عندي 16 سنة والنهاردة كنت في درس وكنت بسأل المس سؤال ولما كنت بسالها حسيت اني عايزة اضحك ومقدرتش امسك نفسي ف وطيت راسي لتحت بس حسيت ان نفسي انقطع فجأة وكملت كلام بالعافية ومن وقتها وانا قاعدة نفَسي صعب ونبض قلبي تسارع واول ما المُدرسة خلصت شرح قمت بسرعة طلعت برا وحسيت جسمي بيرتعش جامد ورجلي بترتعش وسايبة ونفسي مكتوم ونبض قلبي سريع
أنا الحمد لله كويسة دلوقت بس لما كنت بسأل المس الكل فكرني سكت عشان كنت بضحك واتكلمت بالعافية عشان بضحك لكن في الحقيقة نفسِي كان صعب ف حاسة اني متضايقة لأني مستاذنتش من المُدرسة وطلعت اخد هوا لان لو كنت عملت كدا كانو هيفهموا اني تعبت فعلا ومن ضمنهم المس
واول ما الحصة خلصت قمت وطلعت برا من غير ما المُدرسة تقول اتفضلوا ف حسيت اني قللت احترام بس مكنتش قادرة اقعد خالص
ودلوقتي حاسة اني متضايقة لأني مستاذنتش وطلعت كان زمانهم فهموا اني تعبانة مش بضحك
هو وارد من القلق وزاد معاكي وعملك الاعراض دي هو بيحصل معاكي قبل كده ولا اول مره؟ وف المواقف الاجتماعيه بتتعاملي فيها عادي ولا ضربات قلبك بتكون شديده ؟
تم النشر الجمعة، ١٧ مارس ٢٠٢٣
اما نقطه التفكير المفرط فعليكى بس إنك زي ما عملتي دلوقتي تكتبي وتحكي مع نفسك أو مع حد قريب ليكي أول بأول أي فكره تيجي علي بالك اكتبيها عالموبايل أو نوت تدوين بتاعتك.. عمليه التفريغ دي بتساعد جدا المخ يتخلص من أعاده التفكير فنفس الموضوع ويطمنه إنه متسجل وأي وقت ممكن نرجع نفكر ونحل
تم النشر الخميس، ١٦ مارس ٢٠٢٣
الف سلامه عليكي جايز بس نفسك قفل من توتر بس المدرسه ممكن مره جايه توضحيلها عادي وممكن تبقي نسيت أصلا بس آنتي عشان توقفي تفكير وتبقي فهمتيها بس كده
تم النشر الخميس، ١٦ مارس ٢٠٢٣
أولاً، أريد أن أقول لك إنه ممتاز أنك تحدثتي عن مشاعرك وما حدث معك، هذا يعني إنك تملكين شجاعة كافية لتتحدثي وتتعاملي مع ذلك الإحساس الذي تشعرين به. بالنسبة للموقف الذي حدث في الحصة، هذا أمر طبيعي ويقع مع الكثيرين. فالأحاسيس هي أمور بشرية طبيعية وليس عليكِ الانشغال بها كثيراً. لا يجب أن تشعري بالندم أو الخوف لأنكِ أخرجتِ حاسيسك. حاولِ التركيز على عدم السيطرة على مشاعرك والسماح لنفسك بتجربة كل ما هو موجود داخلك وتعلم كيفية التعامل معها. بإمكانك أيضاً أن تحاولي تطوير مهارات التعامل مع المواقف التي تجعلكِ تشعرين بالتوتر، مثل ممارسة اليوغا أو التنفس العميق. إذا كانت المشكلة تتطلب بحث آخر، فأنصحك بالتحدث مع مستشار نفسي أو مدرب حياة، حيث يمكنهم مساعدتك على فهم أحاسيسك ومساعدتك في تحديد الخطوات التالية.
تم النشر الخميس، ١٦ مارس ٢٠٢٣
شوفى الشىء الجميل اللى انتى عملتيه هنا بانك تتكلمى وتعبرى عن احساسك وتفكيرك . اهو ده اللى لازم تعمليه بصوت عالى ومن غير كسوف لان دى حاجة هتزود من احترام اللى قدامك ليكى لانه هيشوف انك قدرتى احساسه وانه يكون فاهم الموقف صح. وربنا يجعلك دايما عندك رقابة ذاتيه على نفسك كده. اللى حصل معاكى ده رد فعل عضوى عشان كتمتى الانفعال جواكى ...سواء ضحك او غضب فهو هيبقي زى الفوران اللى اتكتم جوه ..هيهز الجسم طبعا....وفى اى وقت لقيتى مشكلة فى التنفس انسي اى حاجة المهم تاخدى هوا وتتنفسي كويس .لان اثر قلة الاكسجين وحش عامة .
تم النشر الأحد، ١٩ مارس ٢٠٢٣
الف سلامة عليكي في الاول .. هو طبيعي بيحصلك كده ولا اول مرة؟ وبالنسبة لحل الموقف ده فروحي للميس بتاعتك واتكلمي معاها واشرحي لها الوضع بالظبط، وهو انك تعبتي واحكي لها اللي حصل بالتفصيل، واعتذري لها. كده هتبقى بررتي اللي حصل ودماغك هترتاح من التفكير شوية في اللي حصل.
تم النشر السبت، ١٨ مارس ٢٠٢٣
الاول الف سلامه عليكي ، ثانيا الموضوع بسيط جدا كل م ف الحكايه انك ذوق ومحترمه والموقف مزعلك بس الموقف بسيط خصوصا انك تعبتي
تم النشر الخميس، ١٦ مارس ٢٠٢٣
الله يسلم حضرتك وشكرا لذوق حضرتك بس المشكلة اني مش بعرف اتفادى الموقف بسرعة كدا وبقعد افطر كتير واقول ياريتني عملت كذا ويارتني معملتش كذا حاسة بحالة مجنونة اني عيزاهم يعرفو اللي حصل بالظبط
تم النشر الخميس، ١٦ مارس ٢٠٢٣
لعرض السؤال في فدني اضغط هنا