انا لسه متخرجه من اداب علم النفس الاكلينيكي وبعمل ماجستير بس ماما بتقولي اعمل ماجستير تاني في ألمانيا واكمل كمان دكتوراه هناك وفيه ناس كتير قالت لي ان تخصصات علم النفس في المانيا أفضل من مصر من ناحية الدراسه والشغل بس انا مش عارفه هل اعمل ده ولا لا
انا حاليا بعمل ماجستير وبتعلم لغه المانيه وقريب هنزل تدريب في مستشفى إن شاء الله انتو رأيكم ايه ؟!!!!
مبروك التخرج ، وعقبال الماجستير والدكتوراه .... اولا - التخصصات دي فعلا والخدمة اللي بتقدمها سواء المانيا او اي دولة بتهتم تحط ميزانية محترمة لرعاية الصحة النفسية والخدمة الاجتماعية ، هتلاقي فيها دراسة علم النفس والاجتماعية اكيد متقدمة كتير وبتهتم بالجانب التطبيقي العملي زي ما بتهتم بالجانب النظري .. فايوه والدتك رايها صح في النقطة دي .. اما فرص الشغل بعد كدا .. فدي بتعتمد على حاجات كتير لان لازم يتوفر لك ساعتها فيزة او اقامة ودا يعني نفقات اكتر على المؤسسة او الدولة اللى هتشتغلي فيها .. ولو هما مش محتاجين عمالة خارجية للتخصصات دي فهيبقى فرصة الشغل فيها مش كتيرة .. وفي الاخر الشغل دا رزق .. هيجي بعد ما تخلصي دراستك وتحققي شروط رخصة العمل ، وكل بلد وليها شروطها في النقطة دي. ثانيا - وبناء على راي كتير من اللي مشيوا في طريق الدراسات العليا والدراسة برة مصر .. كملي زي ما انتي في الماجستير وتعلم اللغة الالمانية وانتي في مصر ، كملي فيهم عادي جدا .. ربنا يوفقك وتقدري تحققي إنجاز فيهم وتخلصي الماجستير بخير .. وفي نفس الوقت ابدئي دوري على المنح وفرص الدراسة سواء في المانيا او اي دولة اوروبية تانية (لو انتي مسلمة ابعدي عن فرنسا) ، اعرفي شروط التقديم وظروف المنح ايه ، وابدئي قدمي بالفعل ، لأن دا هيساعدك على تحسين السي في ، وتقييم مستواكي العلمي واللغة عشان تبقى مناسبة للشروط ، وكمان تحسين اللغة قبل ما تسافري هتسهل عليكي التعامل من اول ما توصل لي للبلد (ألمانيا معظمها بيتكلم ألماني مش إنجليزي فيا اما يكون معاكي حد يتكلم بدالك او تكوني انتي قادرة تتكلمي الاساسيات على الاقل) ثالثا - انتي تقدري تقدمي على منح الدكتوراه على طول من دلوقتي ، مش لازم تاخدي ماجستير .. في دول كتير ممكن تسمحلك تبدئي على طول في الدكتوراه مش شرط تكوني مخلصة ماجستير .. طبعا بتبقى مرهقة وتضغطك شوية في الاول لان في حاجات هتكوني محتاجة تعرفيها في وقت قصير فاتت عليكي في البحث العلمي غير كمان فرق اللغة ممكن يسبب صعوبة زيادة شوية كمان، بس لو انتي كنتي مخلصة او قطعتي شوط كويس في الماجستير في مصر ، يبقى عرفتي اساسيات البحث العلمي اللى هتساعدك في دراسة الدكتوراه في اي بلد تانية .. وكله بيبقى اسهل مع الوقت والتعلم. -- رابعا ودي الاهم - هل انتي مستعدة للسفر والاغتراب و تحمل مسؤولية نفسك من الالف للياء في بلد بعيدة عن اهلك ؟ هل سألتي حكم الدين والشرع في سفرك لوحدك بدون محرم لمدة طويلة في بلد اجنبية و(انتي مش مضطرة لدا) ؟ ايه هدفك من الدراسة برة مصر؟ الدراسة بس ولا ناوية تكملي في البلد دي وتاخدي اقامة او جنسية؟ هل كمان ماديا تقدري تغطي نفقاتك هناك لو حصل لا قدر الله اي ظروف ادت ان المنحة تتعطل او تتوقف؟ لو انتي كنتي شاب مكنتش هذكر النقطة دي خالص ، لان الشباب ربنا خالقهم يقدرو يتحملو ويعافرو ويباتو على الرصيف عادي ويشتغلو في اي ظروف عشان يوفرو قرش .. لكن لو بنت لوحدك وملكيش اي حد في البلد اللى هتروحيها .. لازم تفكري كويس اوي .. لانها مش سهلة ابدا خصوصا لو دي هتكون اول غربة ليكي واول مرة تسافري لوحدك .. ربنا يوفقك ويختارلك الاصلح ليكي
تم النشر الأربعاء، ٢٩ يناير ٢٠٢٥
عزيزتي، أقدر قلقك وترددك في اتخاذ هذا القرار المهم بشأن مستقبلك الدراسي. من الواضح أنك تمتلكين طموحات كبيرة في مجال علم النفس، وهذا أمر رائع. إذا كنتِ تفكرين في الدراسة في ألمانيا، يجب أن تأخذي في الاعتبار بعض النقاط. أولاً، ألمانيا تُعتبر وجهة أكاديمية مميزة، خاصة في تخصصات علم النفس. توفر الجامعات هناك برامج دراسات متميزة وقد تكون لديها فرص عمل أكبر بعد التخرج. لكن، يجب أن تحللي أيضاً تجربتك الحالية. أنتِ في مرحلة الماجستير الآن، وقد بدأتي تعلم اللغة الألمانية واستعديتِ للتدريب في المستشفى، وهو خطوة مهمة جداً لبناء خبرتك العملية. قبل اتخاذ القرار، حاولي التواصل مع طلاب أو خريجين درسوا في ألمانيا، واستمعي إلى تجاربهم. فكري أيضاً في ما يناسب طموحاتك الشخصية والمهنية. إذا كنتِ تشعرين بأن مزيد من الدراسة في الخارج سيمنحك الفرصة لتطوير نفسك وزيادة فرص العمل في المستقبل، فكوني جريئة في اتخاذ هذه الخطوة. في النهاية، اختاري ما يتماشى مع رؤيتك لمستقبلك واحتياجاتك الشخصية. تذكري أن كل قرار يحمل في طياته فرصاً وتحديات، لذا كوني مستعدة لاستقبال أي تجربة قد تأتي في طريقك. وفقك الله في مسيرتك.
تم النشر الثلاثاء، ٢٨ يناير ٢٠٢٥
حبيبتي شكرا علي الدعم ❤️
تم النشر الأربعاء، ٢٩ يناير ٢٠٢٥
خديني نتعلم مع بعض الماني♥️😂. رأيي ان طنت عندها حق لاسباب كتير. لا اقلل من شأن الدراسه هنا طبعا ولكن في جزء واقعي لازم تاخدي بالك منه. انك صعب حبه تشتغلي ف مصر في مستشفي وحضرتك خريجه اداب. فطبعا دراستك الخارجيه هتفيدك وهتقوي فكره اولويتك للاختيار كمعالج. الشرق قليل الانتاجيه للعلوم حالياو وبالتالي هتكتسبي علم كويس تقدري تستفادي بيه هنا بشكل مضاعف. واحب. اشكر طنت الحلوه انها بتشجعك♥️
تم النشر الأربعاء، ٢٩ يناير ٢٠٢٥
خلاص ارجعي جربي سنة في مصر وبعدها قارني وخذي قرارك .. أو باختصار اتواصلي مع طالبة في مصر واعرفي منها تفاصيل حياتها اليومية... ومن سلك طريقا يلتمس فيه علما سهل الله له به طريقا إلى الجنة .. بالتوفيق🫡
تم النشر الخميس، ٣٠ يناير ٢٠٢٥
لعرض السؤال في فدني اضغط هنا