كثرة المزاح جعلت شخص ينظر إلي شخصيتي اني تافه وبالتالي عندما يقابلني لا يلقي علي السلام و انا حينها اعتقد اني شخص في ادني مستوى
من الناحية الأخرى انا انطوائي أو قليل الكلام بمعنى اصح ومع الرغم اني كريم الا اني لا اجد الناس تتباهى بي علنا و تمزح معي كثيرا مثل الآخرين
مع الرغم أنهم في بعض الأوقات يشهدوا لي ب الاخلاق و التربية الحسنة و الاحترام
و مع الرغم اني من الممكن أن أنجح في العديد من المجالات في حياتي الا انني لدي استعجال و عدم صبر و لا اثق في نفسي واتخذ رأي الناس مقياس ل حياتي
و لو شخص يفعل لي الكثير من الأشياء و طلب مني افعل له شيئا ف انا اعتقد حينها أنه يستغلني
ممكن توصفلي الشخص اللي قال عليك كده.. توصف لي شخصيته سواء الكويس منها او الوحش؟ انت قولت ان في معظم الاحيان الناس ممكن لا تتابهي بك كثيرا، ولكن رجعت وقولت بس في احيان تانيه بيحصل العكس وبيشهدوا بيك ف اخلاقك وتربيتك .. ف ايه تعلقيك ع الجزء ده؟
تم النشر السبت، ٢١ أكتوبر ٢٠٢٣
معاييرك فى التقييم الذاتى محتاجة اعادة ضبط المصنع انت قولت حاجات كتير متداخله مع بعض اوقات بتتعامل بدونيه واوقات بتتعامل بتكبر اوقات افعالك بتبقى دفاعيه واوقات بتبقى هجومى حاول تاخد وقت تبص فيه على نفسك وتركز على صفاتك اللى هتكون راضى عن نفسك بوجودها اظهر صفاتك دى بكل الاشكال لمدة اسبوع مثلا وابدأ ركز فى تعامل الناس معاك بعد ما يخلص الاسبوع جرب وقولى النتيجة
تم النشر السبت، ٢١ أكتوبر ٢٠٢٣
انا ساعات بفرح لما عميل يتصل بيا علشان أظهر للناس اني ناجح في حياتي ومش انتم بس اللي ناجحين وبتعرفوا تجيبوا عملاء وساعات بظهر اي نجاح خارج شغلي قدام الناس علشان يزيد تقديرهم بس برضو نظرة الناس مش بتتغير ف بقول لنفسي العيب فيك انت وبحاول اخلي شخصيتي قوية بس مع الاسف كلامي قليل وبالتالي الشخصية ضعيفة
تم النشر السبت، ٢١ أكتوبر ٢٠٢٣
it's a normal feeling طبيعي تحس بده لان واضح من شخصيتك انك مش نرجسي وحاسس انك لازم تصلح من نفسك ودي حاجه كويسه
تم النشر السبت، ٢١ أكتوبر ٢٠٢٣
أنا عايز اعرف ازاي اتجاهلهم لأني كل لما امشي من جانبهم ومش يسلموا عليا يتحرق دمي و اهزأ نفسي
تم النشر السبت، ٢١ أكتوبر ٢٠٢٣
بالنسبة للناس اللي واخده فكرة عني اني تافه
تم النشر السبت، ٢١ أكتوبر ٢٠٢٣
بص يمكن يكون هزارك تقيل او مبيكونش ف وقته بس دي حاجه متعيبكش دي حاجه تدل انك شخصيه روحها حلوه حاول بس انك توظف وقت الضحك ومش دايما والناس اللي بتنتقدك دي تجاهلهم تماما
تم النشر السبت، ٢١ أكتوبر ٢٠٢٣
انا بحاول اقرأ او اتعلم كل جديد بس بحس لما اروح الشغل بالنقص و اني لازم اثبت نفسي قدام الناس لأنهم واخدين فكرة سيئة عني مع الرغم أن كتير من الناس بتحبني وتشهد لي ب الاخلاق والاحترام بفضل الله بس معرفش ليه كده وساعات بحس اني لازم اكسر عين اللي قدامي علشان يحترمني
تم النشر السبت، ٢١ أكتوبر ٢٠٢٣
بالنسبة للشخص اللي بحس أنه مش طايقني بيخليني احس اني فيا حاجه غلط أو شخصيتي غلط
تم النشر السبت، ٢١ أكتوبر ٢٠٢٣
بص خليك متجاهل كلامه اي حد بيكره الهزار ويسخر من صاحبه ما هو إلا شخص غير متزن خليك بطبيعتك وحاول تشتغل علي نقط الشغف اللي عندها وخليها مركز قوي
تم النشر السبت، ٢١ أكتوبر ٢٠٢٣
الحمد لله رب العالمين يا غالي ولك بالمثل علي هالدعوه الجميله متلك 💙اتمني تكون بصحه دائما وسعاده ابديه تحياتي الك
تم النشر السبت، ٢١ أكتوبر ٢٠٢٣
ربنا يبارك فيكي و يحفظك ويسعدك ويحقق لك ما امانيكي ويرزقك راحة البال
تم النشر السبت، ٢١ أكتوبر ٢٠٢٣
استفدت طبعا من كلام حضرتك
تم النشر السبت، ٢١ أكتوبر ٢٠٢٣
في العجله الندامه وفي التأني السلامه دا مبدأ لازم تطبقه في كل حاجه ومش معني التأني انك تاخد وقت كبير عشان تنفذ حاجه معناه التفكير في الحاجه وفي أضرارها وفوائدها ولا فوائدها اكبر من أضرارها نعملها والا لاء ثانيا الرسول صل الله عليه وسلم كان يمزح مع أصحابه وكان يضحك حتي تبدوا نواجذه اللي هي الضواحك في أسنانه اللي هوا لازم يفتح الحنك وهوا بيضحك هل حد شافه تافهه زي ما بتقول لا ابدا والله دا ما زال رسول الله وسيم البشر وخاتم المرسلين صلوا عليه ثالثا إذا كنت انطوائي وقليل الكلام وفي لحظات اجتماعي وتحب الضحك دا شي راجع لراحتك النفسيه مع الاشخاص اللي حوليك خلي عندك ثقه في النفس وخلي عندك مبدأ ماشي بيه سيبك من الناس كلام الناس بياخر بس مش بيقدم اعمل لنفسك مكانه وقيمه بنفسك وخلي عندك ثقه الكل هيثق فيه نفسك احق انك تثق فيها واغلط واتعلم عادي كلنا هنا عشان نتعلم اصلا رابعا مبدأ اعطي بلا مقابل بلاش تفتكر أن لما حد يحتاجك أنه كدا مستغل لا والله دا ربنا حطك سبب عشان الحاجه دي تحصل مش يمكن لو عملت الحاجه اللي الشخص دا محتاجها تنتفع بيها مستقبلا أو لما تحتاج حد يساعدك تلاقي نفسك الشخص وقف جنبك من غير ما اقول خليك علي نبدا اعطي بلا مقابل تسعد بلا شقاء صدقني لو ساعدت غيرك هتلاقي الفرحه داخله قلبك من غير سبب انت بتساعد عشان تُسعد واخيرا دا مجرد رأي شخصي وادعيلي دعوه حلوه لو كلامي عجبك أو معجبكش يعني 🙃اهو استفاد
تم النشر السبت، ٢١ أكتوبر ٢٠٢٣
لعرض السؤال في فدني اضغط هنا