مبعرفش اهتم. كنت بحب واحدة صاحبتي وارتبطنا وفشكلنا بسبب اني مبعرفش اهتم. انا ببقي مهتم وجدا كمان بس مش بعرف ابين كده. حتي اصلا مبعرفش اصاحب حتي بسبب البوينت دي اني مبعرفش ابين اني مهتم وحرفيا حياتي حاسس انها ناقصة او مفيش حد بيحب يكمل معايا بسبب الحوار ده ومعرفش ايه حله قولوا انتوا
أنت مش محتاج تبين أنك مهتم بقدر ما أنت محتاج تبين أنك راجل يؤتمن على المرأة ومفيش حاجة هتبين كدة غير أنك تدخل البيت من بابه أول ما تلاقي الإنسانة اللي شايف أنك ممكن تقضي بقية عمرك معاها - لكن إنك تجربها الأول في علاقة ما لهاش أي أساس من شرع ربنا فدة يعني أنك لا تؤتمن عليها لأنك لو كنت أمين معاها كنت حافظت عليها
تم النشر الأربعاء، ٣١ مايو ٢٠٢٣
فى العلاقات عموما ....انك تركز فى تفاصيل اللى قدامك هو ده احسن شكل للاهتمام. ابسط طريقة انك تاخد من كلامه ومن احداث حياته وتسأل عليه او تساعده فيها. صديقى قال انه عنده صداع من الصبح ورايح يعمل قهوه يمكن الصداع يروح ......كمان شوية اسأله ...اخبار الصداع ايه ( ده اهتمام) اطلب الصيدلية واجيبله مسكن ( ده اهتمام) وهكذا
تم النشر الأربعاء، ٣١ مايو ٢٠٢٣
اقرأ كتاب لغات الحب الخمسة، سيساعدك على معرفة لغات الحب واختلاف لغة حب كل شخص، وكيفية تحديد لغة كل فرد، والتعبير عن مشاعرك تجاهه وحبك له بلغة الحب المناسبة له ...
تم النشر الاثنين، ٥ يونيو ٢٠٢٣
طيب انت بتبقى مهتم ازاي ؟ يعين لو اتكلمنا في الموضوع ده شوية .. هنلاقي ان طبيعة اهتمام او التعبير عن الحب بيختلف من شخص للتاني .. في حد ممكن يعبر عن اهتمامه وحبه بالافعال .. زيه مثلا الهدايا، زي الخدمات اللي ممكن تقدمها للشخص ده .. زي الكلام .. ف ايه هو النوع بتاعك في الاهتمام؟ ف انت ممكن تكون بتهتم بس اللي قدامك بيبقى عايز حاجه معينه هو محتاجاها مش موجوده فيك او انت مش بتقدمها بالشكل اللي هو عايزه، مع انك ممكن تكون مهتم بس بتهتم بشكل مختلف تماما. ومن هنا تيجي المشكلة ..
تم النشر الأربعاء، ٣١ مايو ٢٠٢٣
معنديش شريكة حياة بس هحاول لو ظهر حد شكرا
تم النشر الأربعاء، ٣١ مايو ٢٠٢٣
ممكن تحاول تشوف لغة الحب ايه عند شريكتك و اعمله ..ممكن مساعدتك ليها وقفتك جنبها، ممكن هدايا فغرقها هدايا كتير و حاول تعبر ديما عن مشاعرك بالكلام
تم النشر الأربعاء، ٣١ مايو ٢٠٢٣
اسمع بودكاست كيف تنجح العلاقات
تم النشر الأربعاء، ٣١ مايو ٢٠٢٣
الأهتمام معناه عند الطرف الثاني، هو إنك واخد بالك من تفاصيله وال بيحبه ولا ميفضلوش، هدية، تطمن، تقدير، وإنك تعمل ال بيحبه الطرف ده، تسأله عن تفاصيل يومه وتسمعها ومشاركه فيها، لو زعلان ومعرفتش أفهمه أو أخرجه من حزنه أكون معاه، الأهتمام شغف أن يكون التاني جزء من يومك لازم،
تم النشر الأربعاء، ٧ يونيو ٢٠٢٣
تصاحب؟ هو انت المفروض ما تصاحبش لانه مش كويس اصلا الحوار دا
تم النشر الخميس، ١ يونيو ٢٠٢٣
ربنا يجمعك باللى تكمل معاك حياتك و يفرحكو سوا
تم النشر الأربعاء، ٣١ مايو ٢٠٢٣
تمام شكرا
تم النشر الأربعاء، ٣١ مايو ٢٠٢٣
حاولت كتير بس مش بتصدق.
تم النشر الأربعاء، ٣١ مايو ٢٠٢٣
ليه محاولتش توصل النقطه دي للشخص التاني
تم النشر الأربعاء، ٣١ مايو ٢٠٢٣
لعرض السؤال في فدني اضغط هنا