هو انا لما اطلب من الشخص اللي هتجوزه اني مش حابب ميكب بسيط ولا تقيل، ولا حابب صور عالسوشيال ميديا خالص؟ ابقى ببالغ او حاطط شروط صعبة. هو انا ليه الناس بيحسسوني اني غريب مع ان طلبي دا المفروض طبيعي ومفهوش مشقة للدرجادي.
اى حاجة هتتطلب فى غير مكانها هتكون غريبة طبعا. الطلب عندك ليه اسباب ومنطقى ومفهوم بالنسبالك جدا ....حط تحت بالنسبالك دى مية خط . عشان حد يشوف طلبك عادى ويفهم اسبابه ويلاقيه منطقى بردوا...ده لازم يكون شخص بيفكر زيك بنسبة كبيرة . طبيعى البنت اللى هتتجوزها ميوصلهاش نفس المنطق وتشوف انه كلام غريب لان تفكيرها مختلف. وطالما منطقها مختلف ..طبعا هتشوف ان فى مشقة انها تستجيب لطلبك. لو عاوز تسهل الموضوع خلي نقاشك ليها من منطقها هى. ده هيحصل فى حاجات تانيه عادى ودايما فى العلاقات هتحاول توصل لحل وسط يرضى الطرفين او هتتفقوا ان حد هيجى مع رأى التانى.
تم النشر الاثنين، ٢٧ مارس ٢٠٢٣
هو طبعا معاك حق انك تغير عليها و شروطك مش صعبة ولا حاجة في مليون بنت مبتحطش ميكاب ولا بتنزل صورها علي السوشيال ميديا ف متروحش لوحده بتعمل عكس الحاجات دي و تطلب منها تتغير و فكرة انك تغير عليها ف دي حاجة طبيعية الغريب هو الي مش بيغير علي اهل بيته سواء مراته او اخته او امه
تم النشر الاثنين، ٢٧ مارس ٢٠٢٣
عشان انت اخدتها وهي كده عجبتك وهي كده مش من العدل انك تدخل حياتها تغير فيها وتحط فيها شروط وده يفرق ميت مره من العلاقه الي هدفها تاخدوا بأيد بعض للجنه وده بيكون انا عايزك احسن وانتي عايزاني احسن ف تسمح ليها انها تساعدك متعملش حجات غلط وانت كمان لكن مينفعش تدخل تقول شرط ابسط حاجه هتقولك اتفضل انت ملكش كلام عليها انا ف بيت اهلي ومن بيت محترم وموافقين مشي كلامك ع اهل بيتك وملكش دعوه بيا ف خلي بالك من النقطه دي بتتفهم بالشكل ده اوقات
تم النشر الاثنين، ٢٧ مارس ٢٠٢٣
هو انت معاك حق تغير عليها بس حاليا البنات بتفهمها تحكم وإنك مليكش الحق تتحكم فيها ف بيت اهله بس ممكن تتكلم معاها براحه تقولها انا مش حابب انك تنزلي صورك وحد يشوفك ويعجب بيكي مثلا دا انتي بتاخدي سيئات عليها والميكب بردوا حرام ممكن تحطوا ف البيت
تم النشر السبت، ٨ يوليو ٢٠٢٣
هي عادي بس خلي في حرية شخصية يعني الميكب بكون بسيط في الأيام العادية بس لو مناسبة يكون ميكب تقيل عادي وخليك غيور بس رومانسي يعني تقول انا مش بحب صور علي السوشيال ميديا علشان بغير عليكي و مش بحب حد يشوفك غيري انا بحبك تكوني ليا وبغير عليكي والكلام دا غيور بس رومانسي وغيور بس في مساحة شخصية واتمني أن كلامي يفيدك 😊
تم النشر الأحد، ٢ أبريل ٢٠٢٣
من حقك انك تحط معايير دي بس برضو انت مفروض قبل اما تخطب واحدة بتقعد معاها وبتشوف هي مناسبة مع افكارك ولا لا عشان ميحصلش مشاكل زي دي
تم النشر الثلاثاء، ٢٨ مارس ٢٠٢٣
انت بتتكلم من وجهة نظرك وليك الحق في كده ... ليك الحق في انك تضع المعايير او الشروط اللي هتبقى موجودة في شريكة حياتك. والموضوع ده مفهيوش حاجة غريبة .. الموضوع ده فيه قبول ورفض ... قبول ورفض والقبول والرفض هنا بيتنوع ما بين كل البنات .. يعني فيه بنت تتقبل ده وفيه بنت متتقبلش ده .
تم النشر الاثنين، ٢٧ مارس ٢٠٢٣
بص هي المفروض حجات زي دي تسمع كلامك علي طول ،بس انت عاملها بالمعروف وبلطف لان ممكن يكون نمط حياتها انها تبين شعرها وتحط ميك اب وتنزل صور ع السوشيال ودا بللنسبالها عادي ف انت غير فكرها وهاتها واحدة واحدة يعني بدل ماتقولها تقطع ميك اب قولها خففية بدل ماتقولها البسي نقاب بدل البنطلون قولها جيبة ف خمار وبعدين هتوصل للنقاب المقصد ان العادة عشان تتغير محتاجة وقت
تم النشر الاثنين، ٢٧ مارس ٢٠٢٣
بص اكيد مش دي عادتها ومش سهل انها تغيير نمط حياتها انت عرفتها علي كده واخترت علي كده اه حاولت بس مش اجبار لاﻧك عارف من الاول ان دي بتحط صورها يعني مش حاجه غريبه عليها فصعب انها تتفهم ده الا بقا بلطف كده وفهمها وجهة نظرك ولو مش اقتنعت فده حقها لأنك مش اتخدعت او اتفجأت انها بتحط ميكب وبتنزل صور
تم النشر الأربعاء، ٢٩ مارس ٢٠٢٣
حقها انها تعمل كدا؟
تم النشر الاثنين، ٢٧ مارس ٢٠٢٣
لا طبعا وحقق انها تعمل كد
تم النشر الاثنين، ٢٧ مارس ٢٠٢٣
لعرض السؤال في فدني اضغط هنا