لا ادري ما حل بي أشعر بالتوهان والحيره والتشتت الشديد مش عارفه اي الي حصلي انا مكنتش كدا بقيت وحده بضيع وقتها جدا حتي في الدراسه انا حاليا المفروض عندي درس بكرا ولازم اذذاكر لاكن انا لا مش عارفه اي الي بعملو دا حاسه نفسي اني مغيبه عن الوعي مش حاسه باي حاجه مبقتش اعمل اي حاجه مفيده في حياتي زي الاول نفسي ارجع لزمان لما كنت مستمتعة بحياتي دلوقتي مش مستمتعة باي حاجه بعملها حاسه اني جسد بلا روح حرفيا مش عارفه في اي عاوزه اصرخ واطلع الي جوايا وعلي الرغم إني عارفه السبب الأساسي لكل دا اي وهو أن علاقتي بربنا باظت بقيت بحافظ علي الفروض بالعافيه من وحده كانت بتصلي السنن كلها ومحافظه علي الذكر والاذكار ديما مش عارفه اعمل اي حرفيا قلبي مات مفيش اي احساس بقيت يعاني من جمود في المشاعر وبقا عندي لامبالاة فظيعه حرفيا بقيت مستعده تمام اخسر كل الناس عادي مبقتش حاسه باي حب ناحية اي حد انا اصلا معرفش يعني اي حب ف دا شي عادي لاكن دلوقتي بقيت عادي جدا لو حد زعل مني مرحش اصالحه لا بقا عندي جمود مشاعر رهيب انا شايفه ان دي نقطه حلوه بقت فيا بس مش للدرجة دي انا عاوزه ارجع لنفسي القديمه غير كدا انا وحده من متعددي الشغف عندي شغف في اكتر من حاجه بقيت يعاني من عدم تنظيم الوقت التلفون بقا شاغلني اوي وفي نفس الوقت مش عارفه ابعدو عني بسبب متابعة البنات والدورات والمحاضرات حرفيا حاسه بتوهان رهيب مش حاسه بنفسي ولا حاسه بالوقت طول الوقت حاسه اني عايشه في عالم موازي وكاني مش عايشه علي أرض الواقع عاوزه ارجع زي الاول
عرفكره التوهان ده من انك بعيده عن ربنا قربي من ربنا وانتي هتلقي السعاده كلها وهتلقي أن ربنا كرمك اوي وهيسعدك وهيقرب منك كل ولاد الحلال إنشاء الله وهتلقي التوهان ده تدريجا هينتهي مع مرور الوقت بس انتي قربي من ربنا
تم النشر الاثنين، ٥ فبراير ٢٠٢٤
اول حاجة حاولي ترجعي لربنا بأي طريقة ممكنة ومش لازم أول مترجعي تقولي مثلا انا هصلي كل الصلوات والسنن لانك لو مصلتيهمش هتفقدي الشغف ومش هتصلي خالص خديها وحدة وحدة وكذلك في الدراسة وعايزة اقولك ان انا كنت حاسة بكل اللي انتي بتقوليه وبجد كانت اسوء فترة فحياتي وكنت متغيرة اوي لدرجة ان كل الناس لاحظوا التغير دا كأني كنت وردة ودبلت وعايزة اقولك ان على الأغلب انتي عندك فقدان شغف ودا مش حاجة سهلة تستهويني بيها ابحثي و شوفي هل عندك فقدان شغف فعلا ولا لأ وقتها ان شاء الله تعرفي تتعاملي وتحددي دي اي بالظبط ومتقلقيش كل حاجة بتعدي
تم النشر الثلاثاء، ٦ فبراير ٢٠٢٤
اكيد التوهان ده بسبب بعدك عن ربنا وتقصيرك معاه حاولى تقربى من ربنا وتصلى قيام الليل حقيقي هيفرق معاكي جدا صدقينى وحطى قدامك هدف ولازم تحققيه انك مثلا تفرحى بابا وماما وتبقى حاجه نافعه لنفسك ولغيرك وربنا يوفقك ويريح بالك ويصلح حالك يارب العالمين 🤲🏻🤍
تم النشر الأربعاء، ٧ فبراير ٢٠٢٤
أنصحك بسماع محاضرات دكتور عبدالرحمن ذاكر الهاشمي في فقه النفس ، كل ما تشتكين منه ما هو إلا عدم فهم للنفس وعدم تحديد الأهداف الحقيقية لحياتك والشتات والبحث عن الكمال ، ابدئي أولا بمحاضرة فقه اليوم والليلة ومحاضرة طمأنينة النفس بين وهم الكمال وزحام المشتتات ثم إن أمكن أن تسمعي لدورة من أنا ولم أنا .. هي طويلة ولكن ستزكيك بطريقة منهجية وسريعة
تم النشر الاثنين، ٥ فبراير ٢٠٢٤
جربي انك تركني التليفون لمدة ساعتين او ثلاث ساعات وامسكي ورقة وقلم واقفلى على نفسك باب الأُوضه واكتبي اي اللى مريحك واي اللى نفسك تطوريه واي الحاجه اللى شغلاكي وابتعدي عنها والحاجه اللى مش مخلياكي تذاكري
تم النشر الأربعاء، ٧ فبراير ٢٠٢٤
تبدي بانك توقفي الاشياء التي تضيع لك الزمن دا بيتيح ليك تعرفي انت عاوزه تعملي اي في زمن الفراغ؟ وتبدي تبحثي لو عندك دراسه هتدرسي لو عندك كتاب حاتقري ولو عندك رياضه والموضوع مش هيظبط من اول مره كل مره تقعي في المشتات اعرفي لماذا رجعتي لنقطه الصفر واستمري واعرفي انو البدايه صعبه بس هتتعودي ولو سالتي الاوائل والنجحين هل انتم متعبين؟ هقولو لك لا عارفه لي؟ لانهم اتعودو والاستمرار اهم من البدايه والاهم من دا كلو صلتك مع ربنا اسال الله لك التوفيق والثبات والهدايه ولي ولجميع امه محمد صلى الله عليه وسلم
تم النشر الاثنين، ٥ فبراير ٢٠٢٤
رجعي علاقاتك ب ربنا واعقدي النيه وربنا هيوفقك وهتطلعي من اللي انتي فيه لو حابه تشجيع علي الصلاه والورد اليومي انا هعمل جروب ممكن ادخلك فيه
تم النشر الاثنين، ٥ فبراير ٢٠٢٤
مانا بقولك أهو اسمعي محاضرات فقه النفس لدكتور عبدالرحمن ذاكر الهاشمي هتعرفي حاجات كتير مكنتيش تعرفيها عن نفسك وتقدر تزكي نفسك بعدها
تم النشر الاثنين، ٥ فبراير ٢٠٢٤
ف حاجة حصلت هي ال خلتك تتغيري ؟
تم النشر الثلاثاء، ٦ فبراير ٢٠٢٤
افضل شي الاستغفار والصلاه وقراءه الازكار اللهم صل وسلم وبارك على سيدنا محمد عليه افضل الصلاه والسلام. اللهم ثبتنا علي دين الاسلام
تم النشر الثلاثاء، ٦ فبراير ٢٠٢٤
ما أنا مش عارفه نفسي ولا عارفه اعرف نفسي ازي وعندي احلام وأهداف عايزه احققها ومش عاجبني الوضع الي انا فيه ومش عايزه افضل كدا كتير بس مش عارفه ابداء ازي
تم النشر الاثنين، ٥ فبراير ٢٠٢٤
تم النشر الاثنين، ٥ فبراير ٢٠٢٤
@T lmtoor وانا بشعر بنفس كل دا وبقت محصلتي الدراسيه سيئه وبعاني من التفكير المفرط من زمان اوي والي الان مش عارفه اتخلص منه
تم النشر الاثنين، ٥ فبراير ٢٠٢٤
استعيذي بالله من الشيطان.. قومي خدي شاور حطي برفيوم بتحبيه شغلي قرأن بصوت هادي مثل مشاري او اسلام صبحي او احمد العجمي وصلي ركعتين واسجدي سجده طويله اكثري فيها الاستغفار... خلصتي صلاه قومي اعملي مشروب بتحبيه واقعدي فمكانك المفضل شويه بعيدا عن الدوشه متحاوليش تفكري ف اي حاجه خدي نفس عميق واشربي مشروبك بحب وانتي بتستخفري ومسافه م تخلصي مشروبك هتحسي بالفرق وادعيلي ♥
تم النشر الاثنين، ٥ فبراير ٢٠٢٤
انا كمان بعاني من نفس المشكلة تقريبا زياده كمان اني ممكن اتخيل احداث و اعيش معها و كمان اتأثر بيها رغم انها محصلتش يتعب بجد منها (يعني ممكن اكون مخنوق يومين بسسب حاجه ما حصلتش) + لو في حاجه مثلا حصلت في الماضي موقف مثلا بيني و بين زميلي بقعد افكر كتير فيه و قول لنفسي طيب ما كنت تقول كذا و كذا......... تعبت من كتر التفكير اللي ما لوش لزمة دا بجد + كمان بقيت متقلب المزاج يعني ممكن اكون فرحان و الدنيا تمام معايا و شايف نفسي هطلع القمر و فجأه بلا اي سبب يجيني اكتأب و حسن اني مالي لزمه و كمان افكر و اقول انا عايش ليه اصلا + و في الفتره الاخيره حسيت اني لما اذاكر بقيت بفهم ب بطئ مش قادر استوعب زي الاول مش عارفي اي السبب + كمان احيانا بسمع ذنه كده في ودني..........
تم النشر الأحد، ٤ فبراير ٢٠٢٤
لو تقدري تتخلي عن الهاتف فترة هايكون أفضل وتحاولي تمشي حياتك بالورقة والقلم أو ترجعي زاي ما كنتي قبل الهاتف وتدريجيا استخدميه بأوقات معينة وخلي مامتك أو باباكي رقيب عليكي مش للمراقبة لا انتي هاتطلبي دا منهم كمساعدة لحد ما تتعودي
تم النشر الأحد، ٤ فبراير ٢٠٢٤
اكثري من الاستغفار و ادعي الله انه يعينك علي الفرائض والسنن والاذكار، واكثري من الاستماع للقرآن و ابتعدي عن اماكن الذنوب. وبأذن الله هترجعي تلتزمي بالسنن والاذكار زي الاول و حال قلبك هينصلح.
تم النشر الأحد، ٤ فبراير ٢٠٢٤
لعرض السؤال في فدني اضغط هنا