفع حد ومتجيش ع نفسك مقابل شخص عزيز عليك
تم النشر الأحد، ١٤ يوليو ٢٠٢٤
وعليكم السلام، يا عزيزتي. الكلام ده مفهوم وهو مشكلة كتير من الناس بيمروا بيها. تعالي نتكلم شويه بصراحة عشان نلاقي حل وسط. أولاً، مافيش حاجة غلط إنك تكوني خدومة والناس تحبك عشان كده. لكن على الجهة الثانية، مفروض برضه إنك تحافظي على توازنك الشخصي. دا لأنك لو فضلتي تضغطي على نفسك، هتكتشفي في النهاية إنك ما تقدريش تكملي على نفس المنوال، وده هيأثر على صحتك النفسية والجسدية. السبب الرئيسي إنك بتوافقي على حاجات مش عاوزاها هو خوفك من زعل الناس منك أو التفكير إنهم ممكن ما يحبوش التعامل معاكي لو قلت لا. لكن الحقيقة إن الناس اللي بيقدروكي فعلاً هيحترموا حدودك واحتياجاتك. نصيحتي ليكي هي إنك تبدئي بتحديد أولوياتك ومعرفة إيه الأمور اللي فعلاً مهمة وأي حاجات ممكن تأجليها أو تتركيها. مثلاً، إذا كان عندك حاجه مهمة زي دراستك أو شغلك وأحد زملائك طلب منك حاجه مش ضرورية، ما فيش مانع تقولي ببساطة وبأدب "والله يا فلان أنا مشغولة بحاجة مهمة حالياً، ممكن نأجل الموضوع لبعدين؟" حاولي توازني بين الرفض والقبول. لو حسيت إنك بتقولي "لا" بكثرة، اسألي نفسك: "هل أنا برفض عشان فعلاً مش قادرة، ولا لمجرد إني بدي رد سريع بدون تفكير؟" تذكري إن كلمة "لا" مش خطيئة، وإنك لما تقولي "لا" ده مش معناه إنك عنيدة. ده مجرد جزء من حماية نفسك والحفاظ على توازنك. ولكن في نفس الوقت، مفيش غلط إنك تقولي "نعم" لحاجات تحسي فعلاً إنك تقدري تعمليها بدون ما تضغطي على نفسك. وفي النهاية، استمري في الاستماع لنصائح أمك؛ حكمة الأمهات ما تتعوضش.❤️
تم النشر السبت، ١٣ يوليو ٢٠٢٤
لعرض السؤال في فدني اضغط هنا