انا عندي 22سنه
معنديش شغف لأي حاجه في الحياه وفكرة الانتحار مش عايزه تروح من دماغي ومش عايزه اموت منتحره بس خايفه في لحظه اعملها من غير ما احس
٢٢ سنة لسه صغيره .. يمكن يدوب خلصتي دراسة يعني لسه بتبدأي حياتك وتشوفي الدنيا فيها ايه. معندكيش شغف ده شئ طبيعي مين قال ان الشغف مهم يبقى موجود ف سنك أو مهم أنه يبقى موجود أصلا عشان نبقى عايشين حياتنا. الشغف بيجي بعد ما تجربي وتشتغلي أكتر من حاجه وتجربي حاجات كتير هتلاقي حاجه معينه بتستهواكي وبتحبي تعمليها احتمال يبقى ده شغفك واحتمال بعد فترة تكتشفي أنه كان فضول بس وتكملي حياتك بتجربي حاجات تانيه لحد ما تستقري ف حاجه أو اكتر من حاجه تعمليها ف حياتك عشان تبقي قدمتي رسالتك وأديتي اللي عليكي. كل اللي مطلوب منك ف سنك الحالي أنك تسعي وتجربي تعملي أنشطة مختلفه وتجربي شغلانات مختلفه تتعرفي فيها ع الناس وتتعلمي مهارات الحياة اللي مش بتيجي من الكتب. حاولي تبعدي عن السوشيال ميديا والبلوجرز اللي بيقعدوا يقولوا اصنع حلمك وحقق شغفك والكلام ده عشان ملوش لازمه غير أنه يضايقك ويخليكي مش طايقة حياتك ولا راضيه عنها.
تم النشر الاثنين، ١ أغسطس ٢٠٢٢
لو خايفة على نفسك من نفسك ....ما تقعديش لوحدك نهاااائى الشغف اصلا ممكن يكون بحاجات بسيطة اوى ....ومش شرط تعرفيه فى سن معين ...فى ناس بتشتغل وتطلع معاش وبعدين تلاقى شغف ظهر يهتموا بيه وفى ناس بتعيش بشغف وتلاقيه اتغير بعد فترة وظهر ليهم شغف تانى حكمة الحياة مش الشغف خااالص ربنا خلقنا عشان نعبدة ...بالتسبيح والذكر والمعاملات الحسنة....مش بالشغف خالص حياتنا ممكن تنتهى فى اى لحظة ومش محتاجين نستعجل النهاية محتاجين بس نستثمر الوقت اللى مش عارفين هيخلص امتى انصحك تقرأى فى سبب خلق ربنا للانسان ...ممكن ده يبدأ يلهمك بحاجات كتير تثبتك قصاد الافكار دى وكمان ياريت متتابعيش اى قصص بتتكلم عن الاكتئاب والانتحار لانك اضعف من انك تتحمليها وواضح انها بتأثر عليكى جدا. ولو عندك مشكلة عائلية موصلاكى لعدم الرغبة فى الحياة .....لازم تلجأى لطبيب نفسى فورا.
تم النشر الجمعة، ١٨ نوفمبر ٢٠٢٢
للأسف في الفترة الأخيرة كلمة الشغف تكرر كثيرًا بين الشباب بدون دراية ومعنى لهذه الكلمة. هو هل الشغف هيجي لوحده بدون ما نسعى للخوض في تجارب مختلفة ومتنوعة؟ طيب كام مرة كنتي معندكيش طاقة انك تكملي شيء معين، أو حتى تخرجي خروجة معينة، وبعد ما خلصتي الشئ ده بقيتي مبسوطة أو على الأقل فيه طاقة. خلاصة كلامي إن الطاقة أو الحافزية اللي انتِ محتاجها مش هتيجي من فراغ، مش هتيجي واحنا قاعدين ومستنين، هتيجي بالعمل. انزلي أرض الواقع، جربي حاجات جديدة وتَعلمي حاجات جديدة، صدقيني احنا عمرنا ما هنعرف الصح ده صح ولا غلط، أو مناسب أو غير مناسب غير لما نجرب، على ما اعتقد انتِ محتاجة انك تتعرفي كمان على نفسك من جديد. محتاجة تقدري نفسك أكثر من ذلك، وجودك مهم، وله غاية، قدريها واعطيها الاحترام اللازم. لا تنجرفي وراء مسميات السوشيال ميديا، وانت متأخر، والسعي، الخ... كل واحد له حكايته الخاصة به، اصنعي حكايتك، واعرفي نفسك اكتر.
تم النشر الاثنين، ١ أغسطس ٢٠٢٢
ممكن تستعيني بدكتور نفسي وده مش عيب ابدا انا عن نفسي كان عندي مشاكل نفسيه في فتره مراهقتي وكنت بستعين بدكتور نفسي واحكيله وكان بيساعدني جدا ،لاني مكنش عندي صحاب احكيلهم ولا اهلي كانو يقدرو يفهمو مشاكلي واكيد الي انتي فيه ده اكيد مش من فراغ اكيد عندك مشاكل وتقدري تروحي ل دكتور ومفيهاش اي احراج ، انا كنت اكتر واحد خايف علي شكلي لو حد عرف اني روحت لدكتور نفسي وخصوصا لاني من قريه بس التجربه تستحق ومتهتميش ابدا لكلام اي حد نفسيتك اهم من كل حاجه
تم النشر السبت، ١٩ نوفمبر ٢٠٢٢
بصي يا حبيبة خالتك عندي البت فلة حفيدتي نفس حالتك فهقولك الي بقولها، ٢٢ سنه لسه قدامك الحياة طويلة تجربي وتعيشي لكن في كل محطة هتقفي فيها هتتعلمي فاعتبريها مغامرة مش حاجه وحشه لاسمح الله ، موضوع الشغف فربنا خلق لكل واحد فينا بصمه دوري علي بصمتك في موهبتك مش يمكن تكوني بتعرفي ترسمي أو تمثلي أو تتحاوري مثلا؟ اسمعي مني الكلمتين دول .. اول هام اكتشفي نفسك الاول اعرفي ايه اهتماماتها، ايه عيوبها ومميزاتها ، ايه بيعجبها وايه لاتاني هام عيشي الحياة علي انها تحدي ومغامرة وفي كل محطة بنتعلم تالت هام ارضي دائما بالحياة الي ربنا يكتبهالك لأن دائما فيها الخير رابع هام انتحار ايه يابت ، الانتحار ده للناس التوتو مش هقولك مبيعرفوشي ربنا إنما ضعفا ميعرفوشي نفسهم والقوي هو الي يحاول مره وعشره ، طب ده انا لو حكتلك علي محطات حياتي هيشيب شعرك. المهم يحبتي قومي كده وروقي وابدئي من جديد وكلنا معاكي
تم النشر الجمعة، ١٨ نوفمبر ٢٠٢٢
انا زيك بس كله قله استعجال قضاءالله يمكن وجعنا في الدنيا يكون سبب في راحتنا في الاخره
تم النشر الأربعاء، ١ مارس ٢٠٢٣
طمنينا عليكِ
تم النشر الأحد، ١٨ ديسمبر ٢٠٢٢
مساء الخير يا ميرنا ... ضروري تلجأي لمتخصص يساعدك تعدي المرحلة دي وان شاء الله هتكوني افضل 💙💙
تم النشر الاثنين، ١ أغسطس ٢٠٢٢
ببساطة شديدة مستعد تقابل ربنا؟ حتي لو مستعد فتصرفك في شيء ليس ملكك هيلغي كل اللي عملته ومستعد بيه وكانت ماحصلش فتقوم ( باعد نفسك عن عذاب دنيوي ، ومغروس غرسة مالهاش نهاية ولا تصور من عذاب في الاخره) كده استفدت ايه! بعدت عن شوية ناس مخلوقة من تراب وروحت لربك وربهم بفعل وحش زي ده ؟
تم النشر الاثنين، ١٣ مارس ٢٠٢٣
صباح الفل يا ميرنا الجي الي اقرب كنيسه ليكي واعترفي للاب الكاهن أو صححي اخطاءك بنفسك لأن الشكوى لغير الله مذله
تم النشر الخميس، ١٢ يناير ٢٠٢٣
استهدى بالله يا ميرنا متضيعيش 22 سنة وتموتى كافرة اصبرى وربنا هيجازيكى خير حتى لو مش فى الدنيا هيبقى فى الاخرة ان شاء الله بس انتى قربى منه
تم النشر الاثنين، ١٩ ديسمبر ٢٠٢٢
لعرض السؤال في فدني اضغط هنا