أوقات كتتير اويي مبعرفش أواجه مبعرفش اتكلم مع شخص واجها لوجه واعاتبه بسكت ممكن اتعاتب واتساب مثلا لكن واجها لوجه مبعرفش اتكلم بجد مبعرفش بحس لسانى بيتشل بخاف كتتير اويي من ان الناس اللى حواليا ميبقاش متقبلين ولا متقبلين شخصيتي فا بقيت طول الوقت ساكته وهاديه اويي لدرجه ممله وبارده انا كدا لان بخاف اكون تقيله علة حد جداا فا باخد بالى من اسلوبي وطريقه كلامى أوقات كمان بدارى مشاعري يعنى لو اتضايقت جامد بحاول ابين انه عادي ومش متضايقه بكتم عياطى حتي لدرجه ان وصلت لمرحله انى مش عارفه اعبر عن زعلى ولا فرحتي طول الوقت عادي لا بعرف اعبر ان فرحت ولا زعلت بقيت غريبه بجد ومش عارفه ارجع زي الاول
انا كنت كدا اول حاجه عملتها قربت من ربنا وبدأت اقرأ كتب واشغل نفسي ومفكرش ف اي حاجة تتعبني والحمدلله اتخطيت كل دا
تم النشر الاثنين، ٢٠ مايو ٢٠٢٤
ممكن تكون المشكلة إنك مش بتعرفي ترتبي الكلام وقت العتاب او ترتبي الكلام اللي جواكي فممكن تجربي تبدأي تكتبي كل اللي جواكي في نوتس وبعد ما تكتبي كل اللي جواكي اكتبي نوت عن كل شخص في حياتك والكلام اللي عايزه تقوليهوله في الوقت المناسب سواء عتاب او لوم او شكر او غيره واقريهم بهدوء وبكده بقيتي عارفه ترتبي كلامك وترجمتي شعورك كله وكل ما تكوني مع شخص منهم قولي كل اللي كتبتيه من غير قلق ولا خوف.. من جواكي لازم تكوني عارفه انه من حقك تعبري عن اللي جواكي ومن حقك تبيني زعلك وفرحتك وكل المشاعر اللي بتمري بيها ومش مهم إن كنتِ تقيلة أو خفيفة على اللي قدامك دي مش مشكلتك ولا لازم تفكري فيها حتى .. طلعي اللي جواكي ومتكتميش مره في مره هتلاقي الموضوع أسهل
تم النشر الاثنين، ٢٠ مايو ٢٠٢٤
من افضل الحاجات اللى تعمليها عشان تكونى اقوى على المواجهه هو انك تستعدى لاسوأ سيناريو دايما يعنى لو قولت كذا ...ايه اسوأ حاجة ممكن يعملها اللى قدامى ...وتستعدى بقى لو عملها انتى هتعملى ايه او هتقولى ايه ردا على ده لو حصل واحده واحده هتحسى انك معندكيش مشكلة فى المواجهه لانك مستعده تعبيرك بقى عن فرحك وحزنك ده حقك متتنازليش عنه
تم النشر الاثنين، ٢٠ مايو ٢٠٢٤
المواجهه والكلام وجها لوجه دة بيبقى تعود انتي اتعودتي ان علاقاتك كلها عالواتساب و من كتر ما بتواجهي شات مبقتيش عارفة تواجهي و تعاتبي فالواقع ودة يتحل ب انك تكتبي الكلام اللي انتي عايزة تقوليه للشخص بس ابعتيه ڤويس و مرة بعدها ف مكالمة واللى بعدها يبقى النقاش على كافيه او ف بيت صاحبتك تتقابلوا يعني و ممكن متعرفيش تقولي اللي انتي عايزاه كله ف اول مرة بس اللي بعدها ممكن تيجي هى skill و بتطور يعني بس اهم حاجة تكوني متأكدة ان الشخص دة يستاهل انك تعاتبيه لأن وقت العتاب ممكن الواحد يضعف و الضعف دة يبان فشكل عياط او توتر مثلا والشخص اللي بتعاتبيه ممكن ميقدرش دة و يبقى قاسي عليكي ف اختيار الناس اللي تستاهل تعاتبيها بردو بيفرق، شخصيتك مش وحشة لو انتي باردة انا كان بيتقالي انت بارد من اهلي اكتر من اى حد بس انا بصراحة بشوف ان دي شخصيتي و لو مش عاجبه اعلي ف هما بيحبوني ف بيتعاملوا معايا وهما عارفين اني بارد بالنسبة للناس اللي بتعرف عليها جديد كان ممكن زمان اتوهه وادي انطباع لشخصية تاني مش بتاعتي بس دلوقتي بقيت بتصرف تصرفات خالد و شخصية خالد بس اصل انا هتعب لو فضلت اعمل شخصية مش بتاعتي واللي قدامي هيتعب معايا ف على ايه و بعدين عرفت حد و مش جي معاه ان انا بارد خلاص يعم اديك عرفت من الاول اهو اني بارد عايز تكمل كمل مش عايز خلاص ريح و استريح و لو في ١٠ كارهين انك باردة و ساكتة طول الوقت في ١٠٠ هيحبوكي ويعرفوا يتعاملوا معاكي، متخافيش من انك تكوني تقيلة على حد خليكي زي ما انتي مع كل الناس شخصية واحدة معاملة واحدة مع كل الناس مع اختلاف بقا قرابتهم عندك اكيد بس اللي اقصده ان هي شخصيتك و هي كدا و زي ما في هيستتقلها في اللي هيحبها و متدرايش مشاعرك لأيا كان السبب دايما اتكلمي و احكي لشخص قريب منك ولو مفيش اكتبي الحاجات والمشاكل دي على شكل اسئلة ف اي شات بينك و بين نفسك و جاوبي عليها.. عقلك اللاواعي هيحس انه ف امتحان مثلا و هيدور و يلاقي حل عالمشكلة دي لما الحاجة بتبقى مكتوبة بتعرفي تتعاملي معاها بشكل اوضح
تم النشر الاثنين، ٢٠ مايو ٢٠٢٤
الموضوع بسيط لكنه محتاج تدريب محتاجه تفهمي مشاعرك وتتعلمي تسميها وتعرفي اسبابها وازاي تتعاملي معاها جربي انك تدريي نفسك ولو مقدرتيش استعيني بمتخصص
تم النشر الاثنين، ٢٠ مايو ٢٠٢٤
انتي كده بتكبتي مشاعرك ودي حاجه ليها تاثير مش حلو علي صحتك اتعاملي بطبيعتك ومفيش حد كامل عبري عن مشاعرك وواجهي لو حد جه عليكي مش لازم تعملي مشكله بس قولي الي جواكي
تم النشر الاثنين، ٢٠ مايو ٢٠٢٤
انا بعرف اتكلم لو مع نفسي انى هواجهه وهقول كذا وكذا باجي اقول لما الشخص يبقي قدامى معرفش أوقات كنت لما بيجي في بالى الكلام مبعرفش اكتب بردو حتي
تم النشر الأحد، ٢٦ مايو ٢٠٢٤
لا غلط تتكلم ف المرايا المرايا بتسبب أمراض روحيه
تم النشر الثلاثاء، ٢١ مايو ٢٠٢٤
ابتديها انك تتكلمي مع نفسك في المرايه علشان تكسري حاجز تقل الكلام دا و فيما بعد حبي نفسك و بلاش تيجي عليها
تم النشر الثلاثاء، ٢١ مايو ٢٠٢٤
منا انا بكتم جوايا غصب عني بحاول مبقاش كدا مش عارفه بجد
تم النشر الاثنين، ٢٠ مايو ٢٠٢٤
لعرض السؤال في فدني اضغط هنا