لو ماليش أصحاب او تخدعت في ناس كتيره ازاي ابداء أصحاب تاني وارجع الثقه في الناس مع العلم انا من النوع الشكك
شوف الانسان بطبعه اجتماعي والحياه هتجبرك تتعامل مع ناس ف خليك ودود معاهم مع اي حد بتشوفه وبتتعامل معاه وخليك حريص من حيث انه المفروض مش اي حد بيعرف عنك كل حاجه ميعرفش ادق تفصيلك غير شخص مقرب منك وعشان تعرف ان ده شخص مقرب ويستحق الثقه بتعرفه من المواقف والوقت بيثبت صدقه لكن لو قلت عشان مريت بتجارب سيئه وانا شكاك شويه هبعد عن الناس ومش هتعرف على حد عمرك مهيكون عندك صحاب كمان مش كل الناس مؤذيه اوقات احنا الي بنسمحلهم يأذونا ويستغلونا لما بندي حد ميستاهلش صلاحيات كتير وثقه اكبر مما يستحق ف انزل عيش حياتك عادي هتقابل حد ف مدرستك او درسك او جامعتك او شغلك كل يوم حد جديد هتشوفه سلم بود بس متسمحش يقرب قوي غير لما تلاحظه كويس معاك ومع الناس التانين وتقدر تقربه منك بعد كده او تفضلي سايب مسافه امنه بينك وبينه
تم النشر الثلاثاء، ٢٤ يناير ٢٠٢٣
مش شرط اللي حصل يحصل تاني .. أرشح ليك تشوف الاجابات على السؤال ده وهكمل كلامي برده معاك https://fedni.net/q/91303429/اتوجعت-كتير-خذلان-اصدقاء-و-حبيب احنا بنعطي الثقة في الناس على أي اساس؟ يعني مثلا انت دلوقت لو اتعرفت على شخص .. ازاي هتبدأ معرفتك وعلاقتك بيه؟ اكيد مش هتثق فيه من اول مقابلتين تلاته ولا حتى عشرة .. الثقة بتيجي مع وقت .. + انت مينفعش تثق في الناس ثقة عمياء وهنا هننتقل لجزئية التوقع احنا ليه بنتوقع من الناس يحصل منهم حاجات او يفترض يحصل حاجات منهم؟ ليه بنتوقع سواء الحلو او الوحش .. بس غالبا بنتوقع حاجات حلوة من الناس علشان كده العيب بيبقى فينا احنا .. احنا السبب. المفروض منتوقعش الحلو او الوحش .. نتعامل مع الشخص كما هو .. ونستني لحد ما يصدر عنه سلوك سواء وحش او حلو ووقتها نتخذ اجراء.
تم النشر الثلاثاء، ٢٤ يناير ٢٠٢٣
إعمل جروبات أو إدخل جروبات ودور عالناس اللي شبهك وتستحق ثقتك وإن شاء الله هتلاقيهم
تم النشر الجمعة، ١٠ مارس ٢٠٢٣
لعرض السؤال في فدني اضغط هنا