دلوقتى انا في حيره جامده جدا ومش عارف اخد قرار
انا اتعرفت على بنت من فتره هي من محافظه تانيه ويعتبر عرفنا اهلنا مبدأيآ
جت وقت الجد وفي كلام كتير كانت قايله عليه طلع كدب
زي مثلا أنها كانت قايله أنها من منطقه وطلعت ساكنه في حته شعبيه جدا ومش شعبيه ال هو حته عاديه لا حته زباله ومنطقه مشهوره بالعيال البرشمجيه
وخدت وقت أفكر وبعدين قلت كدا كدا انت ال هتاخدها تسكن عندك مش انت ال هتروح عندها
وعديت الموضوع مع العلم انها بتشغل دماغها كويس جدا في أنها تحكي اي وتداري اي وانا يعتبر فاهم ال هي بتعمله بس بطنش
المهم بدأت أسأل شويه عن المكان وبعض الحاجات وهي بدأت تحكي اكتر أن بنت خالتها تعرف عيل من العيال ال بتقف على الناصيه ويعتبر مدمر سمعتها ومعرف المنطقه كلها أنها بتمشي معاه وكدا والمصيبه أن بنت خالتها فرحانه
انا عملت مشكله على الموضوع دا وهي قالت إنها متقدرش تحكم بنت خالتها ومتقدرش تعمل حاجه (مع العلم كلهم ساكنيين مع بعض يعني السمعه تجيب الكل )
وقالت إنها مستنيه نلبس الدبل وساعتها لو بنت خالتها فضلت كدا هي مستعده تبعد عنها والكلام دا
المهم انا معدتش الموضوع وفضل ف دماغي
بعدها بفتره اكتشفت من طرق ليا إن في زي الرجاله ال هما بيبقو زى كبار الشارع وكدا ال هو برشمجيه بس كبار في السن شويه يعني
ليهم كلام مع خالتها وكدا ولما سألت قالت إن دي معارف عادي وعشان يخلو بالهم من المحل بتاعهم وفي نفس الوقت لما بيحصل خناقه ول حاجه بيقفو معاهم وكدا
انا بقا دماغي راحت بعيييد
العيله كدا بنسبالي زي الزفت ومنطقه انا ادخل فيها اهلي ازاي بالمنظر دا
دا بالطريقه دي يوم ما هدخل المنطقه مليون في الميه هتعارك لان انا مستحيل اعمل نفسي مش واخد بالي من الحاصل حواليا
طب انا كدا هبقا ظلمتها ؟ خدتها بذنب هي ملهاش دعوه بيه ؟
مع العلم أن لحد دلوقتي البنت بنسبالي محترمه ف حاجات كتير وبتسمع الكلام
ولكن الحوارات حوليها كتير مش عارف اخد قرار الحقيقة
ومش عارف هل انا كدا هضر نفسي وهضر اهلي ول لا
ف ياريت حد يفدني
احنا مقدرين التضاد فى التفكير وطبعا الموقف الظاهر من الكلام انني لا اكذب لكني اتجمل ودي بتكون حيلة دفاعية للبشر لما بيكون عايز يوصل لحاجة نفسه فيها بس مش عارف يوازن لكن لو عايز حقيقة الأمور دور على الثقة والأمان بينكم هتوصل للحقيقة اديها الأمان وبلاش كرمبو فى الحوار
تم النشر الاثنين، ٧ أبريل ٢٠٢٥
🎤 إجابة صوتية
تم النشر الاثنين، ٧ أبريل ٢٠٢٥
الكدب غير مقبول بس خلينا واقعيين ونفهم ان اكيد السبب ورا الكدبة دي انها كانت خايفة تسيبها لما تعرف انها ساكنة في منطقة شعبية مع ان دي حاجة متعيبش حد ابدا ومينفعش تحكم عليها للسبب دا وأعتقد لو خدت عيلتك بعربية لغاية باب البيت دا هيبقي حل مناسب ومش هيحصل مشاكل بالنسبة لحوار خالتها وبنت خالتها هي اكيد ملهاش اي علاقة بيهم واللي يحكمك هو سلوك البنت دي لو هي محترمة وكويسه يبقي مينفعش تاخدها بذنب الباقي بس برضو الجواز بيبقي تداخل عيلتين ولو انت مش قادر تتقبل سلوكهم وشايف انها ممكن تسمع منهم وتتأثر بيهم وبالتالي هيأثر علي علاقتكم يبقي محتاج تفكر كويس وتشوف مدي تأثيرهم في حياتك وممكن تتقبل دا ولا ولا عشان متظلمش البنت معاك وفي الاخر تمنعها تشوف اهلها، ممكن تتكلم مع والدها او حد كبير في العيلة وتحكيله مخاوفك دي بشكل صريح واهم حاجة تفكر كويس قبل ما تاخد قرار عشان البنت ملهاش ذنب في كل دا وفي الاخر هي لو من نصيبك هتلاقي ربنا بييسر الأمور
تم النشر الاثنين، ٧ أبريل ٢٠٢٥
أفهم تماماً الحيرة التي تمر بها، فهي مسألة حساسة تتعلق بمستقبل العلاقة وتعاملاتك مع عائلتك. من المهم في مثل هذه الأمور أن تبحث عن التوازن بين مشاعرك تجاه الفتاة والسمعة والمكان الذي تنتمي إليه. أولاً، يجب أن تدرك أن الشخصيات يمكن أن تختلف من فرد لآخر. لا تحكم بصورة شاملة على الفتاة لمجرد أن عائلتها أو محيطها يمتلك سمعة معينة. في الكثير من الأحيان، يمكن أن تكون الشخصيات في العائلة أو البيئة المحيطة بها مختلفة تماماً عنها. ثانياً، عليك أن تتحدث مع الفتاة بصراحة وتوضح لها مخاوفك واستفساراتك. المهم هو أن تتأكد من مدى صدقها ونيتها. إذا كانت تحترم العلاقة وتظهر التزامًا بها، فإن النقاش المباشر قد يساعد في فهم الأمور بشكل أفضل. من المهم أيضًا أن تفكر في كيف ستؤثر هذه العلاقة على حياتك وعائلتك. الفتاة قد تكون محترمة ومؤدبة، ولكن البيئة المحيطة بها قد تثير الكثير من التساؤلات والضغوط. عليك أن تسأل نفسك: هل يمكنك التعايش مع تلك البيئة؟ وهل تستطيع اتخاذ القرارات في مواجهة انتقادات أهلها أو سمعتهم؟ وفي النهاية، لا تنسَ أن تُصلي استخارة، فهي قد تعينك على اتخاذ القرار الأفضل بالنسبة لك. اترك الأمر أيضًا لحكمتك العقلانية، ووازن بين مشاعرك وواقع الحياة. إذا كان لديك مخاوف مستمرة، قد يكون من الأفضل أن تعيد تقييم هذه العلاقة، لأن الزواج شراكة تتطلب توافقًا على القيم والبيئة. وفقك الله في اتخاذ القرار الصحيح.
تم النشر الاثنين، ٧ أبريل ٢٠٢٥
لو انت مقتنع بالبنت وراضي فيها وسمعتها تمام كمل علاقتك معها ولاتحملها ذنب غيرها وزي ماقلت هي بتسكن عندك ولما كذبت عليك هذا نتيجة خوفها من ردة فعلك لما تعرف انها ساكنة في منطقة زي كذا هذا خطأ منها، وقبل هذا استخير الله واللي يطمئن له قلبك سويه وخلاص
تم النشر الثلاثاء، ٨ أبريل ٢٠٢٥
لعرض السؤال في فدني اضغط هنا