انا. عندي 36 سنه ومتجوزه وجوزي مسافر وبيني وبينه مشاكل كتيره اووووي وكان بيوصل الحال لمد ايد واهانات وكمان اسفه هو نرجسي فالعلاقه يعني بيطلب مني حاجات غريبه المهم هو مسافر انا عندي منه بنتين هو مسافر وانا بطبعي انسانه حساسه ورومانسيه واي كلام حلو بياثر قيا المهم اتفقت معاه كتير علاتفصال وكل مره يرجع يقولي لامش هننفصل المهم كنت في حالي وبربي بناتي في حالي والله لحد.ماواحد جارنا فاتح محل بدء يشغلني ويشاورلي فغصب عني استجبت له وبدانا نتقابل وغصبن عني بدات اتعلق بيه وللاسف حبيته فوق الوصف كاني اول مره احب حد
المهم لما اعترفتله اني بحبه قالي انا متجوز وحاسسس بالذنب ناحيه مراتي وهننفصل طبعا بدء يعمل حركات كتيره اوووي تعصب وتضايق علشان ايعد عنه وانا لسه متعلقه بيه وبدات شويه شويه فعلا ابعد بس قلبي معاه فصبن عني المهم انا تعبانه نفسيا وبتعذب وهو علقني بيه ومكنتش حابه كل ده يحصل بس حقيقي.انا تعبت نفسيا قريت من ربنا بدلت احفظ قران بس لسه تعبانه زنفسيتي زيروو
بصى على وجعك من تعلقك دلوقتى ده انه هو الاعراض الجانبية للعلاج اللى بتتعالجية من العلاقة الخطأ دى . هتتحمليه لحدما فترة العلاج تخلص وبعدها هترجعى كويسه. الافضل بقي تزنى على جوزك انك تسافرى معاه....لان كده موضوع السفر ده مؤذى وفيه فتنه ليكى.
تم النشر الأربعاء، ٢٢ فبراير ٢٠٢٣
الشخص الذي علقك به أراد غالبا أن يشبع جزءا من هرمونات الذكورة الموجودة لدى الرجل التي تغريه بأن يرى أنه قادر على أن يجذب إليه المرأة عموما وقد فعل هذا من خلالك .. هو تقرب إليك لا لأنه يحبك ولكن ليرى أنه قادر أن يجذبك إليه وقد نال بغيته، والآن أنت لا تمثلي شيئا كبيرا بالنسبة له .. والأمر الآن بيدك .. إما أن تلجمي نفسك عن هذه العلاقة الشاذة والمحرمة حتى يقضي الله أمرا كان مفعولا بينك وبين زوجك أو تتمادي مع مشاعرك في علاقة "ملعونة" وأنت على ذمة رجل آخر وتدمري بيتك وربما بيتا آخر معه! ونصيحة أخيرة .. حاولي أن تسافري لتقيمي عند زوجك أو تقنعيه بالعودة من الخارج ويعود ليبربي معك ابنتيه لأن هذا خير لك وله.
تم النشر الثلاثاء، ٢١ فبراير ٢٠٢٣
اولا انصحك بقراءة كتاب الرجال من المريخ و النساء من الزهرة ده هيسعدك في انك تفهمي نفسك وتفهمي زوجك . ثانيا العلاقة الانتي دخلتي فيها دي غلط لان الراجل ده لو كويس مكنش عمل كدا من وراء زوجته انتي هنا عقلك مصورلك ان هو ده السعادة وهو ده ال حب الانتي بتدوري عليه لكن الحقيقة مش كدا خالص اول مشكله مابنكم هيصرحك انت كنتي بتكلميه من ورا جوزك ف هو هيثق فيكي ازاي وسعتها هتباني صغيرة اوي قدام نقسك ده غير ان دي حاجة غلط ف اكيد مش فيها خير ليكي
تم النشر الثلاثاء، ٢١ فبراير ٢٠٢٣
دايره الغلط بتوسع للأسف.. زوجك سابك آه والاخر استغلك آه ولكن آنتي مش ضعيفه آوي كده عشان يسحلوكي وراهم.. الحمل تقيل عليكي ومشاكل مع زوجك يبقي حليها الأول واقفلي بابها الأول إن كان بالهدايه والصلح أو الانفصال لكن ادخل حاجه علي حاجه ده إسمه عك أنا أسفه وتبقي ظلمتي نفسك بنفسك وضيعت آلأتنين من أيدك بايدك. اقوي بنفسك وبناتك وشوفي النعم وركزي معاها واهو درس من ربنا يقولك الراجل الاخر مش خير ليكي وإنت من احتياجك لبعض الامور يسرتيله إنه يديهالك لما لمس فيكيي احتياجك. حببتي آه ليكي عذر بس حتي لو.. الشيله شيلتك والعمر وعمرك والنفسية نفسيتك فاعذري نفسك باليقويها ويسعدها. استمري فقربك من ربنا واستعيني بالله علي بناتك يحميهم لك وثقفي نفسك ورش وكتب إزاي تنجحي علاقتك بزوجك و استخيري جايز الخير فالانفصال بس الأول حاولي معاه وثقفي نفسك فاكتفائك بذاتك و ترويض مشاعرك.
تم النشر الثلاثاء، ٢١ فبراير ٢٠٢٣
اول حاجه لازم تعرفي ان في حاجه ف ايدك الي ف ايدك ده جوزك وبيتك وفي حاجه طايره ف السما شكلها حلو من برا وبعيده لكن من قريب قوي مش هتلاقيها بنفس الحلاوه ... وانشديتي ليه عشان بيعمل الحجات الي جوزك مبيعملهاش معاكي وانتي عايزاها المنطق يقول انك تحاولي مع جوزك مره واتنين وتلاته والف تطلبي منه المشاعر وكل التفاصيل الي انتي عايزاها لان ده حقك ولو رفض دخلي ناس كبيره ي تحل الموضوع يتنفصلي عنه .... تاني حاجه لازم تاخدي بالك منها وتسألي نفسك كام سؤال هل علاقتك بالشخص ده حرام ولا حلال؟ وجودك معاه وانتي لسه متجوزه صح ولا غلط؟ لو جوزك عرف بعلاقتك بيه رد فعله ايه وهل هتضحي ببناتك مع اي رد فعل ليه ؟ حابه انك تجاوبي نفسك ع الاسأله دي وانتي فاصله قلبك شويه ويارب تلاقي اجابه منطقيه تحافظ عليكي
تم النشر الثلاثاء، ٢١ فبراير ٢٠٢٣
ياريت منهربش من السبب الرائيسي وهو غياب الزوج الحل تكونو مع بعض في كل الاحوال احنا بشر وكلنا بنضعف محدش معصوم بس وجودك جمب زوجك هيعصمك
تم النشر الأربعاء، ١ مارس ٢٠٢٣
غالبا يعني .. بكتب ردود دبلوماسية .. بس مبدهاش بقي .. بصي يا استاذة 36 سنة في عمر اي كائن بشري هيه سن بيبقي فيها نشط جنسيا فعادي الهرمونات بتلعب لعبتها و بتغير دوافعنا و نظرتنا للامور بس انتي سيدة محترمة و متزوجة و أم دي نقطة فمينفعش ابدا بعد اما كنتي غالية و مكرمة في بيتك تنزلي للمستوي ده .. مالكيش اي مبرر .. فعلشان ربنا يغفرلك و ميغضبش عليكي و لا يفضح ستره من عليكي اتقي الله ، لو مش علشانك علشان بناتك ميحصلش معاهم كده دي النقطة الأهم ،و الراجل اللي يروح لست تانية متجوزة و يحاول يعمل علاقة معاها باي شكل يبقي انسان لا هو عنده دين ولا اخلاق و لا شاف حتي بربع جنيه تربية في اي بيت ، و طبعا عمره ما هيكون معندوش دين و هيخاف عليكي ابدا او حتي هيحترمك ، في الواقع غالبا يعني ( لو قدر يصورك أو يسجلك ) هيعمل كده .. بقولك كده علشان هيه الاشكال دي بتعمل كده و اكتر .. فكفاية اللي فات و حرصي لنفسك علشان لو اتبهدلتي بناتك هيفضلوا للأبد موصومين بالعار بسببك .. اتق الله .. اتق الله في بناتك و خلاص اللي فات مات نهائيا . نيجي لنقطة جوزك بقي .. الزوج في الجماع ليه حاجه واحدة بس عند زوجته الا و هيه انه يُجامعها من حيث امره الله يعني في ( المكان الطبيعي ) .. اما المداعبة او الملاطفة اللي بتشمل ( لمس اي جزء سطحي ) من الجسد فعادي .. لحد كده الراجل معملش اي شيء غلط .. طيب امتي يبقي غلط .. لما يطلب الجماع في( الدبر ) .. كده مبقاش زوج محترم بقي مجرد واحد من قوم لوط ، و دي حاجه محتاجة وقفة و حد كبيرة من اسرته يتدخل و ليكي انك تمتنعي نهائيا عن تنفيذ طلبه ومعليكيش اي ذنب او حرج، لو فيه .. حاجه تانية زي هنا https://youtu.be/qwTH2Jb6TJ4 يبقي لاء برضه .. لكن يطلب منك كلام معين او طريقة معينة او لبس معين عادي و حقه ، غير كده لا .. يا تصبري ، او ترفعي عليه قضية خلع او طلاق ممكن تخسري بناتك محتمل بس شوفي كلام المحامي ، او تحاولي ترجعيله بوساطة ولاد الحلال من الاسرتين او المقربين و ده علشان بناتك . الحل في ايدك بس بلاش السكك اللي ممكن تهد حياتك .
تم النشر الأربعاء، ٢٢ فبراير ٢٠٢٣
لعرض السؤال في فدني اضغط هنا