مشكلتي اني بحب واحد اصغر مني ب ٣ سنين .. انا ٢٣ سنه وهو ٢٠ واحنا الاتنين شغالين ف نفسي المجال وشاطرين فيه ومتميزين وحبيته عشان كدا أنه شاطر ومتميز ومسؤول وطموح وحنين ومتمسك بيا وهو اللي اقنعني أن السن مش عائق .. بس مش عارفه امتا اعرف اهلي هو لسه قدامه سنه كليه وسنه جيش ولسه معندهوش شقه وهيكون نفسه ..وانا خلصت واتخرجت واحتمال اسافر اشتغل برا .. وهل لو عرفت اهلي أو بعد سنتين لو جه اتقدم اقنعهم ازاي ..محتاجه رأيكم💔
فلنفترض انه حب إلا انه صعب تحقيقه بسبب العوائق، ده طبعا مش هنتكلم على عدم جواز كلامكم سوا، فانتي متظلميهوش ولا تظلمي نفسك لأنه على ما يتخرج ويشتغل ويكون نفسه هتكوني بقيتي ٣٠ سنة ده بخلاف ان عادي مشاعره تتغير او مشاعرك فتندمي على الوقت الضايع. شوفي واحد كفء لكي وربنا يوفقكما.
تم النشر الخميس، ١٢ يناير ٢٠٢٣
مغامرة كبيرة جدا طيب احنا هنتكلم مع بعض في كذا حاجة، وأول حاجة هي الحب هل تعتقدي انك بجد حبتيه؟ أصل فيه ناس كتير متميزة وشاطرة وكويسة وطموحة .. هل ديه أسباب حب؟ وهل اساسا ده يبقى حب؟ ايه هو الحب ليه مقولتيش انك معجبة مثلا بشخصيته .. او حابه شخصيته، زي اي شخصية كويسة ومميزة. علاقات كتير بتنجح سواء كنتي اقل منه في السن او اكبر منك في السن ومفيش ابدا ثوابت في الجزء ده. ولكن بيبقى فيه راي معين في كل موقف من المواقف .. زي موقفك دلوقت. زي قلقك .. وزي ترددك وانتي مش عارفه هل اللي بيحصل ده صح ولا لا ؟ هل ممكن اخسر ولا اكسب؟ ولكن يا عزيزتي العلاقات كده كده مفيش فيها اي ضمانات، ولكن كل ما على الشخص انه يعمل اللي عليه، يعمل الصح من وجهة نظره. أول حاجة انتي لازم تتأكدي انه فعلا عايزك، على الاقل لازم يجي يكلم اهلك .. يقولهم ظروفه والله انا متمسك ببنتكم ولكن لسه معايا شوية حاجات وخطوات في حياتي لازم تخلص، لكن انا حريص على اني لازم اجي البيت واعرفكم وعلى الاقل لازم ياخد خطوة على الاقل قراءة فاتحة .. تلبيس دبلة خطوبة .. اي حاجة بسيطة. ولكن على الاقل الشخص اللي قدامك يبان انه جد يعني، اصل الكلام سهل .. سهل اوي، والوعود مفيش اكتر منها، ف على الاقل لازم تضمني انه شخص جاد. علشان كلمة الراجل اللي بجد لازم تكون سيف. تاني حاجة .. 20 سنة وحتى 23 ديه مرحلة في حياة الواحد كده مراهقة برده .. يعني الافكار والمشاعر وتغغيرات الشخصية بتتغير كل شوية، ف سن اللارتباط نفسه في السن ده بالنسبة لرأي الشخصي مينفعش خالص الصراحة. لان الواحد حقيقي شخصيته بتتكشل وبتتغير .. واحتياجاته بتختلف من وقت للتاني .. وركزي في ديه ... احتياجات الواحد بتتغير. فالشخص اللي عنده 20 دلوقت .. لما يبقى عنده 21 او 23 .. هو هيتغير .. بالتأكيد .. وانتي كمان هتتغيري وكل شوية هتتغيروا؟ السؤال هنا هل نتي معتقدة انك بعد كام سنة هتكونوا نفس ذات الاشخاص مع بعض؟ لان شخصيتكم دلوقت لسه مش مكتملة. هل تعتقدي ذلك .. الجواب يرجع ليكي. كمان خلي في بالك انه قدامه عدد سنين محترمة جدا علشان يقدر يفتح بيت ويكون مسؤول عن اسرة ... هل هتقدري تقعدي عدد السنيين ده لو جه حد اتقدم وكان مناسب من كل جميع الاتجاهات بقى ساعتها ؟ هيكون رد فعلك ايه؟ انا بحاول افتح معاكي مجالات للاسئلة علشان في الاخر قرارك لازم يكون محسوم. ولكن .. حاليا لازم اهلك يكونوا في الصورة .. لازم علشان انتي تعرفي الموضوع هيروح فين بالظبط. وهأكد عليكي تاني العلاقات مش مضمونة كده كده .. لكن فيه علاقات بتبقى على منظمة والواحد عارف هو بيعمل وبيخطط ل ايه فيها وعدد العواقب والنجاح هيبقى فيها ايه بالظبط، وعلى اساسه بيقرر. لكن العلاقة ديه ريسكي ومغامرة كبيرة وجدا.
تم النشر الخميس، ١٢ يناير ٢٠٢٣
أنت حبتيه غالبا بسبب الخلطة والتعامل الكتير بينكم وفيه حوالي مائة ألف شخص في مصر لو كانوا اختلطوا بك بنفس الدرجة كنتي هتحبيهم برضه!! ستكون مغامرة كبيرة جدا لو جاءك عريس ممتاز وجاهز للزواج وفضلت بدلا من ذلك انتظار عدة سنوات مع هذا الشاب في علاقة غير معلومة العاقبة وممكن جدا خلالها يصرف هو نظر عنها أو يقنعه أهله بعدم الزواج بمن تكبره سنا وتكوني ضيعتي سنوات عمرك بلا طائل .. علما بأن هذا العريس الممتاز لو اختلطت به بنفس درجة اختلاطك بالشاب ربما كنت ستحبينه بنفس الدرجة هذا ليس أول سؤال في فدني يأتينا من الفتيات التي تطلق العنان لعواطفها وترضى أن تدخل في علاقة عاطفية ليس لها أفق قريب بدلا من أن تحافظ على قلبها ومشاعرها حتى يدخل فتاها المنتظر البيت من بابه ..ويبدو أنه لن يكون الأخير!
تم النشر الخميس، ١٢ يناير ٢٠٢٣
ممكن يكون اكتر حد اتشدتيله وانتى مشاعرك لسه بتتكون فى مرحلة العشرينات ...لكن زى ما انتى قولتى الحياه انتى عندك لسه فيها تفاصيل كتير ...وغالبا التفاصيل دى هتغير من نظرتك ومن طموحك فى الحياه تجاه الشخص اللى ممكن مشاعرك تتجه ناحيته مفيش مشكلة انكم بكل ذوق واحترام تتفقوا انكم تناقشوا موضوع الارتباط تانى لما يكون هو جاهز ووقتها تشوفوا شخصيتكم بقت ازاى واذا هتكونوا لسه مناسبين وحاسين نفس شعور القبول والانجذاب ولا لا . ادوا لنفسكم فرصة نضوج لان الجاهزيه للزواج مش هتنفع فى الوضع ده وهتسبب مشاكل اكتر من اى حاجة تانيه .
تم النشر الجمعة، ١٣ يناير ٢٠٢٣
حاولي تحطي معاه خطه يقدر في نهايتها يكون معاكي قبل متفاتحي اهلك وخليكي عارفه ان كل مطالت المده وهو مش مرتبط بكلمه مع اهلك ممكن في وقت ما ميكنش معاكي ف الطبيعي تحطي اهلك في الصوره وهو لسه بيدرس وعايز يتكلم بشكل صح مش غلط وتحطوا مده ع الاقل يلبس فيها دبل بس وتكوني سافرتي وبعد مدته دي الي محددينها تكملوا الموضوع بجواز بس تكلميه الاول وبعد كده تكلمي اهلك بناء على اتفاقكم
تم النشر الخميس، ١٢ يناير ٢٠٢٣
وسيبك من الانجازات احنا بنشئ بيت فى الاصل عشان نجد الطمئنيه والسكينه مش عشان نفتخر بالانجازات
تم النشر الجمعة، ١٣ يناير ٢٠٢٣
عايزة اعمل
تم النشر الجمعة، ١٣ يناير ٢٠٢٣
عايزة اعمل
تم النشر الجمعة، ١٣ يناير ٢٠٢٣
فاهم بس مين اللى هيبقى جاهز فى ظل هذة الظروف القاسية .اعملى خطوة اى خطوة خطوبة .شبكة اى حاجه بأى شكل تحافظ على حبك
تم النشر الجمعة، ١٣ يناير ٢٠٢٣
لكن انا مش مستعجله ع جواز لأن كدا.كدا قدامي سفر وشغل ووقتي هيضيع فيه وهنشغل فيه ...وبقول يمكن ال ٣ سنين يعدوا وانا بشتغل اكون جهزت نفسي وهو كمان جهز نفسه ووقتها نتخطب ونتجوز ومنطولش ف الخطوبه واهه نكون جاهزين ومخلصين ومحققين انجازات ...صح ولا اي ؟
تم النشر الجمعة، ١٣ يناير ٢٠٢٣
والله جدعة بس هو مش معاه فلوس يجوز .يكفى ان هو يبقى بيحبك بجد
تم النشر الجمعة، ١٣ يناير ٢٠٢٣
ربنا كبير والله ..شكرا بجد ع وقتك
تم النشر الجمعة، ١٣ يناير ٢٠٢٣
بس مشهعرف علشان لو اتقدم هيترفض ف مستنيه
تم النشر الجمعة، ١٣ يناير ٢٠٢٣
مينفعش ي احمد لان اهلي مش هيوافقوا ع حد مش جاهز وفوق دا اصغر مني ف رفضهم هيبقا صريح وبقلب جامد ...لكن لو جاي جاهز ومخلص دراسه ساعتها فرق السن مش هيقدروا يتحججوا بيه علشان هو جاهز وكمان مخلص تعليم وجيش ...فاهم اللي عايزة اوصلهولك؟
تم النشر الجمعة، ١٣ يناير ٢٠٢٣
تتجوزى النهارده قبل بكرا ولو فى شقة متأجرة قبل مانار الحب يطفيها البعد.والغياب واذا كان السن مانع بالنسبة للأهل فكفاية يتعظوا بأن النبي نفسه كان متجوز بالسيدة خديجة وهى أكبر منه ومادام امتى طرحتى سؤالك بالشكل ده فلابد.ان علاقتك بيه أصبحت فى خطر
تم النشر الجمعة، ١٣ يناير ٢٠٢٣
بص ي احمد هو فعلا بيحبني بجد ومتمسك وانا متأكده ميه ف الميه .. وعايز يجي النهارده قبل بكرا ..بس انا اللي منعاه...شغلانتنا كويسه وبتكسب بس عشان طبعا هو لسه خارج من عمليه كتفه وامتحناته ف موقف شغل...بس هو كان بيشتغل كويس وبيكسب وقادر يصرف ...واختبرته ياما ف مواقف لو قعدت احكيلك مش هخلص ..واتأكدت منها أن دا الشخص الصح ...بس المشكله ان قدامه سنه كليه وسنه جيش وبعد الجيش قول سنه كمان عقبال ميحوش...يعني ٣ سنين. ..وانا جايلي سفر برا مش هنزل اجازات غير كل سنه شهر مثلا ...ف انت اي رأيك ؟
تم النشر الجمعة، ١٣ يناير ٢٠٢٣
بص ي احم
تم النشر الجمعة، ١٣ يناير ٢٠٢٣
لعرض السؤال في فدني اضغط هنا