ليه مبقاش عندنا توزان فى حياتنا وفى الاغلب بيكون فى جزء طاغى على باقى حياتنا ومخلينا مش مرتاحين؟
يا اما شغل زيادة ومش عارفين نعيش حياة اجتماعية
او اجتماعيات زيادة مخليانا مننجحش فى شغلنا
او دراسة زيادة واخده وقت الحياة الاجتماعية
او مشاكل اسرية واخدة كل وقت الترفية
ليه مفيش توازن عند الاغلبية؟
الحياة اختيارات ديما .. الواحد بيحاول على اد ما يقدر حقيقي أته يوازن ما بين أشياء كثيرة. لكن طبيعة الإنسان أنه عايز حاجات كتير، كل ما بينجح في حاجة بيحتاج أكتر وأكتر، ربما بتتزايد عليه الحاجات بالشكل ده، لكن يظل غير مرتاح. يمكن بنحاول أننا نحقق المعادلة، لكن يظل شبح المجتمع يطاردنا. المجتمع اللي بيحدد كل حاجه في حياتنا هتبقى عامله ازاي؟ شوية لازم نبقى خارج الصندوق، طيب ايه هو اللي خارج الصندوق، هنا برده اللي بيحددوه. هو الصندوق مخرجش ولا حاجة هو مجرد حاجه جديدة لكنها في ايدهم برده. المجتمع بيشكل جزء كبير جدا من اللي بيحصل، سواء في الشغل أو الدراسة أو ف الترفيه. كل حاجه، وكأن الواحد مش ملك لنفسه، بل المجتمع. لأن لو معملناش كذا وكذا هنخرج بره المشروع المحدد. لازم ل أما نشتغل اكتر علشان فلوس اكتر، علشان فيه فكرة ما من المجتمع أن الفلوس هتشبع حاجات كتير. اوكيه اه بتشبع حاجات كتير. ضدها علطول فكرة تانية بتقول لا الاسرة اهم، الأسرة المستقبل، وهم الجيل القادم. اوكيه تمام. لكن إزاي مطلوب من واحد يعيش كل الصراعات ديه دراسة، وشغل وأسرة..... ومع ذلك رغم اختياره ممكن يظل مش مرتاح. لربما ما كان اختياره من الأساس، لربما كان اختيار المجتمع. (المجتمع يرغم علينا الكثير).
تم النشر الأربعاء، ٧ ديسمبر ٢٠٢٢
لأن طبيعة الحياة دلوقتي رتمها سريع ومبقاش فيه بركه عند البعض وبقي كل واحد بيصارع زي يوجد لنفسه مكان في الحياة ومع كثرة الضغوط كمان فالواحد مبقاش قادر يوازن لازم حاجة هتيجي علي حساب حاجة
تم النشر الاثنين، ٥ ديسمبر ٢٠٢٢
لعرض السؤال في فدني اضغط هنا