انا بنت الكل بيقول عليها جميلة اوى و شاطرة فى دراستها بس انا مش شايفة كدا انا شايفة ان انا وحشه اوى و لما حد بيقولى ان انا وحشه بضايق اوى مع انى انا عارفة بس عملت حجات كتير وحشة انا حبيت واحد و اتعلقت بيه اوى و مكنش بيهتم بيا بس كنت بحبو فضلنا مع بعض سنتين لاحد ما فى يوم سابنى علشان عورت ايدى لما شوفتو تعبان و كانت كل مرة ماما تشوفنى بكلمو و بتاخد منى التليفون وتضربنى و انا بارضو كنت بكلمو و لما كنت بكلمو بنت خالتى توفت بس هى اتقتلت بسبب ان جاها قتلها علشانيسرق منها تلفونها و يشرب بيه و هو كان واقف جنبى و بعدين سابنى و من بعديه وانا عايزة اكلم اى حد علشان انساه و بقيت بقنع نفسي ان انا بحب الشخص الجديد دة و المشكة علقت ولاد كتير اوى فيا و بقيت مدمنة اكلم ولاد و حسيت ان مينفعش اقعد حبه على بعضيهم ما كلمش حد المهم كامت كذا واحد بعديه و بعدين قابلت واحد كان بيحبنى اوى و اتقدملى مرتين واترفض ان انا لسة فى دراسة و صغيرة المهم سبتو بارضو و فضلت هكذا لحد ما واحده صحبتى عرفتنى على حبيبها وهو مكنش بيحبها و سبها و جرحها و انا كلمتو علشان اعلقو بيا و اسيبو زى ما عمل فيها بس لقيت نفسي بقيت اكلمو كتير و شلت من دماغى ان اجيب حق صحبتى و كنت بقنع نفسي ان انا بحبو وبقيت بكلمو علشان اهتمامو بيا مع ان ساعات كنت بتخنق بهتمامو الزايد دة بس للاسف انا مش بحبو و سبتو و هو راح قال لصحبتى ان هو كان بيكلمنى و انا والله بحبها اوى و معرفش لى عملت كدا حاسة ان مكنتش بفكر ساعتها و لا كان عندي مخ اصلا و فضلت اتاسفلها كتير اوى و هى سامحتنى علشان هى عارفة ان انا مش كدة اه ممكن اكون بكلم ولاد كتير بس مش لدرجة الخيانة و بجد بعمل حجات كتير بندم عليها و بحس ان بضيع كل الناس اللى بتحبهم من اديا و بجد انا مش عارفه اعمل اى اتخنقت من كل حاجه و كل عارف ان انا طيبة اوى بزيادة و ان حبت كلام صغيرين يخلونى اعيط و بعيط على كل حاجة بس بحس ساعات ان انا وحشه اوى و حقيرة و بحس من جوايا ان هو انا مش زعلانة ان انا جرحتك و لا ان انا زعلتك منى و ان مش فارق و اهم حاجه نفسى و بفضل اقنع نفسي ان انا بخاف عليهم بجد مش فاهمة نفسي لى بعمل كدا و عايزة تفسير ل دة لان تعبت و كمان انا مش بختار اى حاجه فى حياتى ديما اهلى هما اللى. بيختارو و كلمهم ليا بيخلونى افضل ادعى ان هما يموتو و من وانا عندي 6سنين كنت بقول انا عايزة امشى من البيت دة لحد دلوقتي بفضل اقول الكلمة دى كل يوم بليل و بقيت عايزة اموت بس فى نفس الوقت بقول مش مشكله انا هنجح من غيرهم و هكمل حياتى مش هتقف عليهم و انا مش بصلى خالص و لا بقرا قران بس انا كنت زمان كنت بحفظ و كنت بصلى بس متقطع و انا صغيرة كنت تعبانه اوى و حلمت ب سيدنا محمد ان هو بيشربنى من ماء زمزم و قومت خفيت علطول و بجد انا بقيت انسانة زفت اوى و دماغى بقت تروح ان عايزة اعمل حجات كتير غلط و مع انى بخاف من ربنا بس وقت ما بعمل الحاجة مش بفكر و مش بعرف اقعد افكر مع نفسي لازم حد يختار اعمل اى فى حياتى علشان اتعود ان انا مخترش حاجة و النبى ساعدونى قولولى اعمل اى لان والله انا تعبت اوى و عايزة الحق نفسي علشان تعبت و علشان مش عايزة ابقى كدة و النبى ساعدونى انا صغيرة فى السن انا عندى 17سنة الحقونى بجد
ومن يتق الله يجعل له مخرجا بصي حضرتك حاولي على قد ما تقدري انك تشغلي نفسك باي حاجه كويسه وصلي والاوقات اللي فاضيه فيها خالص اقرا قران او اعملي اي حاجه وانت ماجلاها اهم حاجه ما تسيبيش نفسك للفضا والله المستعان
تم النشر الثلاثاء، ١٩ ديسمبر ٢٠٢٣
السلام عليكم ورحمه الله وبركاته عقلك وضميرك ما زالا يعملان جيدا وهذا من فضل الله عليكى أنتى لست سيئه النيه وانما الفعل هوا ما يحتاج إلى كبح للذات ( يعنى انتى مش وحشه بس محتاجه تمسكى نفسك من شويه) أولا تعلمى أن تعتمدى على ذاتك لأنه سيكون أخذ القرار منك وحدك وجود الأهل هذه نعمه أنتى لا تعلمى قيمتها حتى الآن قد يكونوا اخطأوا فالتعامل معك فالصغر ولكن عقلك عرف هذا وهذه نقطه ايجابيه فى شخصيتك الحل هو أن تعتمدى على ذاتك فى كل تفاصيل حياتك وليس معنى كلامى انك تتلاشى اهلك ولكن حرية أخذ القرارات سوف يغير شخصيتك إلى الإيجابية
تم النشر الأحد، ١٧ ديسمبر ٢٠٢٣
اولا ال انت بتعمليه حرام وعقابه كبير جدا انت داخله في طريق آخرة زنا لإنك بتكلمي ولاد....ومفيش اي مبرر يخلكي تعملي كدا لازم تتوبي صلي ركعتين توبه و اعزمي التوبه وخدي خطوات عمليه للتغير اسمعي دروس دين وبودكاست وعي وافهمي مخاطر ال بتعمليه في الدنيا والآخرة احفظي قران ابعدي عن الصحبه السيئه صومي كتير
تم النشر السبت، ١٦ ديسمبر ٢٠٢٣
انا عندي مشكله مش فاهمه اى هى بس فاهمين احساس انك مش قادر تكلم و لا تبرر اى حاجه انا بحس ان انا شخصين واحد قاسى اوى و انطوائي و مش عايز صحاب و مش فارق معاه اى حاجه و نفسو يموت و واحد تانى اجتماعى و بيحب الناس و نفسو ينجح بقعد مع نفسي كده افضل اكلم نفسي و افكار فى دماغى هتموتنى و اقول انا عايزة اموت و ارجع اعيط اقول بس انا مش عايزة كدة طب انا تعبت و اقول طب استحملى و ارجع اقول خلاص كفاية تقولو استحملى انا مبقتش قادرة بفضل اكلم نفسي واحد تعب و واحد بيهديه و بحس ان انا اتجننت و لما بحكى لحد من صحابى و تهدينى و تقولى ان اقرب من ربنا و حجات كتير هى فعلا عندها حق فيها و ان انا اغير من نفسي وابقى فعلا مقتنعة بس مرة واحدة القى نفسي اتغيرت لشخص تانى تماما القى نفسي حتى دماغى مش بتراجع نفسها و خلاص انا بعمل عكس اللى صحبتى قالتلهولى و ابدا استغفر و اقول اعوذ بالله من الشيطان الرجيم و اصلى و برضو انا اكنى اتحولت و لما برجع لشخصيتى تانى اقول اى اللى انا عملتو دة و اقول ياربى هو انا مكنتش بفكر ولا حصل اى و لما اقرر اعمل اى حاجه ببقى عايزة اعملها بسرعة قبل ما دماغى ترجع تعمل حجات انا مش عايزة اعملها و مش عارفه هو فى اى بس انا نفسى ابقى حره لان اهلى متحكمين فيا اوى لدرجة ان مش بعرف اختار حتى لبسى ولا حتى الشيبسى بصو وصلت ل اى معرفش اختار اى حد فى حياتى لان اهلى ديما هما اللى بيختارولى كل حاجه و لما احاول اختار انا يبداو يعملونى وحش ف اضطر اسكت واتكتم و متكلمش و ممنوع اضايق او اتنفس حتى و انا بجد نفسي فى مرة اخرج او اقعد قدام البحر كدة و اكل جيلاتى بجد انا اتخانقت من الدرس للبيت و بس مش بروح فى حته و انا معرفش اى حاجه بره المكان اللى عايشة فيه يعني انا عايشة فى اسكندرية و عندي 17و اول مرة فى حياتى امبارح اعرف ان القلعة تبقى فى اسكندريه و اول مرة اعرف ان محطة مصر دى فى اسكندريه مش فى القاهرة و اول مرة اعرف ان فى محطة رمل فى اسكندريه و عمرى ما رحت اى حتة ولا طلعت برة و حاسه ان انا محبوسة و كنت فى مرة قاعدة فى الدرس وكانت الميس عندها عصافير ف حطاهم فى قفص مرة واحده كدة جه فى دماغى ان انا زى العصافير دى محبوسة مش عارفة اى حاجه عن العالم الخارجى و بضايق لما القى صحابى بيتريقو عليا ان انا معرفش اى حاجه كدة طب ما انا معنديش اخوات و مش بطلع من البيت والفرق ما بين انا و اهلى كبير اوى و معنديش صحاب ف اعرف ازاى و خلاص تعبت من الحبسة دى و نفسى امشى بقى من البيت دة و عارفة ان هما بيخافو عليا بس مش لدرجة ان يقولولى اجيب طعم الشيبسى اى او اى حاجه فى حياتى طب دى مفهاش خوف يبقى اى بقى والله تعبت بجد و الدنيا سودة فى وشى و جالى القولون العصبى بسبب العصبية و التوتر اللى انا فيه والله تانى تعبت بقى قولولى اعمل ايه والنبى
تم النشر السبت، ٢٣ ديسمبر ٢٠٢٣
سيبك من موضوع الولاد وانه حرام.. بس موضوع انك بتدعي عل ابوكي وامك انهم يموتو ازاي يعني دي لوحدها اصلا هتبوظلك حياتك وعمرك ما هتنجحي ف اي حاجه طول ما هما مش راضينن عنك حاولي تقربي منهم او من مامتك حتي هتلاقيها اكيد بتخاف عليكي.. او حطي نفسك مكانها هتلاقي ان اي حاجه هي كانت بتعملها معاكي صح عاملي ابوكي ومامتك حلو هتلاقي كل حياتك اتعدلت صدقيني
تم النشر الخميس، ٢١ ديسمبر ٢٠٢٣
لعرض السؤال في فدني اضغط هنا