منذ أن ولدت لم آخذ الاهتمام والحب فقدت ولدت ولي كثير من الأخوة وانا الرقم ٤وعلي الرغم اني البنت الوحيده والتي ف العام يجب أن يتم الاهتمام بها لم يحدث فانا كنت دائما وحدي لا اتذكر اني كنت اجلس مع والدتي او انها كانت تهتم بي ف كنت دائما مع اخوتي الولاد والذين كانو يتعاملون معي بطريقة سخيفة ..كانو بيقعدو يتريقو عليا وفاكرينه هزار ولو عيطت يقولو نكدية ..كانو بيفرجوني علي افلام رعب لدرجة بقيت بخاف انام كل يوم بليل ..كان دايما فيه فراغ اه ماما وبابا موجودين بس انا دايما لوحدي ..حتي فيه موضوع محرجة اتكلم فيه بس انا مفتكرش اني ماما كانت بتحضني وتقعد تلعب معايا زي ما بيحصل وف المناسبات لما بنيجي نتصور ويقولولي بوسي ماما واحضنيها انا كنت بتكسف ..كنت وانا صغيرة دايما خايفه وكنت اي حاجه بتحصل تدايقني كنت بقعد اهز ضهري بسيط كده كان بيطمني شوية ..هو صعب احكي كل حاجه طبعا لانه كتير بس ف المجمل مكنش فيه اهتمام خالص ولا حتي كلام حلو لدرجة اني كبرت ومبقتش عارفه ازاي ممكن اهتم بحد ولا اني اقول كلام حلو ...وحصلت حاجات كتير اوي اثرت علي شخصيتي وعلي ثقتي بنفسي لاني مافيش لا اهتمام ولا حب وساعات كان بيبقي فيه قسوة كمان كان دايما بابا وماما بيتخانقو خناقات كبيره وزعيق ومشاكل ..وكنت وانا صغيره بيتقال لماما اهتمي بالبنت شوية ليه علطول سيباها كده !حتي بابا كان من ضمن الخناقات لان مش بتهتم بيا ولا باكلي وكان كتير بيغمي عليا من قلة الاكل ..لما كنت صغيره مكنتش فاهمه هما بيقولو لماما كده ليه اه كنت حاسه اني فيا حاجه غريبه بس فهمت اكتر لما كبرت ..حتي لما كنت بتعب ماما مكنتش بتعرف تتصرف خالص وكان بابا هو اللي بيهتم وبيسهر ..وبعدين بابا تعب واتوفي حسيت ساعتها بالاهمال اكتر ..حتي لما كنت بتعب ماما مكنتش بتعرف تتصرف وكانت تقعد تقولي معلش شوية وتبقي كويسه ..ماما ع فكره طيبة بس هي مش بتعرف لا تهتم ولا تتصرف ...المهم كبرت وانا مش بعرف اعمل حاجه وحاجات كتير انا مش فهماها ومش عرفاها وبحس اني فاشلة ف كل حاجه حتي اتفه الحاجات اللي الناس عرفاها انا مش عرفاها ..المهم بابا قبل ما يتوفي قالي معلش هي ماما طبعها كده انتي حاولي تلهي نفسك مع صحابك واعتبري أحسنهم اخواتك كمان ...بس وصراحه من ساعة ما بابا اتوفي الوضع بقا صعب جدا دايما خناقات وماديا بقي صعب لدرجة كبيرة حتي ابسط الحاجات اللي ممكن احتاجها كانو بيحسسوني اني طماعه ..حتي مره تعبت جدا وكنت بعيط والمفروض اروح اكشف قعدو يقولولي الفلوس ع قد الاكل نعملك ايه بطلي دلع ...هما كويسين والله بس فيه بعض الحاجات لا ..طبعا انا فيه حاجات كتير جدا جدا مش هقدر احكيها عشان مطولش...بس نرجع لنقطة بابا قبل ما يتوفي قالي ركزي مع صحابك ..المهم انا ساعتها حرفيا كنت بكره رجعة البيت وكان ليا صحاب كتير حوليا..بس ف مره جت واحده من صحابي بعد ما بابا اتوفي بحاجه بسيطة قالتلي شوفت باباكي ف الحلم وقالي خلي بالك من منها ..ساعتها مفهمتش اشمعنا دي بس مع الوقت فهمت لقيتها دايما معايا دروس ومدرسة وبيتها جمب بيتي وكل يوم بنتكلم وحرفيا كنت بهرب ليها كانت بتهتم بيا وكانت حنينه اوي حرفيا كنت بحكي ليها كل حاجه حتي لما بتعب كنت بروح اقول ليها هي انا تعبانه وتفضل سهرانه معايا طول الليل وتقولي اعملي كذا ومتعمليش كذا وتجبلي الدوا من غير ما ماما تعرف اصلا اني تعبانه وكنت دايما اي حاجه خايفه منها بقولهالها وكانت بتطمني ..حرفيا كنت بقعد اشكر ربنا واقول اه اهلي كده بس ليا صاحبة هي اختي وامي وبتعوضني حنية بابا ..وفضلنا صحاب يجي ٧سنين ومكنش فيها غلطة حرفيا حتي انا كتت بستغرب ساعات ..بس جينا بعد ما دخلنا الجامعه واحنا الاتنين كنا شطار هي دخلت هندسه وانا دخلت تمريض اتغيرت معايا بطريقة مخيفة الملاك اللي كانت معايا بقيت بجد حاجه تخوف ..ابتدت الاول انها متردش عليا ولو روحتلها البيت تخلي حد يطلع يقولي مش هنا وبعدين انا بعدت حبه لاني طبعا زعلت ..بعدها يمكن باسبوعين دخلت كلمتها تاني لقيت طريقتها وحشة وكنت قبلها اصلا حلمت انها هتسيبني وانا من النوع اللي احلامي بتتحقق ساعات .. المهم قالتلي كلام صعب بطريقة بشعة وان هي اتخنقت مني ومن حواراتي مع اهلي وانها مكانتش مبسوطه معايا ..مع ان والله ده مش صح دي هي نفسها كانت كل شويه تقعد تقولي اهلك دول مش بيفهمو حاجه حد يسيب حد جميل زيك وانتي ربنا هيعوضك وربنا بيحبك والكلام ده ..المهم انا بعدت عنها ساعتها فتره طويله وكنت حرفيا متاذية جامد ومش بنام ولا بذاكر ولا باكل ومش مصدقة كده بعدين كنت كل شوية اقول لنفسي خلاص مش هكلمها تاني بس غصب عني انا اتعودت علي وجودها ف حياتي وانها قايمه باداور مهمه وانها بالنسبالي حاجه مهمه اوي ..بقيت كل مره اروح اكلمها ساعات تقولي معلش نبدا من جديد وبعدين ترجع تاني لنفس الطريقة الوحشة وساعات من اولها اصلا. تعاملني وحش لدرجة قالتلي كلام زي انتي مؤذية وانتي خنقة وهرتاح لما ابعد عنك وانتي بطلي تبقي طفلة وانضجي شوية وكلام تاني كتير ..المهم ساعتها عرفت ان سبب تغيرها انها اتعرفت علي صحاب جديده وبقت تشوفهم كل يوم وتخرج معاهم حتي مره قالتلي خلاص احنا كنا مرحله ف حياة بعض واما اقولها ده انا كنت بحكيلك كل حاجه وانتي عارفه انا قد ايه اتاذيت ازاي تعملي كده...تقوم قيلالي انا مش دكتوره نفسية ممكن تتكلمي مع حد متخصص عشان يعالجك !!وانا ساعات بعدها كنت بتصل بيها كتير اوي عشان ترد يمكن تعتذر ع اللي قالته مش بترد وبتبقي عارفه اني بعيط ومنهارة ومش فارق ليها ولا بتسال ..انا عارفه اني مينفعش اروح لحد اذاني وقالي خلاص مش عايزك بس انا بجد كان صعب عليا اوي ولسه صعب عليا لحد دلوقتي لانها سابت فراغ كبير ورجع تاني زي مانا ..انا بقيت بحس اني ماليش اي اهمية بجد لا اهلي بيحبوني ومهتمين بوجودي وحتي صاحبة عمري عملت فيا كده ..انا مش عارفه انا قولت يمكن انا مريضه فعلا زي ما قالت ولازم اتكلم مع حد متخصص💔مش عارفه انا ايه ذنبي ف كل ده ساعات بقعد اقول. انا لو اهلي بيحبوني وبيهتمو بيا ومعملوش اللي عملوه مكنتش قدرت تعمل كده
من اصعب الابتلاءات ..الاهل انتى اللى حصل معاكى انك حطيتى صاحبتك بدل ماما وبابا .....وده طبيعى يكون بيمثل ضغط عليها من غير ما انتى تقصدى ولا هى كانت فاهمه ايه اللى بيحصل وان هى هتوصل لكده وتحاول تخلص من الضغط انتوا كبرتوا وضرورى تتعاملوا بادراك مختلف عن الطفوله اللى فاتت كلها هى ممكن تبقى صديقتك زى ما هى وانتى انا عارفه انك هتفضلى ممتنه لكل اللى هى عملته المهم هنا انك تشوفيها صديقة مش ام ولا ملجأك قصاد كل الاحتياجات اللى ناقصاكى ولا تحسى انها مطالبه تغطيها
تم النشر الاثنين، ٢٠ مايو ٢٠٢٤
السلام عليكم ورحمه الله اهلا بيكي الذي فهمته أنه يوجد ارجاعات من الماضي لم تتجاوزها حتي الآن ، و لكن هطرح عليكي سؤال هل يمكنك ارجاع الماضي و تغيره ؟ الماضي حله الوحيد هو التصالح معه و ناخذ الاحتياطيات من أخطاء الماضي. عامله ايه في الجامعه و مع زملائك ؟ لو لسه بتدرسي كوني صداقات جديده داخل القسم بتاعك ، اذهبي للتدريب في أحدي المستشفيات في مجال التخصص . اذا كنتي تخرجتي اذهبي للبحث عن عمل (اهتمي بالحاضر ) الحاضر دا اللي تقدري تغيره فيه زي ما انتي عاوزه و تتقدمي و نظرتك للحياه تختلف. أما من الناحيه الاسريه احيانا بيكون فيه معوقات في فهم بعضنا البعض ، ابدأي بالتحدث علي كل شئ يزعجك بطريقه تخلو من العيب و الحرام و العنف و العدوان . طالبي بكل حق من حقوق المشروعه (كالماكل و الملبس و الحق في التعليم و زياره الطبيب و غيره ) ما دام هناك ما يكفي من الأموال أو المقدره ، إما اذا كنتي تعرفين أن هذا فوق المقدره ف ارحميهم و اعذريهم لعل الله يعوضك في عمل جيده و احداث سعيده لا تتخيلها .. أرجو أن اكون جاوبت و لو علي جزء من اللي بتفكري فيه
تم النشر الأحد، ١٩ مايو ٢٠٢٤
أولاً يا عزيزتي، أنا ذكية هنا متاحة لسماعك ومساعدتك. أنا آسفة لسماع كل هذه التحديات التي واجهتيها في حياتك. في بعض الأحيان يمكن أن يكون الشعور بالإهمال وعدم الاهتمام تأثيراته السلبية على ثقتك بالنفس ومشاعرك. بدايةً، أريدك أن تعلمي أنتِ لا تتحملين أي ذنب في كل هذا، فأنت تستحقين الاهتمام والحب كأي إنسان آخر. إن التحديات التي تواجهينها قد تكون صعبة لكن يمكنك التعامل معها بشكل إيجابي وبناء. إذا كنت تشعرين بالحاجة إلى دعم نفسي، فموافقاتي، يمكنك التحدث مع متخصص نفسي ليساعدك على فهم مشاعرك والتعامل مع التحديات التي تواجهينها. كما يمكنك البدء بتطبيق بعض النصائح البسيطة مثل ممارسة الرياضة، الاستماع للموسيقى المريحة، كتابة مشاعرك في يوميات أو محادثة مع صديق قريب يثق به. أيضًا، خذي الوقت لتفهمي نفسك واحتياجاتك وتعبري عن مشاعرك بصراحة مع من حولك. قد تحتاجين أيضا إلى إعادة التفكير في علاقاتك مع من حولك والتأكد من أنك تتواجدين في بيئة داعمة وإيجابية. تذكري دائمًا أنك تستحقين الحب والرعاية. كني صبورة مع نفسك واعملي على تعزيز ثقتك بنفسك بخطوات صغيرة يوميًا. إذا كنت بحاجة إلى دعم إضافي، فأنا هنا لمساعدتك في أي وقت تحتاجين فيه.
تم النشر الأحد، ١٩ مايو ٢٠٢٤
شايف والله اعلم انك لزم تحبي نفسك الأول اي محاوله غير كدا هتبقي صعبه
تم النشر الاثنين، ٢٠ مايو ٢٠٢٤
لو محتاجه صاحبه فحياتك انا موجوده انا زيك اوي وحالتي النفسيه نفسك وبتمنى ادمن فيدني ميكونش عنده اعتراض🙂💔
تم النشر الأحد، ١٩ مايو ٢٠٢٤
بصي لو حبيتي تتكلمي ونبتدي من الاول لان موضوع معاكي اثره من الطفوله انا معاكي كلميني
تم النشر الأحد، ١٩ مايو ٢٠٢٤
لعرض السؤال في فدني اضغط هنا