انا جوزي مسافر برن عليه لقيته مشغول صوره الوقت اللي رنيت عليه فيه عشان ابقا عارفه عاود عليه بعدين بقوله ساعه مارنيت عليك كنت بتكلم مين قالي كنت برن ع اخوكي قولتله ابعتلي اسكنر للشاشه للوقت اللي رنيت فيه بعتلي كان الوقت متأخر عشر دقائق عن الوقت اللي رنيت عليه فيه كلمته قولتله احلف كنت بتكلم مين ساعه مرنيت عليك قالي دي الشبكه بس حاسه مكلمتش حد بس انا شاك انه بيكلم حد حد يقولي اعمل ايه
بلاش خالص الطريقة ديه تماما... وده لكذا سبب ... اول شئ ديه طريقة سخيفة وتولد الشك ديما، ف علطول هتكوني شاكة فيه .. ترضي انه يعاملك بنفس الطريقة؟ تخيلي انك كل شوية تكوني محل شك، وتكوني محل اتهام طول الوقت، ومضغوط عليكي بشكل غير طبيعي .. ويقولك كل شئ اعملي اسكرين، صوري لي نفسك انتي فين، وهكذا .. كل ده بيحصل طبعا، هل يرضيكي انه يعمل معاكي كده؟ اكيد لا، محدش يرضى ابدا على نفسه انه يكون في محل شك طول الوقت، غير انه استنزاف غير طبيعي .. يعني ايه ابقى طول الوقت محتاج ابرر .. طول الوقت محتاج اثبت حاجه معينة! تاني سبب علاقتكم ياترى هتكون كويسة بعد ما الشك يكون بينكم؟ اكيد لا طبعا .. العلاقة ما بينكم هتكون ديما متوترة. ثالث شئ وده مهم جدا، اللي هيعمل حاجه هيعملها، يعني لو عايز يخونك هيخونك وممكن متعرفيش، ف بلاش تخربي على نفسك وتدوري على الهم برجلك. كده كده متخافيش مفيش حاجه هتستخبي عليكي طول الوقت، لو فيه حاجه صدقيني هتظهر وهتيجي لحد عندك كمان. بلاش الشك يدخل ما بينكم، علشان ده هيكون سبب الخراب.
تم النشر الأحد، ٢٦ نوفمبر ٢٠٢٣
الشك دا وساوس شيطان وبيخرب بيوت. مهو ممكن يسجل مريم باسم احمد فتحي مثلا، ويقولك اهو دا احمد صاحبي الموضوع بسيط يعني مش معقد. والسكرين الي بعتهالك ممكن مكالمة شغل وطولت او حد كان بيتصل ف نفس الوقت او الشبكه فعلا. متركزيش مع الافكار دي وركزي ازاي تعيشو ف جواز سعيد.
تم النشر الأحد، ٢٦ نوفمبر ٢٠٢٣
كثره الشك بيضمر العلاقات فعاليكي أن تصبري
تم النشر الثلاثاء، ٢٨ نوفمبر ٢٠٢٣
لعرض السؤال في فدني اضغط هنا