انا تقريبا عشت اقذر حياه ممكن حد يعيشها .. ماما و بابا اتطلقوا ونا عندي 12 سنين بعد كتير من الخناق و الزعيق كل يوم تقريبا قدامي انا و اخويا .. دايما بيتنا ميبقاش تمام ابدا لازم تسمع صوت زعيق فيه ... و ماما راحت اتجوزت و انا بما اني بنت فاا اكيد هفضل مع ماما و فعلا عيشت معاها و و اخويا فضل مع بابا و كنت لوحدي تماما في الفتره دي مكنش و مازلت مليش صحاب ماما كانت بتشتغل لأن بابا رفض انه يصرف عليا جنيه و كان كل ما يكلمني يقعد يشتم فيا عشان بس عيشت مع امي و انا كنت طفله يعني نفسيتي هتتأثر من اي حاجه .. في الوقت دا فضل الحال كده انا تقريبا كنت لوحدي الراجل اللي ماما اتجوزته كان نظام شغله انه يجي يومين و يمشي يومين ... و ماما كانت طول النهار ف الشغل و لما تبقى ترجع تقعد تزعق فيا عشان مثلا المطبخ مش متروق و مش غاسله المواعين و بكرر اني كنت طفله و حرفيا بقيت بسمع من ودن و اخرج من الودن التانيه انا حرفيا بقيت متبلده المشاعر مبقتش اهتم بأي حاجه ولا حتى بنفسي حرفيا كنت دخلت ف مرحله اكتئاب بس ماما مكانش ف دماغها خالص انا مكنتش أهمها خالص تحسها كانت واخداني بس عشان تعاند ف بابا ... و بعد تقريبا سنتين امي اتطلقت من الراجل دا عشان مقدرتش تقعد بعيد عن اخويا و انه كان رافض تماما انه يكلمها و دا من كلام ابويا اللي برمجه ع الاخر لحد ما وصله انه يعملي انا بلوك بس بعدين و بعد اللي حصل دا امي رجعت لبابا تاني و الحياه يعني مش احسن حاجه بس ع الاقل ممكن نقول انها يعني ماشيه .. بس بقى خد عندك بعض من الزعيق و شويه خناقات و دايما بنسمع جمله " انا مكمله معاك بس عشان خاطر العيال " و بعض من جمل زي " انا غلطانه اني رجعت " و خد من دا كتيير ... بس بعدين الحال استقر و مشينا نهائياً من المنطقه اللي كنا فيها دي و عزلنا روحنا مكان تاني خالص حرفيا منعرفش فيه حاجه ..و ف يوم ونا قاعده شوفت ماما و هي ماسكه موبايله اللي دايما ماسكاه و الشقه في حاله من الزريبه على الرغم انها حاليا مش بتشتغل بس لما شوفتها وهي ماسكه الفون شوفتها وهي بتتكلم مع حد تاني و من كلامها انه راجل و كلامها عماله تحب فيه و متمسكه جدا بيه و والله انت شوفتها كتبت رساله طويله جدا ليه .. انا كنت دايما ببقى حاسه انها بتعمل حاجه زي كده لأن دايما لما بتكون ماسكه الفون و حد يقول حاجه هي متردش خالص و دا حوار بينرفزني جدا لدرجه اني لو بسألها ع حاجه عاديه وهي متردش انا حارفيا بدخل ع اوضتي و برزع الباب جامد ع الاقل عشان تاخد بالها بس ولا كأن في كلبه كانت بتقول اي حاجه ولا اي حاجه دا غير ان امي فيها غرور كتير جدا يعني من الاخر هي مستفزه اوي .. كنت بقول اني دايما ببقى حاسه انها بتعمل حاجه زي كده عشان مبتردش ع حد دايما وهي ماسكه الفون او لما حد يجي يقرب تقوم مخبيه الشاشه علطول حرفيا البيت بيبقى اعفن من الزريبه وهي تقعد تزعقلي انا و تقولي ما انتي مش فالحه دانتي هترجعيلي تاني و دايما عايزه تقنعني ان لو حد دخل البيت و لقاه معفن هيعيب عليا انا مبقتش عارفه ايه اللي المفروض يتعمل انا اكيد مش هتكلم دايما بكون حاسه بس مبتكلمش بس المره دي انا اتأكدت و برضو مش هعرف اقول انا مقولتش لحد خالص انت نفسيتي بقت تعبانه خالص بقيت بواجه صعوبه ف الثقه بنفسي بسببهم و خناقهم دا خلاني انا و اخويا نبعد عن أهلنا و نقاطعهم زي ما قاطعوهم .. حياتي تقريبا هما بوظوها .. من زمان ونا بقيت بهرب بقراءه الروايات و الكتب عشان بس اعيش معاها حياه غير اللي انا فيها دي لحد ما بدأت اكتب و كل الناس بتشجعني معادا امي اكيد اللي مش فارق معاها اصلا و اللي بتتريق ع اي حاجه بكتبها و اللي دايما تعيب و تسخر من لبسي لحد ما ضاعت انسان ميت
( اسفه اني طولت )
لكن على الاقل التجربة اللي انتي عيشتيها صعنت منك كاتبة وقارئة ... محدش بيختار امه او ابوه، بس على الاقل نحاول بقدر الامكان اننا نتقبل اللي بيحصل في حياتنا. صعب عليكي انك تتقبلي ده بالسهولة ديه ، بس التجارب السيئة والاختيار الغلط، والتنشئة اللي صنعت بابا وماما .. هي اللي وصلتهم لكده. ولكن اللي عليكي تعمليه انك تكملي .. كملي في مذاكرتك، كملي في موهبتك .. كملي في اللي بتعمليه. ولو تقدري تتجاهلي تماما الحياة اللي في البيت بالشكل ده من الواضح انك بتعملي كده .. فخلي ماشية على هذا النظام. لان من الواضح مش هتقدري تعملي ده. وبدل ما تكرهيهم حاولي تشفقي عليهم وتعذريهم .. هي قالت جملة كويسة ووحشة في نفس الوقت " انا مكملة بس علشان العيال" هي مكملة علشناكم برضه، هي بتحبكم مش بتكرهك ولا بتكره اخوكي بالعكس. هي عندها مشاكل برضه، مشاكل من ناحية ان مفيش تفاهم بينها وبين بابا ف بتدور ع كده بره. مشاكل انها اكيد بقيت في حالة من التبلد اتجاه مسؤوليتها في البيت واتجاها ليكم انتم كمان. هي بتحاول تعمل اسقاط عليكي، لانها عارفه ان مسؤولية البيت هي خاصة بيها، ولكن هي علشان مش عارفه تتعامل ومش قادرة تعمل ده بتوجه فشلها هي فيكي انتي للاسف. وهي اساسا معندهاش الوعي ب اللي بتعمله. خليكي متيقنه انها بتعيش برضه حياة مزرية جدا، زي ما انتي عندك مشاكل هي كمان عندها مشاكل ويمكن مش بتحاول تبين ده قدامكم بس الاكيد انها مش عارفه تطلع من الصومعة اللي هي فيها. فيه حل انك تحاولي تقربي منها، وتصحبيها وتبقى بمثابة اختها، وصحبتها وبنتها .. اه هو صعب بس حاولي تعملي كده. وتفهميها انك بتحبيها، وبرضه حاولي تقدمي ليها بعض الدعم في البيت من غسيل او تنضيف او غيره .. كنوع من انواع المساعدة. لو كل ده منفعش ومحاولاتك منفعتش معاها .. يبقى استمري زي ما انتي زي ما قولتك وخليكي مهتمة بنفسك وبمذاكرتك .. واعرفي انك عملتي اللي عليكي بما فيه الكفاية. بس في نفس الوقت متكرهيش ماما او بابا .. التمسي ليهم العذر والشفقة على حالهم .. بدل ما تكرهيم .. على ما اعتقد الشعور ده اريح كتير من الكره.
تم النشر الأربعاء، ٣٠ أغسطس ٢٠٢٣
كلنا بنحس ان ابتلاءنا هو اصعب حاجة ممكن تحصل ....بس لو لفيتى فى الاسئلة فى الابلكيشن هنا هتلاقى اصعب واللى لو حطيتى نفسك مكانهم هتتعبى من الفكرة بس بالعامية كده ( اللى يشوف بلاوى الناس تهون عليه بلوته ) ايوه الاحداث كتير وتقيله عليكى طبعا بس انتى ماشاء الله عليكى ربنا انعم عليكى بالوعى والمعافرة ....الحمدلله احمدى ربنا كتير عشان ده فضل منه قبل ما يكون شطارة منك وستر وكرم كبير امك ملهاش عندك اكتر من انك تعاملى ربنا فيها وتصبرى على ابتلاءك فيها تحصنى نفسك اكتر بانك تشوفى قدوة تانيه تتبعيها ...وتستشيريها فى امورك وتقرأى كتير عن كيفية التعامل مع صدمات الطفولة فى كتاب اسمه ( ابى الذى اكره ) اقرأيه وان شاء الله يساعدك تتخطى اللى فاات
تم النشر الجمعة، ١ سبتمبر ٢٠٢٣
ازيك عاملة ايه يارب تكوني بخير وأفضل حال🤍 بصي أولا عايزاكي تعرفي ان حياتك مبظتش ولا حاجه و أنك لسه قدامك حاجات كتيرة في الحياة حلوة لسه مشوفتهاش بعيد عن محيط البيت، في اصدقاء جميلة هتقبليهم صدفة هيهونوا عليكي كل حاجة وحشة، ان شاء الله ربنا يرزقك بزوج يعوضك عن كل شئ وحش شوفتي فحياتك مبظتش لا انتي لسه قدامك كتير اوي. الي مامتك بتعمله ده هي الي هتتحمل ذنبه هي شخص بالغ و كبير و واعي و عارفة هي بتعمل ايه كويس ف هي الي هتتحمل نتيجة اخطاءها تجاهلي الموضوع تماماً عارفه انك مدايقة و جواكي شعور صعب بس انتي مش في ايدك انك تكلمي معاها في موضوع ده من الي بتحكي اعتقد أن هي هتاخد رد فعل قوية جدا اتجاهك فالافضل انك تتجاهلي الموضوع و هي تتحمل نتيجة خطاءها بالنسبة لكل ذكريات السيئة الي مريتي بيها متفكريش فيها كتير بلاش تعيدي كل حاجة مريتي بيها من اول وجديد و نفس مشاعر كل حاجة سئية عيشتيها تاني لان ده هيدمر نفسيتك يعني المطلوب منك انك متغرقيش في الذكريات دي متخلهاش تدمرك خلاص ده في الماضي نقدر دلوقتي نشوف الحاضر و نركز علي الي جاي في المستقبل و نشوف نقدر نعمل فيه ايه طب لما تراودك الذكريات دي بين حين و آخر؟ ممكن نزعل و ندايق و يجيلنا احساس بأننا عايزين نعيط كل ده طبيعي مش بقولك اعملي عكس كده بل بالعكس ادي لمشاعرك حقها و عبري عن مشاعرك لكن حذاري تغرقي فيها و تبقا هي دي حياتك محبوسة جوا ذكريات الأليمة دي كمان هقولك علي حاجة بخصوص الترويق و كده، عموما في العادي انك تقعدي في مكان مترتب و حلو نفسيتك هتبقا احسن بكتير ف خلي دايما المكان الي بتقعدي فيه انتي او بتنامي فيه يبقا مترتب و حلو حتي في اصغر تفاصيل هيريحك نفسياً، نيجي بقا لنقطة الترويق دي انا فاهماكي كويس اوي ان المسئولية كبيرة عليكي و أنك حاسه بضغط و عايزه مامتك حتي تساعد معاكي مترميش كل حاجة عليكي بصي تعالي الاول نشوف علاقتك بمامتك نقدر نصلحها ازاي؟، جربتي قبل كده تحكيلها عن مشاعرك يعني تطلبي منها ان لو سمحت يا ماما محتاجة اتكلم معاكي و تبدأي تشرحيلها الي جواكي و مشاعرك بدون خوف جربتي تعملي كده؟ و اخر حاجة تواصلي معايا و انا ممكن اقدر اساعدك في موضوع الكتابة بما إنك شاطرة فيه🤍
تم النشر الأربعاء، ٦ سبتمبر ٢٠٢٣
انا مش هقدر افيدك لاني مش متخصص ولا حد مكون اسرة اسرة حتي بس ابسط حاجه بقولك انتي شخص عظيم انك قادره تعيشي في الظروف دي والحمدلله انك قدرتي تكتشفي موهبة عندك إذا كان قراءة الكتب او الكتابه وحاولي تنمي مواهبك دي خصوصا الكتابه عشان ناس كتير كانت بدايتهم بسيطه ولو في موقع او مدونه او حساب اقدر اقرأ من عليه الحاجات ال بتكتبيها ابعتيه اقرأ شغلك وربنا يعينك علي انتي فيه وحاولي تكبري دماغك علي قد ما تقدري ❤️
تم النشر الخميس، ٣١ أغسطس ٢٠٢٣
ربنا يعنكوا علي لي انتو فيه انشاء الله الامور تتصلح
تم النشر الجمعة، ١ سبتمبر ٢٠٢٣
لعرض السؤال في فدني اضغط هنا