انا كان في حد في حياتي من ٨ سنين هي بنت ومكنتش بحبها هي اكتر حد أثر في حياتي وملاها وخلي ليها معني وكانت سبب ف اني اتغير للاحسن كانت زميله ليا ف الجامعه
وانا من وقت ممشيت من 2015وانا حياتي شبه وقفت وكل ماعرف حد مبعرفش اتعامل معاه لدرجة اني بدات حرفيا افقد الامل ف الارتباط او اني احب حتي صحابي كلهم ال خطب وال اتجوز وانا الموضوع بدأ يضايقني لكن غصب عني ومش عارف اتعامل مع بنات يعني كل ماقول او احس ان في حد كويس الاقي نفسي ببعد ببعد لدرجة اني ضيعت فرص اي شاب يتمناها
لو حد عنده حل مجرب انا نفسيتي بقت ف الارض والموضوع بدأ يأثر علي شغلي وحياتي كلها
الحل فى المواقف اللى زى دى انك تفكر فى المثال ده لو كل شخص قابلته وارتاحت معاه او اعتبرته قريب منك ..مسكت فيه وجه يبات معاك فى البيت ...متخيل البيت هيتحول لايه. حبك للناس دى هيتحول لحاجة تانيه مش حلوه خالص. محتاج تتعامل بمبدأ let it go . هقولك واحده من التمارين اللى لو عملتها هتساعدك تطبق المبدأ ده ان شاءالله. اكتب كل حاجة حلوه فيها انت فاكرها منها ..كل حاجة فى ورقة صغيرة ...وبعد كده حط الورق ده جوه بالونه وانفخها واكتب عليها من بره شكرا . اربط البالونه بخيط طويل شويه ....روح اى مكان واسع او حتى فوق سطح البيت او العمارة....ابدأ سيب الخيط واحده واحده لحد ما توصل لاخره ...وسيب البالونه وانت متخيل شكل البنت دى ...وركز مع البالونه وهى بتبعد وقولها شكرا انك كنتى جزء مؤثر فى حياتى وهفضل ممتن ليكى طول عمرى.. دى اول حاجة . تانى حاجة من مبدأ ...pay it forward رد الجميل للبنت دى انك كل حاجة هى عملتها معاك تعملها انت مع حد ويفتكرك حد بحاجة حلوة زى ما انت فاكرها كده.
تم النشر الخميس، ٢٠ يوليو ٢٠٢٣
طيب انت كنت بتقول انك مكنتش بتحبها، انت ممكن تكون اتعودت بس ع وجودها وعل الحاجات اللي كانت بتعملها معاك والتغيير اللي حصلك الكويس .. يمكن خايف التجربة تتكرر تاني، خايف يكون فيه حد تاني في حياتك ويحصل زي ما حصل قبل كده ويسيبك ويمشي.! وفيه الحقيقة مفيش في العلاقات شئ مضمون اساسا! يعني وارد ان كل حاجه متكملش .. مش شرط علاقة الصداقة تدوم. مش شرط الارتباط يدوم، مش شرط يتحول لخطوبة، مش شرط يتحول لجواز. مش شرط يعني من حق اي حد في العلاقة أنه يخرج منها، احنا مش أملاك لبعض، انتي شخص كامل متكامل وهو شخص كامل متكامل. كل مرحلة من مراحل الحب، سواء في الاول كانت ارتباط أو جواز أو خطوبة، هي مرحلة مُكملة للأخرى، ومش معنى كدا إننا منعملش احتمال أنها متكملش، طبعا ممكن متكملش، وطبعا احنا محتاجين سياسية التقبل، وسياسة الرفض. فكر في الكلام لو لقيت نفسك متقبله حاول تاخد خطوة فيه، لو لقيت نفسك محتاج مساعدة اكبر يبقى لازم تروح لمعالج او اخصائي نفسي.
تم النشر الخميس، ٢٠ يوليو ٢٠٢٣
مفيش حرام بيغيّر للأحسن يا صديقي، العلاقة بالجنس الآخر غير الجواز هتفضل حرام، سواء صحاب أو حب زي ما بيتقال، حتى لو في نية الجواز ولسه محصلش.. محدش هياخد حاجة مش بتاعته مهما عمل، ولو بدأناها غلط النهاية مش هتعجبنا حتى لو وصلت للجواز في خسارة أكيد، أقسم بالله حتى لو بتساعدوا بعض على الطاعة، هتفضل العلاقة مُحرّمة، والأكبر من الحرام إننا نشوف مبرر نقوله للغلط بدل ما نحاول نتغيّر، والأكبر من كده إن القلب يتعوّد على الغلط وحياته ماشية عادي.. الموضوع كبير وعقابه شديد، وخليك فاكر دائمًا إن ما عند اللّٰه لا يؤخذ إلّا بطاعته.. أنت عانيت لأنك بعيد.. أنصحك بالقرب من الله وطاعته، وبالنسبة للتعامل مع المشكلة اقرأ كتاب الداء والدواء للإمام ابن القيّم رحمه الله.
تم النشر السبت، ١٥ يوليو ٢٠٢٣
هو الموضوع بيبقي صعب شويه انك تحاول تتاقلم مع حد تاني بس الفكره الاول انك تحاول تنسي الشخص الاول عشان تعرف تبني علاقه جديده و ان هي طريقه واحده اللي بعتمد بيها اني انسي اي حاجه ل الدنيا اني اشغل نفسي طول اليوم ب اني اعمل اي حاجه لو ف شغل ركز ف شغلك واهتم بيه اكتر ساعتها هتلاقي نفسك معندكش وقت ولا تفتكر القديم ولا تعمل حته علاقه جديده
تم النشر السبت، ١٥ يوليو ٢٠٢٣
اتعودت علي طريقه ل 8سنين؟!
تم النشر السبت، ١٥ يوليو ٢٠٢٣
بص هي الفكره انك اتعوت ع طريقه و معامله دي معاك حته شغفك ف البدايه وكل الكلام اللي كونت ممكن تحكيه عن نفسك حكتهولها ف الفكره انك كل ما تيجي تقرب من اي بنت تانيه و تتكلم معاها ومتلقيهاش نفس طريقتها بتبعد و غير كده وكده هيجي اللي تلاقيها و تشدك غصب عنك طلامه انت لسه محستش ب كده مع حد اعرف انك لسه موصلتش ودور تاني لحد ما تلاقيها
تم النشر السبت، ١٥ يوليو ٢٠٢٣
لعرض السؤال في فدني اضغط هنا