السلام عليكم ورحمة الله وبركاته
انا دايما بحس اني فاشله ومش هيكون ليا مستقبل كويس زي ما نفسي مش عارفه اي سبب دا بقالي سنتين فقدت الشغف بدرس عشان انجح وبس مش عشان اجيب تقديرات حلوه تعبت ودايما بقعد لوحدي وبعدت عن اصحابي وأهلي ودايمًا بعيط من غير سبب ودايما فكره الانتحار بتيجي ف بالي كنت مواظبه علي الصلاه وقرأ القران بقالي شهر تقريبا مش بصلي غير يوم يومين وارجع ابطل تاني دايما ف اوضتي مش بخرج منها خالص مش عايزه اعيش مش حابه حياتي خالص ومش عارفه اعمل اي
طيب نبدأ بجزء جزء ... بتحسي انك فاشلة ليه؟ وليه شايفة نفسك مش هيكون ليكي مستقبل؟ هل ده مرتبط بالافكار اللي ف دماغك ان مثلا لازم اصحى كل يوم وانا كلي حماس ونشاط، ولو تكاسلت في يوم او حتى اسبوع معنى كده اني فاشلة ومستحقش انجح؟ هل ديه افكارك الحالية .. انتي عارفه لو ديه افكارك مشكلتك هتبقى اتنين والاتنين مرتبطين ببعض .. او حاجه وهي (المثالية او الكمالية) واللي مرتبط بيها الكلمة اللي للاسف بقت لعنة وهي (الشغف) الكمالية اني لازم ابقى بريفكت بشكل مش عادي، لازم اعمل كل حاجه ورايا، لازم الحاجه تتعمل بالشكل الفلاني، ل اما متتعملش اصلا .. بشوف وببص على الناس وبشوفهم قد ايه ناجحين وانا لأ .. وديه للاسف الكارثة التالته .. محدش داخل في حياة حد علشان يعرف هو قد ايه تعب، قد ايه فشل، قد ايه عاني اوي علشان يقدر يوصل ل اللي هو فيه، وفي نفس الوقت بنشوف حياتهم مثالية زيادة عن اللزوم كمان، مع اننا مدخلناش جوا قلبهم ولا عقلهم ولا حياتهم علشان نعرف هما بجد مبسوطين ولا لا؟ الشغف لعنة .. محدش اساسا كل يوم بيصحي بيكون مزاجه بيرفكت، ولا حتى حد بيبقى قادر كل يوم ينزل شغله .. طيب هما ازاي بيقدروا؟ علشان حاجه واحدة بس الالتزام والمسؤولية اللي المفروض هما اول حاجه بتحركهم .. اصل لو اللي حركني مزاجي يبقى اوعدك ان مفيش حد هيتحرك .. المزاج متقلب .. يعني دلوقت ممكن ابقى كويسة .. بعد شوية لا حاسه ب ملل .. بعدها موقف ضايقني .. بعدها شوفي حصل ايه؟ ف مش معقول هستني لما يبقى مزاجي ف اغظم حالاته علشان مثلا اخلص التاسك الفلانية، او اذاكر لان مثلا امتحاني بكره! فكري ف الكلام واعقليه كده، ولو فيه حاجه انتي مش مقتنعة بيها اتناقشي معايا فيها..
تم النشر الأحد، ٦ أغسطس ٢٠٢٣
دا من أنواع الاكتئاب وحلوله ساهله جدا إن شاء الله أولاً تحاولي تقربي من ربنا وتاخدي بالاسباب لأن كل نفس بيطلع منك هو بإرادة الله وتحاولي تطلعي من الصندوق الاسود إللي تفكيرك ودماغك فيه بإيجابية تحددي عاوزه توصلي لايه وتجددي طاقتك بعلاقتك مع ربنا
تم النشر السبت، ٥ أغسطس ٢٠٢٣
المشكله كلها فى كلمة شغف الله يسامحه اللى نشر الكلمة دى وكأنها طبيعة الحياة انسى اولا فكرة انك هتبقي متحمسه على طول دى. الانسان اتخلق اصلا بيركن للراحة ...يعنى الحماس ده حالة صعب تكون عامة فى حياة البنى ادم. عشان كده فى فروض عشان كده فى مسؤوليات لو اعتمدنا ع الشغف مش هنلاقى السوبر ماركت فاتح الصبح كل يوم ولا بتاع السندوتشات. انهى شغف اللى هيصحى حد كل يوم كده .مفيش والله المسؤولية والهدف والالتزام اهم من الشغف المؤقت ده. والل هو اللى انتى بتعمليه فى انك تدرسي وتنجحى حتى لو مش حاسه بالحماسه دى . متنكديش على روحك يا بنتى وقومى تعايشي فى الحياه الطبيعية اللى فيها كده وكده ...واللى تحبيه فى حياتك اكديه وزودى منه ...واللى مش حاباه الغيه او قلليه. بس احترمى الاساسيات والالتزامات
تم النشر الأحد، ٦ أغسطس ٢٠٢٣
انتي غالبا عديتي أو لسه بتعدي بظروف صدرتلك ضغوط بتخليكي تفكري بشكل سلبي كده انتي مش فاشله و كل واحد فينا مخلوق مميز ف حاجه معينه مهما كانت بسيطه بس هي ليها تأثير كبير و كمان نجاحك ده حاجه شخصيه ليكي مش للناس يعني نجحتي يبقى نجحتي لنفسك فشلتي ده بردوا لنفسك محدش ليه عندك حاجه و و مش نهاية العالم كمان انتي مش مجبره تنجحي ف حاجه معينه و لازم تدركي ان الدنيا دي دار اختبار مش دار بقاء عشان نهتم بالنجاح و الفشل فيها عن النجاح و الفشل ف علاقتنا بربنا عشان ننجح ف اختبارات الدنيا و نعديها ع خير مينفعش خالص نفكر بالعكس زي ما انتي كده بتفكري زي فكرة الانتحار عايزه تموتي كافره و تخسري دنيا و اخره هل ده حل يعني و هترتاحي ولا هاينفعك الانتحار ف عزاب القبر ف الدنيا و نار جهنم ف الاخره ليه كل ده هل الموضوع يستاهل كل ده لا طبعا مفيش حاجه تستاهل ارجعي لربنا و استغفري و صلي و ادعي و عيش الدنيا ببساطه من غير ضغوط عشان حقيقي مش مستاهله
تم النشر السبت، ٥ أغسطس ٢٠٢٣
أختي العزيزة، أشعر بألمك ويبدو أنك تمرين بفترة صعبة. لكن لا تفقدي الأمل. هناك دائما أمل وسبيل للخروج من الظلمات إلى النور. أولاً، لا تلومي نفسك. الشعور بالفشل وعدم القدرة على تحقيق الأهداف أمر شائع ولكنه مؤقت. أنتِ لستِ فاشلة، بل في مرحلة صعبة ستتجاوزينها بمشيئة الله. ثانياً، حاولي البدء مرة أخرى بخطوات صغيرة. ركزي يوماً بيوم على أهداف بسيطة مثل قراءة صفحة من كتاب أو الخروج للمشي قليلاً. ستشعرين بالإنجاز والتحسن. ثالثاً، لا تعزلي نفسك. تحدثي مع أهلك وأصدقائك عما تمرين به. اطلبي مساعدتهم ودعمهم. فهم سندك. كما يمكنكِ التحدث إلى مرشد نفسي للمساعدة. رابعاً، تمسكي بالصلاة وقراءة القرآن. فهما من أعظم مصادر القوة والأمل. خذي الأمر بتدرج واطلبي من الله العون. أخيراً، لا تفكري بالانتحار أبداً. فالله يحبك ولديك أهل وأصدقاء يحبونك. ستتجاوزين هذه المحنة بعون الله. فأنت أقوى مما تتصورين. توكلي على الله ولا تيأسي.
تم النشر السبت، ٥ أغسطس ٢٠٢٣
هو ده اكتئاب ، بس بردو بلاش توقفي الصلاة عشان ربنا يوفقك للعلاج
تم النشر الأحد، ٦ أغسطس ٢٠٢٣
اسمعي ربنا بحب العبد اللحوح اي يلي بس بيلتجئ غير بس لربنا يلي بيبكي بس لربنا .... هاد كله بسبب الضغوطات النفسية من الحياة أو من الاهل ..اقولك العلاج اتوكلي على ربنا وقومي قيام الليل وطلعي كل يلي جواكي وقولي لربنا ر كل حاجة قولي لربنا كيف الشيطان خلاكي تفكري في الإنتحار ربنا بيستقبل الإنسان خمس مرات باليوم
تم النشر السبت، ٥ أغسطس ٢٠٢٣
لعرض السؤال في فدني اضغط هنا