السلام عليكم معايا مشكله في الدراسة وانا ٣ث حاليا وبسبب كدا مش عارفه اذاكر وخلاص السنه بتخلص وانا لسا ف مكاني
كل م اجي اذاكر اخاف وابدا اسوف واسيب المذاكره والمحاضرات واهرب بالنوم وماليا انا ضايعه بسبب كدا وكل مره اقول هبدأ واستعين بالله
ارجع اخاف وانعس وصداع جامد وتوتر وحرفيا بيوصل لتعب بقعد بالايام ف السرير من كتر التعب وانا عارفه كويس ان دا بسبب عقلي
وانه مهيا كل دا عشان مفكر أن المذاكره و٣ث حاجه صعبه اه هي سنه مصيريه بس انا فعلا محتاجه مساعده مستقبلي بيضيع مني وانا مشعارفه اعمل اي
دورت على حلول كتير ودعيت ربنا وكل الاشارات بتدل اني لازم ابدا بس انا بخاف من اي شيء بجد والمذاكرة بخاف اذاكر او حتى امسك كتاب الموضوع يبدو غريب بس الخوف من المستقبل والنتيجه مأثر عليا جامد عارفه ان كل دا ب ايد ربنا بس انا عايزه اغلب الخوف دا وبجد ابدا انا بضيع سنه كامله من عمري لاني بس خايفه ومش متاسسه وكل شويه اهرب ي بالنوم او اقول هاجل واخد سنه جديده وانا عارفه ان مفيش حاجه هتتغير طول م انا لسة بالتفكير دا
وعليكم السلام ورحمة الله وبركاته طيب لو طرحت عيلكي سؤال ؟ هي مش كده كده من وجهة نظر عقلك ان الموضوع ممكن مينفعش وتجيبي مجموع وحش! طيب ما ايه رايك تلعي معاه لعبة كويسة! انتي لو مذاكرتيش هتجيبي مجموع مش كويس؟ ومن وجهة نظر عقلك، برضه ممكن تذاكري ومتجبيش مجموع كويس؟ طيب ما تحاولي طالما كده كده الموضوع مش نافع! مع ان اساسا المستقبل ده مش بتاعنا، ده بتاع ربنا .. والله اعلم ايه اللي ممكن يحصل. اعملي اللي عليكي وخلاص، مفيش حاجه صدقيني ممكن تتعمل غير كده. انك تعملي اللي عليكي .. اي شئ تاني مش بتاعك. النتيجة مش بتاعتك. متنسيش نفسك مع الوقت .. لان الوقت سريع وكل ما تأجلي مفيش حاجه هتتغير غير انك هتبقى اسوء في وجهة نظر نفسك وفي وجهة نظر اهلك. خليكي قد المسؤولية .. والثانوية العامة مش نهاية الكون ... ومش اي حاجه اصلا غير انها سنة زي اي سنة. انتي اصلا ممكن تدخلي كلية وتطلعي تشتغلي اي حاجه تانية. ف ركزي ومتضيعيش وقت اكتر من كده. وبالتوفيق
تم النشر الاثنين، ١٨ مارس ٢٠٢٤
استعيني بالله واكثري من التسبيح وقراء ولو جزء بسيط من القرآن كل يوم وآية الكرسي قبل النوم وذاكري دروسك وتوكلي علي الله فإنه لايصيع اجر من احسن عملا
تم النشر الثلاثاء، ١٩ مارس ٢٠٢٤
فكري انتي خايفه تمام طيب لو ذاكرتي حتي لو 50% احسن ولا انك تنامي ومتذاكريش خالص ومتنحجيش اصلا احسن محدش هيقدر يطلعك من الي انتي فيه غيرك لما تعرف اهميه انك تبداي تنظمي وقتك حتي لو بحاجات بسيطه هتتشجعي وتكملي وربنا يوفقك حبيبتي
تم النشر الثلاثاء، ١٩ مارس ٢٠٢٤
استهدي بالله وعليكي بالقران اقراي قران كل اما تيجي تذاكري حتي لو صفحة واحدة وصلي ركعتين بنية ربنا يهديكي للمذاكرة وتوكلي علي الله
تم النشر الثلاثاء، ١٩ مارس ٢٠٢٤
اقولك حاجه انا في تالته ثانوي بردو بس تجاره وامتحاني في شهر ٥ قرب اهو ومش مزاكره حاجه نهائي ومواد كتير تراكمة عليا بس الحمد لله بشوف حل
تم النشر الاثنين، ١٨ مارس ٢٠٢٤
لعرض السؤال في فدني اضغط هنا