ادركت انى انسانه مش سويه نفسيا وغير قادره على الدخول فى اى علاقه سواء صحاب او ارتباط فعلا انا مشتته نفسياً بطريقه رهيبه ده غير انى كمان دايما بحس نفسي بعمل حاجات مش بفهمها يعنى عندى واحده صاحبتى بنبقى بنتكلم عادى وبحس نفسي انى مش طيقاها خالص ولا عاوزه اكلمها بدون سبب وكمان عندى موضوع عدم الثقه ده مش طبيعي بجد يعنى من وانا صغيره مريت بتجارب كتير جدا فاشله فى العلاقات اتعودت اكون طرف تالت دايما ومبصدقش لو لقيت حد بيحبنى وفى واحد بيحبنى وانا بحبه وكنا صحاب ولما قرر يتقدم وحسيت انو فعلا بيحبنى بعدت عنه فوراً لانى مبقتش مقتنعه ان حد بيحبنى الفكره اتزرعت فيا من وانا صغيره ده غير انى بخاف من الإرتباط بحب ولكن لو جات الفرصه ببعد عشان جبانه خايفه اتعلق وبعدين نبعد بخاف من الفراق وهو كان بيحبنى جدا وبيقولى كلام جميل وانا مش فاهمه بيحب فيا ايه انا بحس نفسي انى نكره وانى مستاهلش ده وحاولت كتير اتغير بس بعدت عنه عشان هو زهق من كتر ما بيقنعنى انو بيحبنى وانا مبصدقهوش وانا حاسه انى هدخل حياه اى حد اشك فيه واتعبه معايا وعارفه ده عدم ثقه بس غصب عنى بخاف من الرجاله بشوفهم كائنات مرعبه وعندى صدمات نفسيه اكدتلى ده
أختي العزيزة، أشعر معك بما تمرين به من مشاعر صعبة ومعقدة. إنه من الطبيعي أن تتأثري بتجارب الماضي، خاصة تلك التي كانت مؤلمة أو صعبة، لكنها ليست النهاية. لديك وعي كبير بمشاعرك، وهذا يعتبر خطوة هامة نحو تحقيق التغيير الإيجابي. عدم الشعور بالثقة بالنفس أو بمشاعر الحب قد يرجع إلى تجارب سابقة تشوّه تصوراتنا عن أنفسنا وعن العلاقات. اعتنقي هذه المشاعر، وحاولي أن تعملي على فهم أسبابها. من خلال فهمك لذاتك، يمكنك العمل على بناء الثقة والتواصل المثمر. إليك بعض الخطوات التي قد تساعدك: التفكير في الذات : حاولي تدوين أفكارك ومشاعرك. ما الذي يجعلك تشعرين بعدم الثقة؟ ما هي الأمور التي تثير قلقك تجاه العلاقات؟ الصداقة : ابحثي عن علاقات صداقة صحية تدعمك. تواصلي مع أصدقائك الذين يهتمون لأمرك. ربما تساعدك هذه العلاقات في إعادة بناء ثقتك في الآخرين. المساعدة المتخصصة : إذا شعرت بأنه من الصعب التعامل مع مشاعرك بمفردك، فكر في استشارة معالج نفسي. يمكنهم مساعدتك على تجاوز هذه الأفكار وتعزيز ثقتك بنفسك. الخطوات الصغيرة : حاولي الخروج من منطقة الراحة لديك خطوة بخطوة. ابدئي بالتواصل مع الأشخاص بشكل تدريجي، وفكري في ما يمكن أن تقدميه في هذه العلاقات. التحول قد يتطلب وقتًا وصبرًا، ولكن بالإرادة والرغبة في التغيير، يمكنك بناء شخصية قوية وثقة بنفسك. تذكري أن تجاربك لا تحددك، بل هي جزء من مسيرتك نحو التطور والنمو. كوني قوية وأملي في الله.
تم النشر الخميس، ٢٦ سبتمبر ٢٠٢٤
الشعور ده ممكن يكون سببه الخذلان الي اتعرضتي وهز ثقه في نفسك وخلاكي مش بتثقي في الناس مهما اثبتوا ليكي صدقهم وحسن نواياهم مع تجارب لاشخاص مقربهم ليهم فوصلتي للمرحله دي حاولي تشوفي كل شخص حبك ايه الصفه الحلوه الي شافها فيكي وانتي هتعرفي انك فعلا انسانه تستاهل انها تتحب وتحب واشلغي نفس بحجات في حياتك دي هتعزز ااثقه في نفسك اكتر مفيش حد في العالم مفهوش صفه او اتنين حلويين ومفيش حد كامل وابعدي علي الافكار السلبيه دي لان ممكن تخسرك ناس بجد بتحبك وربنا ييسرلك حالك
تم النشر السبت، ٢٨ سبتمبر ٢٠٢٤
حسبك كتاب الله فإلزميه ففيه الخبر وفيه العبر عايز اقولك بس ان دي مش حاجه سيئه والفكره دي انت زرعتيها لتقبلك كلام الشيطان بينما ربنا قال " إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ " من سورة آل عمران- آية (175) فحقيقي ده مش صح عادي نخسر ناس في الدنيا بس ما اسمها ما كونا مناسبين لهم ده تفكير غلط بردو لو فكرت كده الحقيقه انه الموضوع عباره ان هما اللي ما كانوا مناسبين لينا أنفسنا ما بتتغير عشان تلائم وضع أنفسنا غاليه علينا ودي هبه من الله تميزنا والرسول ﷺ قال: " لا يحقكرن احدكم نفسه " فأعلمي انك بصمتك مميزه عن غيرك وحتى عقلك فلذالك ما تزعلي بل انت ممكن تكتشفي كمان انهم لو بقوا هيكونوا سلبيين او مضريين وخسارتهم احسن بكتير والله صدقيني الحياه أحسن لما تكون مع ناس مخلصه بجد مش ناس بنخلق احنا اخلاصهم بافعالنا وتغيرنا لنفسنا « أعلمي أن ما دون الله متغير والله وحده ثابت» تحت هذه العباره عقيده كامله ان كل شيء في الدنيا ممكن يروح او ممكن يعطيك بقدر اليوم وتاني يوم يتغير الا ربنا دايما معاك في الحلو والصعب وعايز اضيف اخر نقطه اخيره اللي عايزك دخلي من باب البيت بطريقه الاسلام اللي ربنا وضعهالك لا تخلي فكره التعارف والارتباط المحرم من وراء اهلك شيء عادي لان ده غلط وحرام وغالبا هيفشل ولازم بيندمك لان اللي هيغلي قيمتك هيجي على طول من باب البيت مش يجرب ويشوف هتنفع او لاء فما ترتكبي الذنب ده وتستني نفسيتك تكون كويسه لا توبي عنه وربنا هيرح نفسك وتغلى قيمتك في نظر نفسك وحفظك لاهلك وقواعد ربنا
تم النشر الجمعة، ٢٧ سبتمبر ٢٠٢٤
اكتئاب وكتر اللي بنشوفه من اقرب الناس بقينا علي يقين بان اي حد ممكن يتغير فجاءة
تم النشر الجمعة، ٢٧ سبتمبر ٢٠٢٤
لعرض السؤال في فدني اضغط هنا