السلام عليكم
انا محتارة جدا ما بين اني والدي ووالدتي عايشين ف محافظة وانا من صغري لحد م كبرت مبحبش المحافظة دي وقرايب والدتي كلهم عايشين ف محافظة تانية ف انا بعشق المحافظة التانية دي فحاولت كذا مرة اني اقعد ف المحافظة اللي بحبها بس الظروف مكنتش مساعداني مع ان اهلي كانوا واثقين فيا ومخليني اسافر عادي دلوقتي انا جتلي الفرصة من معيشة هناك بس مش مع قرايب والدتي بس مستنية رد الشغل هل لو ردوا عليا ف الشغل وقالوا تمان اقعد واكمل ف المحافظة اللي بحبها وهدفع تمن سكن هو مش كبير وتمن اكل وشرب وازور اهلي ف الاجازات ولا مكملش عشان حقيقي محتارة مع اني بحبها جدا وبرتاح فيها نفسيا وقرايبي كلهم فيها وصحابي كمان لكن المحافظة التانية دي لا بحبها ولا حابة اخرج فيها ومجاليش من وراها غير مشاكل والناس هناك مش سالكة ووحشة محتاجة رد عشان محتارة!
صلي صلاة استخارة وربنا يكتبلك الخير وحاولي تلاقي سكن جنب قرايبك اللي من المحافظة تانية يبقوا ونس ليكي
تم النشر الجمعة، ١٧ مايو ٢٠٢٤
وعليكم السلام، إنتِ ليه مجبتيش سيره والدك ووالدتك وبعدك عنهم وفراقهم وبتفضلي قرايب والدتك وصحابك على والدتك نفسها؟ أعتقد فرصه الشغل سهل تلاقي زيها في محافظتك و المحافظه اللي بتحبيها تقدري تزوريها براحتك في الأجازات والفسح و مع والدتك و انتِ قلتي إنهم مدينلك إمتيازات السفر براحتك.. مفكرتيش إن ببعدك عن والدتك ممكن بعد الشر تتعب ومتكونيش جنبها ؟ سيبيهم يعيشوا مشاعر الفراق معاكي لما تكوني فعلا مضطره زي إنك هتتزوجي خلاص أو في أمر طارئ .. لكن نصيحة مني إستغلي كل وقت معاهم لأنك فالمستقبل هتعرفي إن السعادة مش في المكان السعادة وسط بيتنا ووسط والدك ووالدتك وفري فلوس السكن و الاكل والشرب ومصاريفك اللي هتدفعيها وقت ما هتكوني مقيمه في شقه لوحدك وحوشيها كـ فلوس ترفيهيه وروحيلهم في الاجازات واصرفيها في فسح واعتبريه تغيير جو كل فتره وهتتبسطي اكتر صدقيني
تم النشر الأربعاء، ١٥ مايو ٢٠٢٤
انتى بنت ولو هنتكلم عن افضل شىء للبنت فهيكون انها تعيش وسط اهلها ومتكونش فى سكن لوحدها اللى الظروف بتكون مفيهاش اختيارات بالنسيالهم بيقعدوا لوحدهم ...انا مش شايفه انك مضطره للشغل اللى هيخليكى تقعدى لوحدك وده عشان بس حبك للانتقال فى المعيشة فى المحافظة دى....واتباع الهوى او اللى عاوزينه مش هو اصح شىء اذا قدرتى تعيشى مع قرايبك فده ممكن ..انا نصيحتى ليكى لو الحل ده مش متاح متنتقليش
تم النشر الأربعاء، ١٥ مايو ٢٠٢٤
اعملي اللي يريحك وانتي صح ومتحطيش فبالك حاجه غير راحتك وربنا يقدملك اللي فيه الخير
تم النشر الخميس، ١٦ مايو ٢٠٢٤
لعرض السؤال في فدني اضغط هنا