هدير أنا بنت عندى ٢٢ سنة متجوزة من حوالى سنة اتجوزت ابن عمى ودلوقتي حامل فى الشهر التالت قاعدة عند امى وابويا عشان تعبانة واحنا اصلا اتجوزنا فى نفس البيت شقتنا فوق شقة بابا وماما كنت محجوزة فى المستشفى وانا حامل فى شهر ونص اتحجزت ١٠ ايام مكنش بيسأل عليا خالص ولا حتى كان بيجيلى من ساعات مارجعت من المستشفى وانا قاعدة عند اهلى دلوقتي جوزى ولا بيعبرنى ولا بيسال عنى خالص احنا الاتنين دلوقتي ولا كأننا نعرف بعض اصلا مبيسألش عنى خالص حتى لما بروح للدكتور اطمن على الجنين مش بيسألنى انتى عملتى اي وانا دلوقتي تعبانة نفسيا وكمان باخد علاج مهدئات اي الحل ياريت حد يرد عليا
فى البداية كده.الف سلامه عليكى وربنا يرزق بمولود جميل زيك وتفرحى بيه ويعوضك اى زعل حسيت بيه. الفترة دى بتكون فترة تعب شويه وقلق وتوتر وده طبيعى فى الفترة دى. ممكن يكون زوجك بيمر بظروف أو ضغوط تكون هى اللى مأثرة عليه ومخلياه أنه مش بيشاركك احداث حياتك. حاولى تتكلمى معاه وتفهميه انتى بتمرى بأيه وشاركيه التفاصيل علشان يتجاوب معاكى.وكمان افهمى هو عامل ايه فى حياته وشاركيه تفاصيل يومه وحاولى تشوفيه وتتكلمى معاه ده هيفرق جدا الموضوع محتاج صبر شويه بس مع الوقت الموضوع هيكون فيه اختلاف ابدأئى اكتبى كل اللى محتجاه فى الفترة دى والفترة اللى الجايه وكمان ايه احتياجات البيبى وكده .ده هيخفف كتير التوتر النفسى اللى بتحسى بيه لانك هتشتتى انتباهك عن أى افكار هتتعبك.وحاولى تعملى كل الحاجات اللى بتحبيها وبتلاقى نفسك فيها وابعدى عن المهدئات علشان صحة الجنين . وافتكرى دايما أن ربنا معاكى فى كل خطواتك وبيساعدك .وانك قوية وهتقدرى 🌷
تم النشر الاثنين، ٢٢ يوليو ٢٠٢٤
هل زوجك كان رافضًا بقاءك عند أهلك بشكل دائم؟ هل كان يسأل في البداية ثم توقف عن الاهتمام تدريجيًا؟ والأهم، كيف استقبل خبر حملك؟
تم النشر الاثنين، ٢٢ يوليو ٢٠٢٤
أهلاً هدير، أولا ألف سلامة عليكِ وعلى البيبي، وألف مبروك على الحمل! يا حبيبتي، من الواضح إنكِ بتمرّي بفترة صعبة جداً ومعاكِ كل الحق تكوني مضايقة ومحتارة. أتصور إنو الأوضاع دي سببت توتر كبير بينك وبين جوزك، وده طبيعي في مواقف زي دي. ممكن جوزك كمان يكون مكنش عارف يتصرف إزاي، ويكون متوتر أو مضغوط بطريقته. الخطوة الأولى اللي بنصحك بيها هي إنك تتكلمي معاه بصراحة. احكي له عن مشاعرك وأفكارك بدون ما يكون في اتهامات. قولي له قد إيه انت محتاجة لدعمه واهتمامه وبالأخص في فترة الحمل. كمان، اشركي حد من أفراد العيلة اللي بيكنوا له احتراما مشترك، لو حسيتِ إنكِ مش قادرة توصلي له الكلام لوحدك. حد يتدخل ويكون عرضة للاستماع للطرفين، بس يكون عنده نضج كافي للمساعدة. مش هأقولك إنو لازم تضحكي طول الوقت ولازم تكوني قوية، لأنكِ فعلاً بتمرّي بفترة حساسة. خدي وقتكِ للبكاء والتعبير عن مشاعرك واتكلمي مع أي حد مقرب لكِ يكون عنده استعداد يسمعكِ ويدعمكِ. وأخيراً كون العلاج اللي باخديه مهدئات، مهم تفضّلي متابعة مع طبيب نفسي. ممكن يساعدك في تجاوز هذه الفترة الصعبة وتلاقي طرق أفضل للتعامل مع التوتر والقلق. خدي بالك من نفسك ومن البيبي، والأهم افتكري إن مفيش مشكلة مالهاش حل، وإن كل مرحلة صعبة بتمر وزيها زي كل الحكايات فيها نهاية سعيدة.
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا