من وفاه بابا وانا
مبقتش بثق في نفسي طول الوقت حاسة ان الناس شاكة فيا او اني بعمل حاجة غلط لما بروح لحد بحس انة بيبينلي اني سرقت منة حاجة مع اني مبعملش كدة
بحلل كل حاجة واي حاجة بتحصل قدامي
لو حد ضايقني او قال كلمة باخدها علي اعصابي وبكرهه الشخص دا وبحس انة مبيحبنيش
حاسة طول ااوقت ان الناس كلها مش بتحبني وبيتامرو عليا ودا اوقات كتير بيحصل وبلاقية صح
ازاي اتخطي كل الشعور دا مبقتش بحب اروح لكام شخص من الي حواليا بيحسسوني اني باخد حاجة من عندهم او سرقت حاجة ودايما يبصو علي شكلي ومنظري
عصبية علي اتفهه الحاجات وطول الوقت بنام وعندي اكتئاب
حاسة اني مش عارفة اتخطي كل دا مش عارفة اتاقلم مع حد مش عارفة مبقتش عايزة اروح لحز ولا ازورة بقي عندي انعدام ثقة في النفس
موضوعك متشعب لكذا محور، أولهم حزنك على والدك رحمه الله، أمر فطري وطبيعي أن تتألم قلوبنا لفقد من نحب، لكن بما أنك قلت أنه أقرب الناس لك فمن المهم أن تفتحي عينك وتبحثي كيف يمكنك مساعدته. تخيلي الآن لو أن أمامك طفل صغير يلعب وسقط فجرح يده هل تجلسي بجواره تبكين أم تتحركي للبحث عما يخفف عنه ألمه؟ وهكذا الأمر ذهب والدك إلى حيث مثوانا جميعًا وما ينتظره منك الآن ليس الضعف والبكاء والاستسلام. المحور الثاني شعورك بالاتهام ممن حولك، أرى أنك تبالغين، خاصة عندما قلتِ أنك تتوترين إذا كان الحديث عن شيء ضائع، لا أرى داعيًا لتوترك، لماذا تأخذين الأمر على محمل شخصي؟ هذه أفكار سلبية اعملي على طردها من رأسك ولا تسمحي لها بالاستمرار. المحور الثالث وهو خطيبك، دعينا نكن منصفين، قلت أن الرجل كان داعمًا في بادئ الأمر يعني أن معدنه طيب، إذًا ما الذي تغير برأيك؟ لدينا سببين للتغيير هنا، أولًا كثرة شكواك وأنا أنصحك أن تتعلمي متى وماذا تقولين للطرف الآخر، لا أحد في الدنيا مهما كانت درجة قربه منك مسؤول عن تعافيك وتخطيكِ، أي نعم قد يساعد (وكان يفعل) لكنه أبدًا لن يتحمل مسؤولية ذلك. من يروجون لهذه الأفكار واهمون يا عزيزتي لأنه إنسان طبيعي له طاقة وله هموم وله مشاكل وله احتياجات، وكل منكما عون للآخر ودعم، فلا أنت مسؤولة عن علاجه ولا هو. السبب الآخر ضغوطات الفترة الأخيرة في التجهيزات قبيل الزفاف وجميعنا يدرك كم تكون هذه الفترة صعبة وضاغطة على الرجالة. خلاصة القول استعيني بربك واستعيني بالصبر والصلاة وسورة البقرة واستمدي الدعم باتزان ممن حولك من المقربين، وإذا لزم الأمر يمكنك الاستعانة بمختص علاج سلوكي.
تم النشر السبت، ١٠ أغسطس ٢٠٢٤
السلام عليكم ورحمه الله وبركاته. السلام عليكم ورحمه الله وبركاته اولا ربنا يرحم والدك ويسكنه فسيح الجنات ان شاء الله وانت تكوني ذريه صالحه لك وتعملي كل الحاجات الحلوه اللي في الدنيا علشان يقولوا دي بنت فلانه وربنا يرحمه وتسلم تربيته عايزاك تركزي اوي اوي اوي في الموضوع ده ان اكثر حاجه لو انت بتحبي باباك جدا جدا وفرق معك جدا من غيابه فضروري تقدمي له شيء هيكون غالي قوي الشيء ده هو انك تكوني ابنه صالح. انك تكوني بتعملي كل حاجه حلوه ودي هترجع لك ودي هتتحط في في الخزنه بتاعته الخزنه الاعمال الصالحه تدعي له دايما الحاجات المهمه قوي. تعالي نشوف انت ليه بقى ما عندكيش ثقه بنفسك ايه اللي حصل؟ غالبا انت كنت بتستمدي ثقتك من نفسك لوجود باباك يعني شبه كده كنت مستخبيه وراه ممكن يكون كان دائما انت متعوده لو حد قال اي حاجه كان يقول لهم بنتي وهي حره ما حدش له دعوه بيها تعملي اللي هي عايزاه فانت كنت حاسه ان هو الدرع اللي قصاد الناس وبيحميكي منهم لذلك بدات معاكي سناريوهات الخوف بعد ما الدرع بتاعك بقى مش موجود وحسيت ان سهل ان حد يزعلك او سهل ان حد يقول حاجه في حقك ومش هيكون فيه مردود او مش هيكون في رد ولا هيكون في حد يدافع عشان بابا الله يرحمه ما بقاش موجود هي بس لو الموضوع كده يبقى عشان فكره مترسخه في دماغي كنت متعوده عليها لكن محتاجين نبص للفكره دي كويس ونقول هو فعلا بابا كان بس مجرد درع وانا ما اعرفش اعمل ده الحقيقه انه لا انت تعرفي تعملي ده بابا كان موجود وبيعمل ده علشان هو ده دور لكن انت تقدري ببساطه تشوفي كل اللي هو كان بيعمله وتتعلميه وتعملي زيه وابسط حاجه تعملي بها دهنك لو لمحتي اي حاجه من اي حد تقولي له. بابا لو كان موجود كان هيقول كذا وده يبقى المدخل ليكي بانك تبداي تستعيني ثقه تكون موجوده فيك وفي نفسك مش مستنيه ان هي تيجي لك من حته. بما انك توقفي ورا الدرع حتى لو هو مش موجود قولي عارف بابا لو كان موجود ما كانش سمح انك تقول كلمه زي دي او تبص لي بصه زي دي ده مثال. طيب ممكن انت اصلا تكوني اممم واخده شكل دفاعي واصلا اللي قدامك ما يبقاش قاصده حاجه او في دماغه اي حاجه من اللي انت متخيلاها وده برده بيبقى استباق للخطر لانك حاسه انه ما فيش حمايه فحاسه انه طب ده ممكن يحصل اهو ده في حد بيقرب عليا هو حد ماشي عادي هو مش بيقرب عليك او عايز ياذيكي فخلي بالك من الموضوع ده واا حاولي تهديه انت تعملي مع اي حد وتعاملي مع الظهر اللي بدا يظهر لكن مش اللي انت بتقولي جوه نفسك اصل ممكن يكون عاوز يفرقني وعاوز يقول ان انا سرقت لا لو هو ما قالش كده اقوم ما اظهرش كده خلاص انا هاحتجاهل الفكره تماما ومش هعمل اي حاجه ولا هضايق نفسي. ده يبقى واحد من الحلول السريعه يعني قولي لي اي تفاصيل ثانيه اقدر اساعدك بها ايه اللي انت حاسه بيه انك افتقدتيه قوي قوي بعد وفاه بابا الله يرحمه عشان اقدر اقول لك ممكن تعملي فيه ايه في الموضوع يرد عليك في انه يبقى ثقه في نفسك ان شاء الله.
تم النشر السبت، ١٠ أغسطس ٢٠٢٤
حبيبة قلبي، أول حاجة عايزة أقولك إن مش لوحدك، وفي كتير بيمروا بنفس المشاعر والأحاسيس اللي بتحسيها. فقدان بابا كان صعب عليك، وده يمكن خلى مشاعرك تجاه نفسك والناس تبقى أكثر حساسية. خلي بالك، عدم الثقة بالنفس بيجي من تجارب مش لطيفة، بس ده مش يعني إنك مش قوية أو لما تآمني بنفسك. بالنسبة للناس اللي حوالينك، أحيانًا بنقرأ نشوف التصرفات أو الكلام بطريقة مش صحيحة، وده طبيعي. بس لازم تتعلمي تأخذي الأمور ببساطة أكتر. حاولي بس تبدأي بأول خطوة: كل يوم اقضي شوية وقت مع نفسك. كوني لطيفة مع نفسك، وفكري في الحاجات اللي تحبيها في نفسك أو اللي نجحتي فيها قبل كده. ممكن تكتبيها في ورقة وتحطيها في مكان واضح. وبالنسبة للناس، حاولي تقومي بتمارين التنفس العميق أو تخرجي لنزهة. طز في آراء الآخرين، أهم حاجة تكوني مرتاحة مع نفسك. تدريجيا، هتحسي بتحسن. إذا كنت حاسة بالزود من الاكتئاب، يفضل تشوفي أخصائي نفسي يساعدك، لأنهم ممكن يعطوكي أدوات لمدى التعامل مع كل ده. تذكري، كل الحاجات اللي بتحسيها دلوقتي مش هتفضل دايمًا. إنتِ أقوى من كل الأوجاع اللي بتحسي بها، وخطوات صغيرة هتخليكي واثقة بنفسك أكتر.❤️
تم النشر السبت، ١٠ أغسطس ٢٠٢٤
فى البداية كده.الظروف اللى مريتى بيها ووفاة والدك كان ليهم تأثير نفسى كبير عليكى وده اللى سببلك كل اللى بتحسى بيه. لازم يكون عندك إرادة قوية وصبر علشان تقدرى تغيري الوضع ده لأن التغيير بياخد وقت . ابدأى اكتبى كل اللى جواكى باستمرار واللى بتحسى بيه هيفرق معاكى جدا. حاولى انك تتصالحى مع نفسك واديها مساحتها وتثقى فيها علشان تقدرى تتعاملى مع كل المواقف اللى بتمرى بيها بطريقة صحيحة افتكرى ايه الحاجات اللى لما بتعمليها بتحسى بإنجاز فيها وارجعي اشتغلي عليها تانى. كونى فخورة بنفسك دايما بأى عمل تحققيه وسامحى نفسك على اى أخطاء حصلت فى حياتك وابدائى من جديد لما يجيلك تفكير سلبى حاولى تشتتى انتباهك واعملى حاجه بتحبيها كل الأفكار اللى بتجيلك دى هتروح بالتدريج اول ما تبدأى تثقى بنفسك ويكون فى تغيير فى حياتك الرياضه بتزود الثقة بالنفس حاولى تمارسيها هتفرق معاكى دايما خلى كلامك ايجابى مع نفسك وازاى تقدرى تغيري اى أوضاع سلبيه فى حياتك وحاولى لو فى تجمعات عائليه أو أصدقاء وتكونى مرتاحه معاهم انضمى ليهم واتكلمى معاهم وشاركهم الحوار ولو فى صديقه مقربه أو لايف كوتش اتكلمى باستمرار معاهم لأن الدعم النفسى مهم جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر السبت، ١٠ أغسطس ٢٠٢٤
لعرض السؤال في فدني اضغط هنا