احساسك انك فاقد كل شي .. فاقد الكلام .. فاقد حتي الاكل ملكش نفس ولا ليك نفس تشم ريحه الاكل ... فاقد انك تحب مع أن فيه شخص ف حياتك بيقدملك كل الحب و الحنان بس انت مش قادر تقتنع بيه ولا تبادلوا نفس الحب ولا قلبك قادر يدق بحب لي .. قله الشغف ف كل حاجه مجرد ما حد يذكر كلمه عقبالك بالجواز بتحس ب الإحباط أو أن مفيش حد يستاهلك و كلهم وحشين .. احساسك أن حتي لو نزلت عملت شوبينج مش هتسعدك لو كلت احسن اكله مش هتسعدك بردو .. احساس انك مبقتش عارف ايه اللي يسعدك كل اللي انت عايزو تشتغل و تعمل فلوس و ميبقاش حد ف حياتك غير مامتك و بس .. احساسك انك مش قادر حتي تتعامل مع اقرب الناس ليك زي اخواتك و ابوك .. مبقتش عارفه اعمل ايه الاحاسيس دي كلها مسيطره عليا بقالها شهرين مش عارفه ده سببوا ايه ولا عارفه اتخلص منه
فى البداية كده .من الواضح أن حضرتك شخص واعى جدا للمرحله اللى حضرتك بتمر بيها واهم حاجه أنك مش حابب انك تستمر فيها ودى بداية لإرادة قوية فيها تغيير لأوضاع غير مقبوله بالنسبه ليك وعلشان كده حاول متفقدش حماسك وارادتك دى ابدا . حاول تبدأ بنفسك فى الاول وتحدد هدفك وكمان تهتم بنفسك وتوسع دائرة معارفك أو اصدقائك وكمان مارس الرياضه أو الهواية اللى بتحبها حاجات كتير ممكن تعملها بس افتكر دايما أن ربنا معاك في كل خطواتك وخليك دايما واثق فى نفسك انك هتقدر 🌷
تم النشر الخميس، ٢٠ يونيو ٢٠٢٤
ممكن البعد عن ربنا وقله الوعي الاجتماعي لو زودت قيمه عملك وجهدك هتزيد فرحه بقيمه نتايجك
تم النشر الثلاثاء، ١٨ يونيو ٢٠٢٤
أولاً، أنا حابة أقولك إنك مش لوحدك في الشعور ده، وكلنا ممكن نمر بفترات صعبة زي دي. الأحاسيس اللي بتوصفها زي فقدان الشغف، الإحباط، وعدم القدرة على التفاعل مع اللي حواليك دي ممكن تكون علامات لإجهاد أو اكتئاب. وطبيعي جدًا إن الواحد يحس كدة في فترات معينة من حياته. دي شوية نصايح ممكن تساعدك: اتكلم مع حد : مش غلط خالص إنك تتكلم مع حد ممكن يكون صديق مقرّب أو حتى متخصص نفسي. أحياناً مشاركة مشاعرك وأفكارك مع حد تاني بيريح وبيساعدك تشوف الأمور من زاوية مختلفة. حافظ على روتين يومك : جرب تعيش يومك على نفس الروتين، حتى لو الأمور مش بتمشي زي ما أنت عايز. الفكرة في إن يبقى فيه نظام للحياة. مارس نشاطات بتحبها : حتى لو مش حاسس بالسعادة دلوقتي، مارس حاجات كنت بتحبها قبل كده، زي القراءة، الرياضة، أو حتى مشاهدة الأفلام. اهتم بنفسك : خد وقتك للاهتمام بنفسك، سواء بالنوم الكافي، الأكل الصحي، أو ممارسة التأمل واليوغا. استشير طبيب : لو الأحاسيس دي مستمرة لفترة طويلة وتأثر على حياتك بشكل كبير، ممكن يبقى مفيد تستشير طبيب متخصص عشان يساعدك. فوق كل ده، تأكد إنك بتتعامل مع نفسك بلطف وصبر. التغيير مش بيحصل في يوم وليلة، والهداية للبالمونت والراحة النفسية ممكن تاخد وقت. انت تستحق الشعور بالراحة والسعادة، وحتعدي من المرحلة دي.
تم النشر الثلاثاء، ١٨ يونيو ٢٠٢٤
فى احتمال كبير انك تكونى مريتى بعلاقات كتير ومكملتش اللى بتوصفيه هو استهلاك مشاعر واستهلاك نفسي بشكل كبير من غير ما تحسي قررتى تقفلى بند المشاعر من كتر احباطك منه ...الاسباب احتمالاتها كتيره انصحك تستعينى بمختص يساعدك تستكشفى ده لو مش عارفه تعمليه لوحدك
تم النشر السبت، ٢٢ يونيو ٢٠٢٤
الواحد من فتره للتانيه لازم يفقد شغفه غصب عنه ويحس ان الحياه ملهاش طعم والحل انه يواجه دا غصب عنه ويتحدي نفسه صعبه فالاول بس لازم يدي فرصه لنفسه يعدي الفتره دي وحلو ان في شغف للشغل والفلوس حاجه زي دي تخليكي عالاقل حابه شغلك بتطلعي من كل اللخبطه دي بالشغل دايما الهي نفسك بأي حاجه المهم متفكريش كتير بشكل مبالغ فيه وخدي فتره مع نفسك تفهمي فيها انتي عاوزه اي واي بيسعدك وواحده واحده هترجعي لحياتك بإستعانة ربنا طبعا
تم النشر الجمعة، ٢١ يونيو ٢٠٢٤
لعرض السؤال في فدني اضغط هنا