ازاي اقدر اموڤ اون من شخص بشوفه قدامي اكتر ما بتنفس وبفكر فيه اربعه وعشرين ساعه مع العلم اني متأذتش منه لكن طريقته قفلتني منه وأسلوبه وحش وشبه بقيت مش قادره اتعامل معاه ونفسي اعمل موڤ اون بسرعه اوي
تمام معاكي ف انك تعملي موف اون من العلاقة ديه، لكن لفت انتباهي انك قولتي ( بسرعة اوي) ..! استعجالك مش ف صالحك .. ادي لنفسك فرصة الاول تستوعبي الموضوع، وابدأي في خطواتك .. اول حاجه انتي قولتي انه مش شخص مؤذي ولا حاجه هو بس مش مناسب .. وهنا هندخل على جزء مهم جدا وهو (التفكير) تفكيرك هنا في المشكلة ديه هيكون بمثابة خروجك من الدايرة ديه، لان للاسف انتي قولتي انه قدامك ال 24 .. ومش عارفه هل بامكانك الحقيقة انك تبعدي ولا لا...؟ ولكن هفترض معاكي انه مينفعش تبعدي .. وهتفضلي في نفس المكان. اللعب هنا بقى هيكون على فكرك انتي .. ازاي؟ الشخص ده محتاجه انه يكون شخص قدامي عادي ولا بحبه ولا بكرهه .. ف دلوقت انتي محتاجه تقعدي مع نفسك كده وتكتبي مميزات الشخص ده وعيوبه .. طبعا انتي قولتي انه فيه عيوب مش قادرة تتحمليها .. وقفلتك. ف هنا لو احنا بنتكلم عن علاقة عاطفيه .. يبقى محتاجين نعرف ان الحب او مشاعر الاعجاب مش كل حاجه في الدنيا .. وان لازم الشخص اللي قدامك تكوني متقبلاه بعيوبه قبل مميزاته .. وتعرفي تتعاملي معاها. يبقى لازم تفكري نفسك انك كده انتي ماشية صح، وانك لو كنتي كملتي كنتي هتخسري اكتر بكتير .. اقنعي نفسك بالموضوع ده .. وعلى الصعيد الاخر بقى .. طبعا هو قدامك علطول لكن متحاوليش برضه انك تتعابعيه سواء عمل ايه او معملش ايه، سواء اكونتات بقى او غيره .. وابدأي اهتمي بنفسك رياضة- تطوع- نمي موهبة معينه- قراءة-شغل .. طوري من نفسك ومن علاقاتك واتعرفي ع ناس جديدة .. ولكن لو ديه علاقة عاطفية متدخليش علاقة بعدها غير لما تتعافي تماما. اتمنى ان الاجابة تكون افادتك بشئ ما.
تم النشر السبت، ١٠ يونيو ٢٠٢٣
جربي تشغلي نفسك فى أى حاجه يعني اقرأي كتاب علشان يتفهم محتاج تركيز زي كتب التفكير و علم النفس أو الأفضل اقرأي فى القرآن ورد يومي هيفيدك أوي أو اتعلمي حاجه بتحبيها (اتقنيها أوي يعني)
تم النشر الجمعة، ٩ يونيو ٢٠٢٣
يبقي انتي حطاه ف بالك علطول وكل شويه تفكري فيه عشان انتي لو مشغوله وعلطول مفكره نفسك انوا أسلوبه وحش وطريقته مش حلوه هتتقفلي منه ومش هتفتكريه
تم النشر الجمعة، ٩ يونيو ٢٠٢٣
انتي كده عملتي موف اون خلاص مدام اتقفلتي منه
تم النشر الأربعاء، ١٤ يونيو ٢٠٢٣
اشغلي وقتك وتفكيرك
تم النشر الأحد، ١١ يونيو ٢٠٢٣
بس الموضوع بقاله فتره ومش قادره اتخطاه ومع الوقت بفكر فيه وبفكر ف كل أوقاتنا سوا الحلوه
تم النشر الجمعة، ٩ يونيو ٢٠٢٣
اقراي عن الموضوع اكتر وانتي بتقولي انك اتقفلتي منه وأسلوبه وحش وده اعتقد انوا كفايه انك متفكريش فيه ولا تحني ليه وخد وقتي بس مش اكتر من اللازم وانصحك انك تسمعي كريم إسماعيل ومدربه
تم النشر الجمعة، ٩ يونيو ٢٠٢٣
لعرض السؤال في فدني اضغط هنا