اول مره انزل مشكله عندى هنا ونفسى الاقيلها حل، أنا زمان كنت بصلى وبصوم وكل حاجه وعادى جدا زى اى مسلم بس مكانش عندى الايمان اللى أنا حاسس بيه دلوقتى لأنى من فتره مش طويله خالص تقريبا من شهرين وانا ليا واحد صحبى كان ديما بيشدنى نصلى فى المسجد لحد ما حبيت المسجد و بقيت أنا اللى بشتاق اسمع الأذان عشان اقابل ربنا و بقت الصلاة بالنسبالى مش مجرد فرض بعمله وخلاص عشان ربنا لا أنا كل ما بقيت بتعب أو اى حاجه بتحصلى بروح أصلى عشان ارتاح بالصلاه من كل حاجه ف دى نعمه كبيره جدا انى احس بحلاوة الايمان الحقيقى بحمد ربنا عليها جدااا جدا ، بس المشكله هنا انى لما انغمست فى الايمان اكتر و التركيز على العبادات حاسس انى مستوايا فى المذاكره أو التعليم بشكل عام قل ( أنا ف ٢ث عام) مع أن العكس اللى المفروض يحصل يعنى أنا بقرب من ربنا اكتر ف اكيد ربنا هيحبنى و مش هيسبنى تايه التوهان اللى أنا فيه دلوقتى ولحد دلوقتى أنا مش عارف بصراحه اى سبب التوهه دى حاسس انى مضيع حاجات كتير جدا أنا من شدة انغماسى فى العباده مبقيتش عاوز حاجه من الدنيا حرفياا بس احنا برضو مأمورين بالسعى فى الدنيا ف مينفعش اركز فى العباده بس ، أنا التزمت ف دخل رمضان بعدها ع طول ف الموضوع دا عادى ولا عشان رمضان المذاكره و التركيز فيه بيبقا قليل ولا اى عشان أنا بجد تايه جدا من فتره و مش عارف المشكله فين، ياريت تساعدوني🤦
شوف مش معنى إنك إلتزمت إن كل حاجة في الحياة هتكون وردي! إنت بتلتزم طمعًا أولاً في الآخرة، وبل بالعكس إنت لما تصدق في إلتزامك ربنا هيبتليك أكثر وده وارد في أحاديث كثيرة. العبادة مش مصلحة العبادة خوف من الله وطمع فيما عنده وغيرهما أما مسألة المذاكرة فإنت محتاج تنظم وقتك وتبدأ مذاكرة من الفجر حرفيًا لأن ذاكرتك بتبقى كويسة وقتها، وعامتًا رمضان المذاكرة فيه بتكون صعبة وده عادي بس الواحد بيجاهد. ربنا معاك
تم النشر الخميس، ١٣ أبريل ٢٠٢٣
ده الموضوع مش مشكلة خالص قد ما هو انجاز لازم تكون فخور بيه وده مش تشتيت بالعكس ده احلى تهيأه من ربنا ليك عشان تنطلق انطلاق حلو اوى باذنه فى بقيت طريقك فى الحياه. العبادة هى الاساس ..والالتزام اساسه عدم الاستهانه بمواقيت الفرائض وتقديمها على اى مآرب اخرى فى الحياة. فانت بتظبط السوفت ويير عشان البرامج التانيه تشتغل كويس. والحمدلله انت كده زى الفل ورمضان ساعدك تثبت اللى بدأته . استغل الوقت المتاح فى رمضان على قد ما تقدر فى مذاكرتك. ومن اجازة العيد بقي اساسك العبادة وتأدى فروضك وتقوم تكمل العبادات الاخرى...لان العلم والعمل عبادة ايضا وكل فعل مرهون بنيتك فيه. فانت وانت بتذاكر نيتك هتكون عبادة لان ربنا قال اقرأ والرسول عليه الصلاة والسلام قالنا نطلب العلم وانه فريضه. هتبقي نيتك بر بوالديك وانك تفرحهم. هتبقي نيتك انك تكون نموذج ناجح للمسلم الملتزم يقتدى بيه ولاد اصغر منك. الالتزام انك تلتزم بالرسالة كلها قبل ما تكون العبادات ...اتمنى تكون نموذج ملتزم مجتهد ناجح باذن الله
تم النشر الجمعة، ١٤ أبريل ٢٠٢٣
اولا ربنا يثبتك ي اخويا ويديمها عليك نعمة يارب اللي ف ايدك دي نعمة كبيرة من ربنا مش اي بيوصل لها والوصول لها صعب حافظ عليها ثانيا القرب من ربنا مش هيعوقكك عن المذاكرة بالعكس انت بس حاول تنظم وقتك اكيد عندك وقت ف ال24 ساعة تذاكر فيه ممكن يكون لشغف قليل وكده بس انت حط هدف لنفسك يشجعك عشان تسعى له ولو اي حد صاحبك يشجعك كمان فالعبادة مع المذاكرة تبقا كده فل وربنا يعينك
تم النشر الخميس، ١٣ أبريل ٢٠٢٣
أولاً، أريد أن أقول لك إنه ما شاء الله عليك بالتزامك القوي في العبادة وحبك للصلاة. هذا أمر جيد جدًا ولا يعني أنك مهمل للمذاكرة أو العلم. في الواقع، المعرفة والتعليم من الأشياء التي تفيدنا في حياتنا اليومية وترفع من قيمتنا كبشر، وتجعلنا أقدر على خدمة الله وأيضًا الآخرين بشكل أفضل. أهم شيء هو أن تحافظ على التوازن بين العبادة والتعليم. يعني يمكنك توظيف العبادة والطاعة لخدمتك في مجال الدراسة والتعليم، عن طريق زيادة النخب الدعاء والاستغفار والتوكل على الله لمساعدتك وإدراكه لخدمته. وعليك ممارسة العادات الصحية الأخرى التي تساعدك على التركيز والتفاني في الدراسة، مثل: تحديد الأهداف والجدولة الزمنية، الاسترخاء بإيجاد أوقات للراحة وتخفيف الإستمرارية الملحوظة في العمل. بالإضافة إلى ذلك، يمكنك البحث عن منصات التعلم عبر الإنترنت أو المكتبات أو الجامعات ومراكز الدراسة للحصول على علم مفيد ورائع. انظر للتعلم والعبادة سوياً، وسوف تكون قادراً على التصرف بشكل أفضل في التوازنات الهامة التي تحتاج إلى لعب دورك فيها، والإنجاز المناسب لكل شيء على حد السواء. أتمنى لك التوفيق والنجاح، وإن شاء الله سيكون لديك القدرة على إيجاد الحلول الصحيحة لكل المشاكل التي يمكن أن تواجهها في حياتك.
تم النشر الخميس، ١٣ أبريل ٢٠٢٣
لعرض السؤال في فدني اضغط هنا