انا شخص يمتلك شخصية ضعيفة او معدومة وده بسبب اني كانت مدلع وانا صغير وده ساب أثر سلبي على شخصيتي للأسف فابحس دائما اني شخص تافه ومليش قيمة بسبب تصرفاتي والنقط السلبية في شخصيتي أنا الحمدالله السنة الأخيرة بقيت شخص اجتماعي وعرفت اكون صداقات بشكل كويس بس لسه عاوز ابقي شخص كويس واجتماعي الناس تحبه وتحترمه
(ملحوظه انا عندي 16 سنه)
اولا احمد ربنا انك قدرت تشوف اللى انت فيه محتاج تغيير نبدأ التغيير بقى باننا نحط هدف لحياتنا كلها ( بالتفاصيل ) عاوز لما حياتك تنتهى تكون حققت ايه ....عاوز اتجاهك فى الحياه اصلا يكون رايح لفين ركز فى الصداقات اللى بتعملها انها تكون فى نفس الاتجاه اللى هتحدده لنفسك اختار شخص يكون سنة كبير وسيرتة طيبة وخليه قدوتك واسألة فى الصح والاصول بلاش غايتك تبقى حب الناس ...لان مش شرط توصلها ....لان ممكن الناس تكرهك عشان انت على حق .....فاحنا نركز اننا نبقى على الحق ده اهم قوة شخصيتك هتيجى من انك متتكسفش انك تغلط ولا انك تتعلم وتواجه التجربة بكل اللى فيها . تقبل النقد من اللى حواليك واعتبرها نقط تشتغل عهليها وتحسن من نفسك فيها . اتعلم ترفض الغلط وترفض بقوة كمان ....هى دى قوة الشخصية الصح ...هو ده اللى يخليك تحترم نفسك وتحبها وتكون فخور بيها
تم النشر الجمعة، ٨ سبتمبر ٢٠٢٣
شوف على اليوتيوب فيديوهات بتجيبلك الفخامة والثقة بالنفس والقوة والجمال وشخصية مهمة و التحكم في أشياء كثيرة انصحك ب القنوات هذه :- دوباميكافين عبدالله علاوي محمد عيتاني معتز مشعل محمد غنايم تحفيز بالعربي تحفيز يومي
تم النشر الجمعة، ٨ سبتمبر ٢٠٢٣
شئ كويس انك تبقى عارف نقاط قوتك وضعفك .. تقدر تقول ايه هي النقاط باستفاضة اكتر .. يعني ايه هو الاثر السلبي اللي في شخصيتك دلوقت؟ وايه هي العوائق ؟ وليه انت متخيل ان الناس مثلا مش حباك؟ وتقصد ب ايه عياز اكون شخص كويس .. يعني الكلمة ديه عايمة شوية .. عايو تكون كويس في ايه؟
تم النشر الأربعاء، ٦ سبتمبر ٢٠٢٣
انك عرفت انك كنت في مشكلة في الطفولة اللي هي الدلع ده حل نص المشكلة كمل اشتغل على نفسك وزود ثقتك بنفسك وابعد عن اى مصدر يرجعك للدلع تاني انت ماشي صح كمل
تم النشر الاثنين، ١١ سبتمبر ٢٠٢٣
لعرض السؤال في فدني اضغط هنا