السلام عليكم ورحمه الله وبركاته انا بنت عمرى ١٤سنه و خايفه من انى اكون بعمل حاجه تعصى ربنا . اولا انا بنت مسلمه و بحفظ قرآن كريم و بلبس لبس شرعى و بغض بصرى قدر المستطاع و انا مشكلتى انى انا بتخيل شخص علشان مبصش لأى ولد حقيقي علشان بندم لما ببص لولدغصبا عنى أو افكر فى شخص بجد .لأن متأكده أن ده إلى حرام بجد و لاكن الشخص إلى بتخيلوا ده مش حقيقي و والله مبتخيلش اى تجاوزات انا بس بتخيل اللى بيحصل فى الافلام و المسلسلات مع العلم انى بطلت نهائيا انى اتفرج على الحجات دى و برضوا مبتخيلش التجاوزات الزياده عن حدها زى الحجات الغير اخلاقيه فى الافلام وكده و برضوا بتخيل انى كبيره و ده جوزي والمشكله أن الموضوع ده زاد عن حده و بقيت بألف مواقف و انوا مثلا كان كافر و انا خليته يبقى مسلم و انو مثلا احنا بقينا فى جزيره و تهنا .... إلى آخره .انا عارفه انو اي حاجه بتلهوا عن ذكر الله فهى حرام فأنا أعمل ايه وازاى اتخلص من التفكير ده لانى بجد حاسه ان ده حرام ياريت اى حد يفيدني بحل مقنع حتى ولو هيكون صعب التنفيذ مع العلم انا عارفه أن كتير من البنات اللى فى سنى بيعملوا كده يعنى انا عارفه انوا ده مش مرض نفسى دى طبيعه البشر ولاكن انا عاوزه حل مهما كان صعب القيام به و ياريت لو حد يعرف حديث أو آيه فى القرآن يفدنى و جزاكم الله خيرا
اولا احب اني اشكر الاستاذة ذكية والاستاذ احمد الديب على آرائهم السديدة النافعة وبالفعل كلامهم الطيب ونصائحهم الغالية مهمة جدا وان كان ليا اني انصحك يابنتي انتي فعلا في سن جميل وكله براءة واشكرك على صراحتك ووضوحك وطبعا انا متخوف زيهم من التمادي في المشاعر دي لانها قد تتسبب في اثار سلبية كتيرة جدا وهاطرح على حضرتك حل عملي بسيط وهوا انك تؤلفي قصص ولو صغيرة ولو لم تكن مميزة في الأول لكنها هتخرج الطاقة اللي عندك فمممكن تخليها زوجين وحوارات بينهم وظروف ولكن ابتعدي عن اي شئ خاص بينهم يغضب ربنا ربنا يوفقك
تم النشر السبت، ١٨ مايو ٢٠٢٤
طبعآ دا طبيعي لانك في مرحلة المراهقة والجميل هو انك متدينة ومش عايزة مشاعرك تنجرف وعلشان كده بنصحك انك تقللي من اي مشاهد مثيرة حتى لا تندفع مشاعرك تجاها ولابد من تجنب الانطواء والوحدة ولازم يكون عندك اصدقاء واشياء اشغل وقتك بين دراسة ورياضة ووسائل ترفية حتى تستثمري طاقتك ولا تكتميها وبالتالي بيقل عندك الشغف العاطفي حتى يحين وقته بالحلال وربنا يهدي قلبك ويوفقك لكل خير ويبعد عنك كل شر
تم النشر السبت، ١٨ مايو ٢٠٢٤
مرحبًا! أولاً، فخورة جدًا بك وبتفكيرك الإيجابي ورغبتك في الارتقاء بنفسك. بما أنك تعرفين أن هذا التخيل يلهيكِ عن ذكر الله وممارسة صلاتك وواجباتك الدينية، يمكنك البدء بتطبيق بعض الخطوات البسيطة التي تساعد في التخلص من هذا التفكير: ١. محاولة تحويل انتباهك عن التفكير في هذا الشخص من خلال التركيز على هواياتك المفضلة أو ممارسة نشاط تستمتعين به. ٢. الحفاظ على صلاة الجماعة والقراءة من القرآن الكريم يومياً، حيث يساعد ذلك على تهدئة النفس وزيادة الوعي الديني. ٣. التحدث مع شخص موثوق به عن مشاعرك وأفكارك ليكون لك دعم نفسي وديني. ٤. الانخراط في أنشطة اجتماعية مع العائلة أو الأصدقاء قد تساعد في تشغيل العقل بأمور جديدة. ٥. لا تجعلي الشعور بالذنب يسيطر عليك، بل تذكري أن الاستغفار والتوبة يمحوان الذنوب ويجلبان الراحة والطمأنينة. لا تترددي في الاستمرار في طرح أي استفسارات أو مشاعر ترغبين في مناقشتها. أنا هنا لمساعدتك ومساندتك في كل ما تحتاجينه.
تم النشر السبت، ١٨ مايو ٢٠٢٤
انا عارفه ان الواقع اللي عايشينه ده مش كله جميل واننا ممكن نعيش ف الخيال حاجات جميلة ممكن متحصلش ف الواقع او منقدرش نحققها اوقات الحياة اللي بنعيشها في خيالنا فيه منها صعب يتحقق في الواقع ده احساس طبيعي جدا خصوصا في فترة المراهقة لكن مش تسترسلي معاها لفترة طويلة يعني اول ما تحسي انك ممكن تتعمقي في تخيلاتك فجأة استفيقي واستعيذي بالله من الشيطان الرجيم واكثري من ذكر الله وداومي النظر في القرآن 🤍
تم النشر السبت، ١٨ مايو ٢٠٢٤
الزمى لا حول ولا قوه إلا بالله بنيه إن ربنا يقويكى و إن شاء الله خير
تم النشر السبت، ١٨ مايو ٢٠٢٤
السلام عليكم ورحمة الله وبركاته اختي العزيزة حاولي الاسترخاء ولا تجعلي الموضوع يكبر في راسك وكل ما تجي هذه الافكار الي راسك استعيذي بالله من الشيطان الرجيم واقرائي اية الكرسي وحافظي علي قيام الليل واذكنتي لاتستطعين ايقاف التفكير في هذا الامر فعندما تاتيك تلك الافكار حاولي الجلوس في اماكن بها ناس تهتم لامك وتحدثي معهم مثل والدك اووالدتك
تم النشر الاثنين، ١٠ يونيو ٢٠٢٤
: لا يجوز التفكير في ذلك ؛ لأنه ذريعة إلى ارتكاب الفاحشة ، والوقوع في الشر والفساد "
تم النشر الثلاثاء، ٢١ مايو ٢٠٢٤
شكرا لحضرتك
تم النشر الأحد، ١٩ مايو ٢٠٢٤
اولا كده دا نفسي انتي بتخلقي بيئة وحياة وشخص مش موجود عشان تعيشي معاه ودا غلط الناس بتحلم اه بس مش لدرجه خلق بيئة كامله واوهام اثبتي علي دينك والرقيه الشرعيه وحاولي تلاقي حد كبير تتكلمي وتحكيله وتلغي كل الاوهام دي وانتي لسه صغيره لعلمك ودي مراهقه بس مش اكتر لازم حد كبير تتكلمي معاه
تم النشر السبت، ١٨ مايو ٢٠٢٤
جزاك الله كل خير
تم النشر الاثنين، ١٠ يونيو ٢٠٢٤
شكرا
تم النشر الثلاثاء، ٢١ مايو ٢٠٢٤
لعرض السؤال في فدني اضغط هنا