أنا كنت ف افكار سلبية و كان معنديش شغف للحياة و سمعت ثيرابست بتقول أن ف اكتئاب م الدرجات عالية بيأدي لاختلال كيمياء المخ هل ده معناه أن لو قتل نفسه ربنا هيغفرله لإنه مكانش عارف هو بيعمل ايه و مكانش متحكم بنفسه و لا داري بالدنيا حواليه و هل ده بيندرج تحت فقدان العقل و كما ف شيوخ بتقول أن الي قتل نفسه و هو مريض نفسي ربنا ممكن يغفرله هما يقصدوا أي مريض نفسي و لا يقصدوا المجنون الي فقد عقله طب ما كده اي حد عنده مرض نفسي يتخلص م حياته و أقول إن ربنا هيغفرلي المشكلة أن حاليا ف تشجيع ع الموضوع بطريقة تخلي الواحد يفكر فيه أنا عايزة حد يفدني
طيب انا هاخد معك الموضوع كده واحده واحده اولا لو من الجزء الخاص بربنا فما فيش اي بني ادم يقدر يقدر يجزم هو ربنا هيغفر لمين ومش هيغفر لمين الا بالكلام الصريح اللي ربنا قايله في القران عز وجل انه يعني انه يعني ان اللي هيعمل كذا ربنا هيغفر له اللي هيعمل كذا ربنا يغفر له اللي هيتوب ربنا هيغفر له اللي هيوقف الحاجه اللي هو بيعملها ربنا يغفر له اللي هيروح يعمل عمره او اللي هيروح يعمل حج ربنا هيغفر له اللي هيقول كذا زي ما ذكر في الاحاديث قولي الذكر الفلاني ربنا يغفر له ذنوبه لو كانت مثله مثل زبد البحر فهنا المساله الدينيه فيها حاجات كتير مؤكده ولكن في الحاجات بقى اللي هي فيها ممكن ومش ممكن كده كده ما حدش يقدر ياكد ممكن حاجات احنا نكون متخيلينها او حد يتخيل انه لا ده الفعل ده حرام قطعا ومعروف ان اللي بيعمل ده خلاص ده محكوم عليه ان هو يخش النار ولكن الحزن الالهي حسب ما نقدرش نلزمها فمن ربنا هيغفرله مين ربنا ممكن يغفر له دي متوقفه على حاجات كتيره جدا جدا و الوحيد اللي هيحكم فيها هو احنا ما نقدرش ان احنا نوزن فيها. فقدان العقل هو ده الحاجه اللي ما فيهاش كلام فقدان العقل ده بيبقى خلاص حاجه واضحه وصريحه حد فعلا هو غير مدرك ادراكه راح مش موجود لكن هتيجي عند المريض النفسي فهو ما عندهوش فقدان دم في الادراك هو بس في عنده نوع من الخلل في الكيمياء المخ زيها زي اي مرض عضوي مع المرض العضوي بيكون عباره عن كده في جزء في الجسم فيه خلل في الكيمياء بتاعته عشان كده بياخد ادويه تزبط الكيمياء بتاعه الخلل ده فيبقى كويس يعني مريض السكر هو عنده ايه ما هو عنده خلل في كيمياء الجسم. المواد اللي بتفرز طبيعي من الجسم فيها مشكله بس ما هو المرض النفسي اللي هو بيكون بسبب او الاكتئاب اللي بيكون بسبب خلل في الكيمياء بتاعه المخ هو نفس القسم؟ طب ما هو ده العلاج هو الشخص ده حاول ان هو يصلح الخلل ده علشان ادراكه يبقى كامل وعلشان ما يضرش نفسه وعلشان ما يعملش الحاجه اللي ربنا قال انه ما ينفعش تتعمل واللي ما ينفعش البني ادم يضر نفسه ولا يضر غيره طب ما هو معملش الحاجات دي طب ما يتحاسب على الحاجات دي قدام ربنا قبل ما نروح اصلا لنقطه ان هو لو وصل للمرحله دي ربنا يغفرلهم مش هيغفر له في سكه طويله قبلها. ما ينفعش ان احنا نسيب السكه الطويله ونجيب الحاجه اللي في الاخر عشان نبقى او مش نبقى احنا يعني يبقى الشيطان هو اللي بيضحك علينا الشيطان اللي بيقول لنا ما عادي. ربنا هيغفر وهو بيقولوا فيبقى ضحك عليا زين لي موضوع عشان يضحك علي. المعلومات اللي بتبقى موجوده حوالينا هي معلومات موجوده علشان في الاساس تساعدني تساعدني ايه تساعدنا نبقى فاهمين لكن اللي هنتحسن احنا عليه انه احنا خدنا المعلومات دي عملنا بها ايه ففي حد فيه دلوقتي معلومه هي معلومه علشان الواحد يبقى فاهم الواحد ياخدها فيعمل بيها اذى يعني ازاي كده تبقى دي حاجه تشجيعيه هي مش حاجه تشجيعيه في الاساس هي حاجه جايه تفهم الشخص ايه اللي بيحصل بس مش تقول له ان معنى ده انه تمام وخلاص بقى سيب نفسك لا احنا نحاسب علشان هل احنا ريحنا نفسنا واختارنا الاسهل وسيبنا نفسنا للحاجه اللي هي اصلا ضعيفه ولا قومنا وعملنا كل كل اللي علينا.
تم النشر الأحد، ٢١ أبريل ٢٠٢٤
السلام عليكم ورحمة الله وبركاته شكرا لحضرتك على المشاركة ساعات في ناس بتسأل عن أمر محتاجة إجابة محددة من المختص فبتاخد اللي بيجي علي هواها بس بدون النظر لباقي الكلام اللي هوا فحد ذاته ممكن ينفيه زي اللي اخدوا من القرآن ولا تقربوا الصلاة وسكتوا مكملوش باقي الآية الله مطلع علي نوايا ونفوس البشر ومن رحمة ربنا علينا انه هوا اللي هيحاسبنا فهو أرحم بنا يعني ايا كان مين حلل او حرم المسألة ربنا هيحاسب الانسان علي قدر وعيه وفعله ونيته بنستعين بالله ونرجع لأصل المسألة فالشرع ولوفي اي افكار زي كده الافضل مناقشتها مع مختص والصراحة والوضوح معه حتي يتمكن من مساعدتك لان العلاج النفسي قائم علي المعالج والمتعالج ضد المرض النفسي ربنا يبعد عنك الشر ويرشدك للصالح ويبصرك بالحق
تم النشر الاثنين، ٢٢ أبريل ٢٠٢٤
بعيدا عن ان ربنا ممكن يغفر او لا فأكيد الانتخار هو مش الحل لاي حاجه دي تعتبر جريمه لنفسك
تم النشر الأحد، ٢١ أبريل ٢٠٢٤
المرض و الاكتاب هو مش غيب عن الوعي تماما هو في ديق نفس او خنقه عادي ممكن يخروج من الزون الي فيها ويبقا طبيعي ده لو كده يبقا كل واحد عندو اكتاب من حاجه يقتل نفسو بس لو قعد مع نفسو خمس دقيق هو يفكر في الموضوع ده الف مره قبل ما يعمل كده
تم النشر الأحد، ٢١ أبريل ٢٠٢٤
المجنون هو شخص غيب عن وعيو مش بيفكر في حاجه اصلا تمام
تم النشر الأحد، ٢١ أبريل ٢٠٢٤
مش معنى ان انا اكون مريض نفسي يبقا افكر في الانتحار وبعدين الانتحار دا معناه اني هخسر الدنيا والاخرة وكمان عارف مع دا كلو اني خلاص كدة انا كفرت مش معناها كفرت اوي بس يئست من رحمة الله وربنا بيقول «قل يا عبادي الذين أسرفوا على أنفسهم لا تقنطوا من رحمة الله» دا كمان الكلام ده موجه لللي كل شويه بيعملو معاصي ربنا بيقولهم متيئسوش من رحمتي ان «ان الله يغفر الذنوب جميعا» يعني دا زي ما انا قولت للي بيعملو معاصي كتير فما بالك بواحد عندو اصلا مرض نفسي اللي هو بياخد حسنات اصلا لصررو على الابتلاء دا فلو هو انتحر يبقا خسر الدنيا والاخرة
تم النشر الاثنين، ٢٢ أبريل ٢٠٢٤
اولا خلينا متفقين ان الانتحار بكل اشكاله حرام ودا عليه الكثير من الأدله القرانيه، واي شخص بيفكر في الانتحار فدا بيكون لسبب نفسي وقهري فلو احنا سيبنا كل شخص بيفكر في الانتحار نقولو انتحر وربنا هيغفرلك لا طبعاً الكلام ده غير صحيح بالمره، بل لايجوز الإنسان أن يدعو علي نفسه بالموت لأمر دنيوي،نركز في دي لأمر دنيوي يخص الدنيا، لذا الانتحار حرام بكل اشكاله ومن قتل نفسه فقد كفر، نأتي للموضع الثاني ان الشخص اللي بيفكر في الانتحار دا. بيكون لسبب نفسي وقهري طول ما الشخص قريب من ربنا جميع مشاكله النفسية هتتحل بنسبة ميه في الميه او يقرب من ربنا لان اي شخص بعيد عن ربنا فجميع المشاكل الدنيويه من مرض نفسي او جسدي فصتصيبه
تم النشر الاثنين، ٢٢ أبريل ٢٠٢٤
لعرض السؤال في فدني اضغط هنا