الظروف في البلد اليومين دول مش حلوة و مأثرة ع الكل ، اللي مديون ديونه بتزيد او مش بتتسدد ؤ و اللي كان عامل حسابه يجيب حاجه مبقاش عارف يجيبها بسعرها الاولاني ، اللي كان هيجوز بنت و بيجيب جهازها بقي متأزم و مش عارف يعمل ايه ، و الناس كلها بقت بتحسد بعضها و محدش طايق التاني و كل واحد بيدور علي مصلحته ، و اي حد فاتح بيت أو عنده اسرة فعايز اقولك انه من جواه بيبكي و ماسك نفسه بالعافية ، مليون شغلانة و مفيهمش عائد كويس ، أصحاب المحلات و المصانع و الورش و أرباب الشغل بقوا في حالة صرع من الجشع اللي هما فيه .. المجتمع بيمر بأزمة سببها أزمة مادية كبيرة عصفت بالكل و اللي لسه صامد ربنا يعينه ، و اغلب الرجالة مبتحبش تشتكي ، دا جانب الجانب التاني ، مش علشان قابلت واحد متضايق او علشان حصل مشكلة يبقي انا السبب دايما .. كوكب الأرض مش بيلف حواليا و لو قابلتي واحد ف الشارع بيشتم مش لازم اخد الكلام علي نفسي لان الشارع مليان ناس ، و حتي لو الكلام ليا و انا مش قد اي مشكلة هعمل نفسي عبيط .. انتي فهماني من هنا لحد اما شخص من اللي عندك ييجي يقولك فيه مشكلة و انتي طرف فيها هتصرف كاني ملكة و لا هسأل حد مش مهتم بيا انت مش مهتم ليه اصلا و لا هسأل اللي مطنشني ليه بتعمل كده طالما انتي سليمة متخافيش من اي حد و سيبي اللي في صدره مرض ياكل في نفسه ، او اللي في دماغه حاجه يستوي لحد اما يقولها ، و انتي تصرفي عادي ، ولا في دماغك .. استغبي و اعملي عبيطة او اختاري سكة المواجهة و اتبرعي و روحي اسألي كل واحد مالك بتعمل معايا كده ليه .. و هتندمي .. لازم تبقي واثقة في نفسك و مش اي حاجه تهزك كده .. ربنا يثبتك علي دينه و يطمن قلبك .
لعرض الإجابة في فدني اضغط هنا