السلام عليكم ورحمة الله وبركاته
انا تالتة ثانوى ومش هديها حجم نهايه العالم ولكنها طريق سهل للنجاح
ف احنا داخلين شهر اتنين درجاتي مش كويسة بمسك الفون كتير حتي اني قافله فيس بوك وانستجرام وفاتحه واتساب وتيلجرام بس وبرغم كدا بفضل ادخل عليهم كتير جدا عايزة حل لقلة التركيز و التشتت المبالغ فيه و انا بدأت من اول السنة طبيعي ولكن فيه بعض الحاجات واقعه مني ممكن حد يفيدني في العربي اذاكره ازاي لاني مهما اذاكره انساه وكذلك الكيميا وهل لو شديت دلوقتي الحق اجيب في التسعينات
وعليكم السلام ورحمة الله أحسنت أنك قفلت السوشيال ميديا ومواقع زي فيس بوك وانستجرام ده انجاز كبير يحسبلك... بس الفكره في إنك تتحكمي في نفسك وده مش هيحصل غير من خلال انك تبعدي عنك التلفون من أول اليوم وتمسكي لما تخلصي تلحقي بإذن الله تعدي التسعين كمان مستواك كويس في ناس بتتأخر كتير عنك فاستثمري إنك كويسه وفي حاجات كتير مش هتأخد مجهود في مراجعتك ~~ الحاجات اللي بتقع منك دي عادي ولا يهمك خالص كلها هتتلم بس بشرط واحد!!! هو المجهود المستمر..... لو استمريتي هتلاقي النتايج وده مبدأ امشي عليه مش بس في الثانوي في حياتك بننسى كلنا بس الفكره اننا بنقدر نستعيد احسن من اللي بادئ اول مره حاولي لو انتي بتراجعي تعملي مخطط للدرس يفكرك بأهم النقاط دي هتساعدك تفتكري بمدى اكبر بالنسبه للعربي عندك كورس مجاني لمستر محمد صلاح هيراجع الترم الأول كله في 11 يوم او 8 أيام وعندك بالنسبه للكيمياء في كورس التسعين يوم لمستر عبدالله الحبشي وطبعا دول اون لاين بس لو انتي مش هتدخلي مع مدرس اون لاين فلازم تراجعي مع نفسك وواحده واحده خليك هاديه كل يوم بتفتكري نقاط جديده دي حاجه تزود رصيدك لانك ان شاء الله اخر السنه هتوصلي كويسه في الامتحان بس ده في حاله واحد فقط! انك تكملي معافره..... لو وقفتي وسوفتي وده اللي هيحصل صدقني غالبا الوضع مش هيعجبك او بمعنى اصح هتتمنى حرفيا انك تكون ذاكرت وما قصرت كان في وقت كان ممكن يفيدك ويزود حصيلتك فنصيحه ما توصلي للدرجه دي ربنا يوفقك
تم النشر الجمعة، ٣١ يناير ٢٠٢٥
ال طبيعى انك تذاكرى وتنسى و بالتكرار و المراجعه بيبدأ يثبت ذاكرى و حلى اسألة كتير و كتب متنوعة كتر الحل هيساعدك انك تفهمى اكتر و ترجعى للمعلومة لو مش عرفاها من الكتاب و متضايقيش من النسيان المراجعه هتبقى الدنيا اسهل كل ما تراجعى اكتر والسوشيال والواتس ممكن لما تجيلك الفكره انه امسكى الفون او افتحى واتس متقاوميش الفكرة ولا تضايقي منها راقبيها واقبليها وادعى ربنا يعينك تذاكر ومتستجبيش للفكرة دى
تم النشر الخميس، ٣٠ يناير ٢٠٢٥
وعليكم السلام ورحمة الله وبركاته. أختي العزيزة، أقدر شعورك بالضغط الذي تواجهينه في هذه المرحلة الدراسية، وأود أن أقدم لك بعض النصائح العملية التي قد تساعدك في تحسين تركيزك ونتائجك الدراسية. تنظيم الوقت : حاولي وضع جدول زمني للدراسة، بحيث تخصصين أوقات محددة لكل مادة. تأكدي من تعيين فترات راحة قصيرة بين كل فترة دراسة؛ فهذا يساعد على تجديد النشاط ويمنع الشعور بالملل. تحديد أولويات الدراسة : يمكنك البدء بالمواد التي تجدين صعوبة فيها، فهي تحتاج لمجهود أكبر. حاولي تقسيم المواد إلى أجزاء صغيرة تدرسينها في كل جلسة، بدلاً من محاولة دراسة كل شيء في مرة واحدة. تجنب المشتتات : من الجيد أنك قمت بإغلاق بعض التطبيقات، ولكن أيضًا حاولي الابتعاد عن الهاتف فترة طويلة أثناء الدراسة. يمكنك استخدام تطبيقات تساعدك في التركيز إذا كان هذا مفيدًا لك. تقنيات الدراسة الفعالة : استخدمي طرق مثل الخرائط الذهنية أو كتابة ملخصات للمعلومات التي تودين حفظها. هذه الطرق تساهم في تسهيل الفهم والتذكر، خاصة في مادة اللغة العربية. استعادة الحماسة : إذا كنتِ ترغبين في تحسين درجاتك، تذكري أن النجاح يحتاج إلى جهود مستمرة، فلا تقنطي. بإمكانك الوصول إلى ما تعتقدين أنه صعب، إذا حافظتِ على الإصرار والتركيز. تقييم الأداء : بعد فترة من الدراسة، قومي بتقييم تقدمك. هل هناك تحسن في درجاتك؟ إذا لم يكن كذلك، فكري في تغيير استراتيجيات الدراسة. وأخيرًا، لا تنسي أن الدعم من الأهل والأصدقاء مهم جدًا. لا تترددي في طلب مساعدة أو تشجيع عند الحاجة. ونسأل الله أن يوفقك في امتحاناتك، وأن تحققي ما تتمنين.
تم النشر الخميس، ٣٠ يناير ٢٠٢٥
ذاكري كل دقيقه اكنها اخر دقيقه قبل الامتحان تفتكري دائما انها فرصه هتغير مستقبلك من فوق لتحت والله لو مش تعبتي دلوقتي واستحملتي هتفضلي طول حياتك تعبانه وزعلانه لو مش حققتي حلمك اعملي اللي عليكي عشان متحسيش بندم
تم النشر السبت، ١ فبراير ٢٠٢٥
نعم اجتهد .. وهي ليست نهاية العالم
تم النشر الجمعة، ٣١ يناير ٢٠٢٥
بص لنفسك وبس شيل التلفون خالص هيا سنه ومش بتتعوض قرب من ربنا وانشاء الله انت قدها يبطل كمل ❤️💪
تم النشر الجمعة، ٣١ يناير ٢٠٢٥
لعرض السؤال في فدني اضغط هنا