عملت زنوب كتير جدا من الكبائر وكل حاجه وحشه وجيت على صحبتي بجد قرفانه من نفسي اووووي ومش طايقه نفسي
وكل الناس بعدت عني وبقيت لوحدي
اعمل اي
#توبي.. توبي عن الصفات اللي انتي مش حباها في شخصيتك واللي كانت السبب في بعد الناس عنك، شوفي ايه اسباب الصفات دي وحاولي أما أنك تغيريها.. او تتصالحي معاها .. وبالتالي هتتصالحي مع نفسك، أما عن حب الناس وقربهم، فده بإيد ربنا، انتي بس اعملي اللي عليكي. " إن الله لا يغير ما بقوم حتى يغيروا ما بأنفسهم "
تم النشر الأحد، ١٦ أبريل ٢٠٢٣
ربنا غفور رحيم، توبي على كل اللي عملتيه. وابتدي اقعدي مع نفسك وحاسبيها واعرفي الغلط بتاعك، وصلحي من نفسك، واعتذري للناس اللي هي شايلة منك.
تم النشر الاثنين، ١٧ أبريل ٢٠٢٣
كنت عاوز اتكلم باستفاضه وكدا بس مش هتتقرا فنختصر ... كل ذنب وله مكفرة والتوبه تمحوا الذنوب ويبقا اثرها بس دا مابين العبد وربه طب والعباد ؟..دول لازم هما ال يسامحوك .. واعرف ان كونك مقر بذنبك هو اول طريق الهدايه إن شاء الله .. وهتلازمك اطياف المعاصي حتى قبرك ربما لكن كلما تذكرتها اغضب ع نفسك وارجع لله وابكى ع مافاتك (وهو الذي يقبل التوبة عن عبادة) وفقني الله واياكم للخير
تم النشر الاثنين، ١٧ أبريل ٢٠٢٣
كلنا عارفين قصة الرجل الذي قتل ١٠٠ نفس بعد كدا راح لعالم سألة هل لي من توبة فقاله ان له توبة بس لازم يخرج من البيئة اللي ارتكب فيها المعاصي وامره انه يروح قرية فيها ناس صالحين. نفس الكلام، لو الواحد عايز يستمر علي التوبة دي ومينتكسش لازم يسيب اصدقاء السوء ويبعد عن كل اللي بيفكره بالمعاصي دي. ويتخذ لنفسه بيئة ايمان واصدقاء يحثوه علي الطاعات
تم النشر الاثنين، ١٧ أبريل ٢٠٢٣
توبي وقربي من ربنا، حتى لو كلهم بعدوا عنك ف انتي نويتي توبة وربنا خير المؤنس والصاحب وواحدة واحدة كل الاحساس ده هيروح ان شاء الله وربنا يصلح حالك وحالنا
تم النشر الاثنين، ١٧ أبريل ٢٠٢٣
توبي لربنا وأي حد زعلتيه او أذتيه لازم يسامحك لأن ربنا بيسامح علي الذنوب والخطايا حتي لو كانت من الكبائر لاكن حق الانسان ده لازم الانسان الي يسامحك فيه لان ربنا عادل محدش بيتظلم عنده فلازم زي مجيتي علي صحبتك تخليها تسامحك عشان ربنا يمحيلك ذنبك الي عملتييه فيها اه هتوبي بس لازم تسامحك عشان دي حقوق عباد
تم النشر الاثنين، ١٧ أبريل ٢٠٢٣
(قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ)
تم النشر الأحد، ١٦ أبريل ٢٠٢٣
لعرض السؤال في فدني اضغط هنا