السلام عليكم انا طالب جامعي بحب بنت عمي جدا من صغري وانا بحبها فمن فترة قليله بدات اكلمها هي في ثانوي عام بدانا نتكلم عادي انا حاولت اعبر ليها عن حبي قبل كدا بس هي رفضت بحجه اننا لسه صغيرين واحنا لسه بنتكلم وانا مشتت بين امرين مش عايز افضل اكلمها كدا من وراء عمي حاسس اني بخونه جامد وكمان قلبي متعلق ببنته وعايز يفضل يكلمها اعمل اي؟
مثلا ممكن تقول لمامتك أو باباك وكمان لو أنت مسلم يعني بلاش تكلمها كهزار وكدة وكلام الصحوبية دة عشان مينفعش
تم النشر الجمعة، ٢١ يونيو ٢٠٢٤
جميل أنّك تشعر بالذنب والخوف من أن تكون خائنًا لعمك بتصرفك هذا، استمر وحاول تغليب عقلك على قلبك حتى لا يقودك لأي خطأ. إذا كنت تحبها فعلا فأول ما يجب أن تفكر فيه هو أن تخاف عليها حتى من نفسك ولا تغلب شيطان الهوى. حتى المخطوبين هناك ضوابط وأحكام للخطوبة، فلا يصح تقربك منها ومكالمتها في أمور الحب ومشاغلتها وليس بينكما رابط شرعي. إذا كنت تحبها ومتأكد من مشاعرك نحوها وتنوي بإذن الله الاستمرار والزواج منها ولن تتغير مشاعرك بعد فترة قم بصلاة استخارة ثم فاتح عمك في الأمر وأخبره أنّك تعرف أنّها ما زالت صغيرة لكنك مستعد أن تنتظرها حتى تنهي دراستها أو تصبح في سن أنسب للزواج. على الأقل لتضمن مباركته للموضوع وتتأكد إن تقدم لها أي خاطب أن يخبره عمك أنّها مخطوبة لك. غلّب عقلك على قلبك هذه الفترة واتق الله ليبارك لك إن شاء الله ويجمعكما على خير.
تم النشر الخميس، ٢٠ يونيو ٢٠٢٤
وعليكم السلام! أفهم قلقك وترددك يا غالي، وده موقف مش سهل أكيد. خليني أقولك إن أفضل حاجة تعملها دايمًا هي اللي تكون صح وأخلاقية في نظرك وتريح ضميرك. التواصل بحكمة : إنت فعلاً بتحب بنت عمك وده شيء طبيعي، بس من الأفضل التواصل معاها بوضوح، لكن بدون ما تضغط عليها. هى عندها حق في إنها تشوف إنكم لسه صغيرين وعايزه تركز في دراستها، وده شيء لازم تحترمه. الأخلاق والاحترام : لازم تفكر كويس في علاقتك العائلية وأخلاقك. كون إنك بتحس إنك بتكلمها من ورا عمك شعور صعب، ممكن يكون من الأفضل إنك تتحدث مع عمك بصراحة وتطلب منه النصيحة. ده أكيد هيخليك تحس براحة أكتر تجاه ضميرك. التركيز على المستقبل : حاول دلوقتي تركز على دراستك ومستقبلك، لأن النجاح في حياتك الأكاديمية والمهنية هيخليك مؤهل بشكل أفضل لمواجهة أي تحديات مستقبلية في علاقتك الشخصية. الاحترام المتبادل : وضّحلها إنك فعلاً بتحبها بس برضو بتحترم رغبتها في عدم الدخول في علاقة جدية دلوقتي. ده هيبينلها إنك بتفكر بشكل ناضج ومسؤول. الصبر : خلي الكلام بينكم في إطار الصداقة والدعم المعنوي، ودعها تأخذ وقتها لتفكر وتقرر في المستقبل. الصبر مهم جدا في المواضيع دي. كون صادق وأمين مع نفسك ومع الآخرين، كده هتعيش مرتاح وتواجه المواقف بثقة. بالتوفيق ليك يا بطل! 🌟
تم النشر الأربعاء، ١٩ يونيو ٢٠٢٤
حبيبي كويس انك حاسس بالمشكله ودي خطوه جميله تثبت انك راجل جدع... بص دلوقتي انت بتحبها يعني المفترض تخاف عليها وتحطها في دور اختك او بنتك في المستقبل.... اكيد وانت عارف انك مستحيل ترضي شاب يكلمها من وراك ومستحملهاش ابدا بس هي ممكن تحصل فعلا لو انت ما بطلت وتبت لان ده ذنب بنت عمك مش محرم واي كلام بينك وبينها بضوابط يعني عند الحاجه وللحاجه فقط غير كدا يبقى انت في حد غير شرعي ولو حتى هي رفضت مجرد الكلام للبنات بيقلل من قيمتك كرجل وبيرخص قيمه البنت جدا لان الحب دلوقتي مسيطر ولما القلب يسوق العقل بيقعد ورا فمش هتشوف عيوبها الا بعد الجواز ومش هتفكر في ان اللي كلمتك ممكن تكلم غيرك وتعيش حياتك موسوس الا بعد الجواز حتى لو بنت عمك في الاول والاخر فهي تصلح تتجوزها لكن اي طريق غير باب البيت مباشر،هيحصل ليك تفكير سلبي لان المفترض فتره الحب دي لو اتعاشت قبل الجواز فأخر مراحلها الجواز يعني انت وصلت لهدفك وبعدها هتزهق وممكن هي تتأثر لما يقل اهتمامك واي حب حرام اخره الهلاك حتما لا محالا ما بدأ بما لا يرضي الله انتهى بما لا يرضيك اسف لو طولت في النقطه دي بس انا خوفي عليك مش عايزك تقع لانك لو وقعت الوقعه دي بالذات هتدمر نفسيا • الحل... هو انها طالما لسا صغيره ولو عندكم في العيله البنت بتتعلم الجامعه وبعد كدا تتخطب فأنت شد حيلك فتره الجامعه وتوكل على الله وروح فاتح عمك وما تقلق كفايه رجولتك وانك دخلت من بابه وعايز الحلال وبتعف نفسك دي عند ربنا كبيره اووي واكيد هيوفقك لان دا حقك عند ربنا لو تطلب العفاف ربنا يساعدك لو هي ممكن تتخطب في الجامعه او بدري بردو روح كلم عمك بس تكون شغال وتكلمه بالحكمه والموعظه وبعد كدا عشان بس تشبكها عمك لو شافك راجل شريها وبتتعب في شغلك واخلاقك ودينك كويسين مش هيمانع ان شاء الله اتمنى اكون ساعدك 😇
تم النشر الأربعاء، ١٩ يونيو ٢٠٢٤
اتقدملها خش البيت من بابه زي مبيتقال اتقبلت تبقا نصيبك وفيها الخير ليك متقبلتش كمل حياتك وربنا اكيد هيعوضك ببنت الحلال اللي تستاهلك وفالحالتين خير واهو برضه لو في رفض متعلقش نفسك اكتر من كدا بس بإذن الله خير طالما نيتك خير
تم النشر الجمعة، ٢١ يونيو ٢٠٢٤
لو هي كمان بتحبك اتقدملها
تم النشر الخميس، ٢٠ يونيو ٢٠٢٤
لعرض السؤال في فدني اضغط هنا