أنا حاسة أني وحشة أو أنا مش حاسة أنا شايفة أني وحشة كشكل ومش واثقة نفسي خالص وده معطلني جدًا ، بشوف أن كل البنات حلوة الا أنا مفيش حد بيتقدملي أنا تانية جامعة بضايق لأني بحس أن مفيش حد عاوزني، من ضمن الحاجات اللي مضيفاتي التجويف اللي حوالين عيني ده بيكون عيب في الجمجمة كنت بفكر اعمل فلير وده غير أن بشرتي سمرا نفسي احب نفسي زي ما أنا ، قولولي اتقبل نفسي إزاي واعمل ايه
2 جامعة انتي لسه صغيرة جدا جدا .. ومقاييس الجمال مش ثابتة اساسا .. يعني حد ممكن يكون شايف البنت البيضاء مش عجباه، وحد تاني ممكن يكون شايف البنت سمراء عجباه .. انتي نفسك مش بتشوفي بنات سمراء وواثقين من نفسهم واحبين شكلهم! اكيد فيه مفيش حد وحش .. كل واحد فيه الحلو اللي بيحليه فعلا قدام نفسه والناس ... انتي جتلك الفكرة ديه ازاي ؟؟ انك حد وحش؟
تم النشر الخميس، ١ يونيو ٢٠٢٣
المشكلة هنا ان كل ما بتبصي على حد بتدورى على نفس الحاجة اللى شكلك مش حلو فيها من ووجهة نظرك وكل البنات فعلا حلوين ..بما فيهم انتى ...كل التفاصيل حلوه وليها اللى بيحبها وبيتغزل فيها كمان. ان حد يتقدملك مش ده مقياس الجمال . شوفى كل حاجة فيكى ....ليها قيمة فى جمالك...ابتسامتك و ذوقك فى الكلام والهدوم اللى لايقة عليكى والناس اللى حواليكى ومستمتعين بصحبتك. كل دى واكتر منها حاجات ممكن تجذب اللى قدامك ليكى ...مش بس الشكل اصلا. احساسك بكل نقط جمالك هيظهر على وشك وتعبيراته ولمعان عينيكى....الثقه بالنفس لوحدها من عوامل الجمال.
تم النشر الجمعة، ٢ يونيو ٢٠٢٣
كل الانتي قولتيه وكل البتفكري فيه وكل البتعمليه غلط جدا مفيش حاجه اسمها شكلي وحش عارفه لو تصرفاتك او معملتك مع الناس هقولك الف حل وحل انما تتكلمي عن شكلك لا لا مينفعش في جمله في كتاب فن اللامبلاه بتقول ان كل ما الانسان حاول يشوف نفسو ان هو اجمل واحد في الدنيا هكون دايما حاسس ان هو اوحش واحد في الدنيا علشان هو مش عارف يوصل للجمال الهو عايزو ومش لازم تكوني جميله بشكلك خليكي جميله بأخلائق تصرفاتك معملتك مع الناس وكده انما الشطل ده بتاع الخلقنا وكلنا هنروحله فليه نغيرو علشان حاجه مش باقيه في الاخر وغير كده ليه تزعلي ان محدش بيتقدملك وانتي لسه في تانيه جامعه لسه العمر قدامك ومعلش يعني هما الاتجوزو في البلد دي بذات خدو ايه غير الهم بسبب الاسعار المبتنزلش بتطلع بس في الغالب اصلا مبقاش في رجاله عايزه تتجوز اصلا مش حوار شكل ولا غيرو خليكي عارفه ان شكلك ده بتاع ربنا وان محدش ليه انو يعايرك بيه مهما كان مين حتي انتي مينفعش تعيري نفسك علشان شكلك او علشان حاجه انتي ملكيش دعوه بيها
تم النشر الخميس، ١ يونيو ٢٠٢٣
اهتمي بنفسك وهاتي حاجات عناية بالنفس، شوفي ايه موهبتك واشتغلي عليها،البنات السمرا كلهم زي القمر و حقيقي مشوفتش واحده لون بشرتها أسمر و كانت غلسة او أخلاقها و حشه دايما بيبقوا مقبولين وشكلهم حلو و متسألنيش ليه لأني معرفش😂 بالنسبة للتجويف دي ممكن لو تخنتي شوية متلقيهاش لأني لما خسيت ابتدت تظهر هاتي ورقة و اكتبي فيها الحاجات اللي النتس قالتلك دي حلوة فيكي وانتي شايفاها حلوه ف نفسك و الزقيها ع المراية واقرأيها من وقت للتاني ابتسمي ع طول اتعلمي أي حاجه شايفة انها مُفيدة لو سمعتي حد ابتدى يحكم عليكي أو يقول رأيه متركزيش لغاية م يخلص وبعدها ابتسمي و غيري الموضوع صلّي قيام الليل اقرأي قرآن بصوت جميل وبس💛💛
تم النشر الاثنين، ٥ يونيو ٢٠٢٣
برأيي أن الأمر له بعد نفسي، وعميق بداخلك وليس مجرد شيء عابر... أولًا عليكِ بقراءة كتاب النساء يركضن مع الذئاب سيوضح لكِ هذا الكتاب النمطية والقوالب التي توضع فيها النساء بشكل قسري على الرغم من تنوع الجمال ومقاييسه وتنوع واختلاف الشخصيات النقطة الثانية ان كنتِ قادرة على زيارة أخصائية نفسية تساعدك على فهم السبب في مشاعرك هذه فسيكون هذا أمر جيد جدًا ومفيد لكِ
تم النشر الاثنين، ٥ يونيو ٢٠٢٣
مقاييس الجمال مختلفة وكل إنسان له نظرته للجمال يعني مش شرط البنت تكون بشرتها بيضاء علشان تكون جميلة حبي نفسك كل واحد عنده جمال مختلف خاص بيه أكتشفي جمالك في شخصيتك وبطلي تقارني نفسك بأي حد لأن مفيش حد شبهه التاني كلنا مختلفين أنتي لسه صغيره كل اللي مطلوب منك أنك تحبي نفسك وتهتمي بيها كوني جميله في عيون نفسك علشان ده ينعكس على كل اللي يشوفك ويتعامل معاكي طلعي الحلو اللي جواكي وأكتشفي شخصيتك ربنا يسعدك
تم النشر الجمعة، ٢ يونيو ٢٠٢٣
تقبل النفس او الثقه عموما بتيجي من انك تحسي انك عملتي انجاز.. تبدئي تعملي حاجات صغيره وهتديكي دفعه انك تعملي حاجات اكبر واكبر وهتحسي بقيمه نفسك
تم النشر الاثنين، ٥ يونيو ٢٠٢٣
صدقا اكيد انتى جميلة اوعى تسمعى كلام حد او تسنى كلمة حلوة قمتك من نفسك
تم النشر السبت، ٣ يونيو ٢٠٢٣
قال الله تعالى: ولقد خلقنا الانسان فى احسن تقويم.. دايما خليكى فاكره ومتأكده ان ربنا مبيخلقش حاجه وحشه كل واحد متميز بحاجه مختلفه الشكل مش ف ايد حد لاكن الروح هى الى بإيدنا تخلي الناس تخب او تنفر منك..... كمان متسمعيش لاى رأى سلبى لان الناس الى بيحبوكى دايما هيشوفوكى احلا واحده واتغلبى ع ضعف ثقتك بنفسك بانك تمارسي هوايات بتحبيها ورياضه وتهتمى باهلك وعلاقتك معاهم حقيقى هيفرق معاكى كتير وتفوقى ف دراستك وشغلك ومتسمعيش لاى رأي سلبى
تم النشر السبت، ٣ يونيو ٢٠٢٣
كمان شوفي بنات نفس حالتك على السوشيال ميديا و شوفي ثقتهم في نفسهم مثلا لو مش عاجبك ان بشرتك سمرا شوفي البنات السمر الواثقين من نفسهم و شوفي انتي فكرتي في اي لما شوفتيهم واثقين من نفسهم اكيد هتقولي انهم بجد جمال اومال انا ليه مش ذييهم.....ده عن تجربة لان كنت بكره جسمي و كنت نفسي اخس و كل ما اشوف بنت على السوشيال ميديا تخينه و اتخن مني بمراحل بس واثقه من نفسها كنت بقول يااه هي اذاي جميلة كده اومال انا ليه مش جميلة ذييها و أدركت في الآخر ان الموضوع عبارة عن أهتمام بالنفس و حب الذات و الثقه 😂
تم النشر السبت، ٣ يونيو ٢٠٢٣
فأول حاجه تعمليها إنك تجيبي ورقة و قلم او ممكن تكتبي على التليفون عادي.....اول حاجه انك تكتبي ايه الي مش عاجبك في نفسك (في شكلك او شخصيتك او الاتنين) ، تاني حاجه تكتبي الحاجات الي تقدري تغيريها من غير ما تدخلي في دائرة ان الشيء ده حرام لأن في عمليات تجميل بتبقى حرام لانها بتغير من أصل الهيئة الي ربنا خلقك بيها ، تالت حاجه تكتبي الحاجات الي متقدريش تغيريها و تشتغلي كل يوم على انك تحسنيها و "تتقبليها" ، رابع حاجه اكتبي الافكار الي بتيجي في دماغك عن نفسك ذي مثلا انا مش حلوة ، انا محدش بيحبني.... الخ و كل يوم تحاولي توعي ذاتك اكتر بالقراءة في موضوع حب الذات و الثقه بالنفس و تحاولي تغيري افكارك و كلامك السلبي اتجاه نفسك لان ده بيأثر على كونك جميلة فعلا او لا ، خامس حاجه لازم تفهمي و تدركي بجد ان كل انسان عنده جماله الخاص و ان رأي الناس فيكي مش بيحدد انتي مين ..اومال مين الي بيحدد ده؟ انتي الي بتحددي ده و كونك بتسألي عن اذاي تحبي نفسك دي اول خطوة ممكن تاخديها في طريق انك تبقي جميلة بجد و لازم تكوني فخورة إنك اخدتي الخطوة دي و طبعا الموضوع مش هيكون سهل انك تحبي نفسك و تتقبلي نفسك في غمضة عين و لكن مع الاستمرارية و انك تشتغلي على نفسك وقتها هتوصلي لمكان تفتخري بيه بجد ....شخصيتك هتتغير و هيبقى عندك ادراك عالي بذاتك و محدش هقدر يأثر عليكي بكلامه و هتكتفي بذاتك و هتلاقي ان الناس بدأت تحبك و تنجذب ليكي لأنك اهتميتي بنفسك و حبيتي نفسك
تم النشر السبت، ٣ يونيو ٢٠٢٣
انا كنت كده برضو كنت بكره نفسي جدا و بشوف كل البنات حلوة إلا انا بس بعد كده أدركت أن كل انسان حلو و مفيش حد وحش بس فيه الي مش عارف نقاط جماله و مش مدرك انه جميل فبدأت اني اهتم بنفسي و لو في حاجه في شكلي مش عاجباني و "اقدر اغيرها" بغيرها و لو حاجه "مقدرش اغيرها" ببساطه لان ربني خلقني بالهيئة دي و مش مسببة أمراض يبقى بحاول اتقبلها.....انتي عارفة قد ايه البنات السُمر جمال اوي؟ مش بقول كده علشان اجبر بخاطرك بس بجد البنات عموما حلوين و لكن ايه الي بيخلي الشخص ميبقاش حلو هو عدم ثقته في نفسه و الأفكار السلبية عن ذاته
تم النشر السبت، ٣ يونيو ٢٠٢٣
اولا انتى حلوة من غير اى حاجة و مش شرط الشكل عشان تحبى نفسك اهتمى بنفسك و الحلو اللى فيكى طورسه و العبر ررياضة و ها كذا و اعرفى ان الجمال سيظل جمال الروح. بالنسبة انتى لسه تاتية جامعة متضايقة ان مفيس عرسان..هو حاليا عموما فيه ازمة ف الجواز و دا مش حاجة للحلوين بس لا دا نصيب و مش كل اللى اتجوزوا مبسوطين. استمتعى بوقتك و حبى حالك تقببيه و اشتغلى على نفسك دماغك فكرك و سيبك من اللى يحسسك عكس كدا لان تصرف الناس انعكاس لنظرتك لنفسك
تم النشر الجمعة، ٢ يونيو ٢٠٢٣
مين قال ان الاسمرار علامه وحشه ولا مش من علامات الجمال خصوصا لو درجتك امحويه ف الدرجه دي اصلا من علامات الجمال دي حاجه تاني حاجه انتي بتقولي انك تانيه ع الدفعه يعني ربنا اداكي حاجه ممكن متكونش عند حد مثلا ربنا اداله جمال اكتر منك متقارنيش نفسك بحد لان كل واحد عنده مميزات غير التاني +انتي صدقيني لو بصيتي ل نفسك بعين انك حلوه لأنك فعلا حلوه هيفرق جدا معاكي وهيفرق ف نفسيتك وكمان هتحبي انك تحسني من نفسك اكتر وتهتمي ب نفسك خليكي شيك ك شكل واهتمي ب بشرتك جدا وتقبلي نفسك ااه واسألي عن موضوع الفيلر ده عشان تقريبا حرام بس كدا♥️
تم النشر الجمعة، ٢ يونيو ٢٠٢٣
لعرض السؤال في فدني اضغط هنا