السلام عليكم
لو سمحتوا عايزه اخذ رايكم انا مش قادره اتخطى انى خطيبي سابني فى الخطوبه لوحدى واروح انادي ميرضاش يجى لدرجه الكل بقى يقول هو جاي غضب عنه.
للعلم انى قلت بلاش خطوبه قالي عاوز أفرح بس كسرنى للعلم بردوا قلت له قبل الخطوبه انا بتوتر خليك جانبى، بس سابني ووقف بعيد.
ليه يعمل كدا ممكن كله يشوفها حاجه تافهه بس بالنسبة ليا مش تافهه💔
المشكله ممكن تكون تافهه في نظر ناس وناس لا حسب كل شخص وحسب درجه الحساسيه عند كل شخص بس الموقف الي يحسسك بمشاعر سيئه ميبقاش تافهه اهم حاجه تفكري كويس في كل المواقف الي حصلت بينكو قبل كده وهل ده الشخص المناسب الي هيقدر يتحمل مسئوليه حياتكو في المستقبل بكل الحلو والوحش الي فيها ولا هيسيبك تواجهي كل حاجه لوحدك فكري كويس وخدي قرار دلوقتي يريحك سنين قدام
تم النشر الاثنين، ٢ ديسمبر ٢٠٢٤
السلام عليكم .. مبدئيا كده أنا بعتذر جدا عن اللي حصل ليكي ياريت كان ف أيدي أغيره بس للأسف لاء .. بس مش ده اللي أنتي عايزه تسمعيه او تقريه .. انتي هنا مش علشان حد يواسيكي او يطيب بخاطرك ، انتي هنا علشان متضايقة من اللي حصل و عايزة تفسير مقنع ، و حد يطبطب عليكي و يقولك معلش انتي مش غلطانة و حصل خير و أكيد مش قصده ، فعادي كلنا اخوات و الناس للناس .. و الحمد لله انها جت علي قد كده .. استوقفني كذا حاجه .. الحوار نفسه اللي مضايقك تافه نوعا عارفه انها حاجه كبيرة للبنات و في بعض حالات بتبقي مناسبة العمر و مش بتتكرر بس اللي أثار انتباهي .. انك سيبتي الشخص الوحيد اللي لو سألتيه عن مبرره و عن ردود أفعاله الغريبة كان هيقدم تفسير مقنع و جيتي تسألي هنا هل أفهم من كده أنك مسألتيهوش علشان زعلانة ولا علشان كنتي خايفة من رد فعله و هو شخصية كاسحة و لا الوقت مكنش يسمع و متكلمتوش من بعدها .؟ هل حصل حاجه ما بينكم و أنتي مقوليتهاش في المشكلة ؟! في علامة استفهام .! بعض الشباب او الرجالة تصرفاته بتتغير لو فيه ناس حواليه أو هو بطل الحدوته اللي بتحصل هل خطيبك من النوع ده . هل عمل معاكي رد الفعل ده قبل كده ، و هل حصل حاجه او خلاف بينه و بينك او بينه و بين اهلك او فيه احتمال يكون حصل حاجه معاه أثناء تواجده و انتي متعرفيهاش . أكيد اختبرتي خطيبك قبل كده سؤال كمان هو رد فعله ايه لما حد بيضايقه قوي او بيعمل حاجه مش علي مزاجه .؟ و عنده كام سنة و الفرق بينكم كام منتظر اجاباتك علشان اقدر اقدم لك تحليل يتفق و يتسق مع الأحداث و يكون الأقرب لتفسير اللي حصل ..و برغم اي حاجه مبروك و ربنا يتمم لك علي خير .
تم النشر الخميس، ٢٨ نوفمبر ٢٠٢٤
وعليكم السلام ورحمة الله وبركاته، أختي العزيزة، أقدر مشاعرك وأفهم حجم الألم الذي تمرين به. لا شك أن التجارب العاطفية يمكن أن تكون معقدة وصعبة، خاصة عندما نشعر بأن الشخص الذي نحب لم يعطينا الدعم الذي نحتاجه. من المهم أن تعبّري عن مشاعرك بصراحة مع خطيبك. حاولي أن تتحدثي معه عن الأقل ما تشعرين به، وشاركيه مخاوفك وتوقعاتك من هذه العلاقة. التواصل الفعّال يساعد على فهم كل طرف للآخر. في نفس الوقت، من المهم أن تعرفي حقوقك ومشاعرك. لا تشعري بالسلبية أو بأنك وحدك، فكل شخص يحتاج إلى الدعم والتواصل. كوني حازمة في مطالبتك بالاحترام والتقدير، فهذا حقٌ لكِ. إذا شعرت أن الأمور لا تستقيم، عليكِ أن تقيمي العلاقة وتقرري ما إذا كان من الأفضل الاستمرار أو الابتعاد. لو كنت تبحثين عن نصيحة محددة أو ترغب في التحدث أكثر عن المشكلة، فوجود مستشار أو شخص موثوق فيه قد يكون مفيدًا. تذكري دائمًا أن الله معك، وأن كل شيء سيؤول إلى الخير إن شاء الله.
تم النشر الخميس، ٢٨ نوفمبر ٢٠٢٤
لا يا حبيبتي هذه ليست شيئا تافها بل هذا مصيرك و انتي تعلمين انكي ستبدئين معه حياة جديدة تخيلي ان لم يكن يحبك اصلا و تتزوجينه ويتغير أسلبه معاكي فكري جيدا في قراري خطوبتك و تحدثي معه فهذه ليست لعبة وهذه خطوبة و من حقكي ان تقلقي واتمنى ان يكون كل شئ بخير وفقكي الله
تم النشر الثلاثاء، ٣ ديسمبر ٢٠٢٤
لعرض السؤال في فدني اضغط هنا